¹ Mw'ezo nsiku, omubale gw'abaganda gwaluga Abageriki bakacidudumira Abayahudi bulya abakana babo bakagi yibagirwa kw'ebi byakagi gabwa ngasi mango. ² Balya ikumi na babirhi bahamagala abaganda banacibabwira erhi: '' kurhashinganini rhuleke okuyigiriza akanwa ka Nnamahanga mpu lyo rhukagaba ebiryo. ³ Mulonze muli mwe bene-wirhu bantu nda bakengwa, abayunjwire Muka Mutagatifu, n'obushinganyanya bwo rhwaha ogo mukolo. ⁴ Nirhu rhwehe rhwacishwekera okukuharamya n'okuyigiriza akanwa ka Nnamahanga. ⁵ Ebyo binwa byasimisa abahali boshi banacishoga Stefano muntu waliyunjwire bwemere, na Muka Mutagatifu, na Filipo na Prokoni, na Nikanori, na Timoni, na Parimena na Nikola, mushimbulizi w'e Antiokiya. ⁶ Banacibalerhera entumwa n'erhi baba bamashenga, babalambulira kwo amaboko. ⁷ Akanwa ka Nnyushukamahanga kalumira, n'Abaganda bayushuka bwenene omu Yeruzalemi; ciru n'Abadahwa banji baba n'obuyemere. ⁸ Lero Stefano erhi ayunjwire nshokano na buhashe bunji, akajira ebirhangazo na bisomerine binji omu garhi k'olubaga. ⁹ Lero bantu baguma b'omu Sinagogi ederhwa yabarhengaga omu buja, n'abantu b'e Sirena n'ey' ab'e Alexandriya, n'ab'e Silisiya n'ab'e Aziya bayisha bali jiraStefano kadali. ¹⁰ Barhahiragi himwa n'oburhimanya bwage bulya Muka Mutagatifu wakagi mubwira ebi aderha. ¹¹ Lero banacirheba bantu mpu baderhe oku bayunvirhe aderha " ebinwa by'okujacira Musa na Nnaamahanga". ¹² Naa ntyo bazusa akavulindi omu lubaga n'omu bagula n'omu bashamuka b'ihano. Okuhandi bamurhibukira bamuheba nfune bamuheka e kagombe. ¹³ Balerha abahamirizi bw'obunywesi, mpu: "Oyu muntu arhahusa oku logorhea ah antu hatagatifu n'Amarhegeko. ¹⁴ Ciru rhwayunvagya aderha mpu oyo Yezu w'e Nazareti aze shabe aha hantu anahindule engeso rhwasigiragwa na Musa." ¹⁵ Mwako kasanzi abali omw'ihano boshi erhi bamusinza babona obusu bwage bushushire obwa Malahika.