¹ Balibacidwirhe babwira olubaga erhi abadahwa n'omurhambo w'aka Nyamuzinda n'abasaduseyi babarhongera. ² Bayisha bagayire okwenge bakagiyigiriza abantu n'okubabwira oku Yezu afusire omu bafu. ³ Banacibagwarha, babahira omu mpamikwa kuhika bwaca, bulya byalikola bijingo. ⁴ Ci banji mulibalya baliyunvirhe ebyo binwa baemera. Ntyo abemezi bahiba nk'omu bihumbi birhanu: balume abo bonene. ⁵ Oku bundi erhi buca, abakulu b'abayahudi, abagula n'abashamuka b'ihano bashimanana e Yerusalemu. ⁶ Ana omudahwa mukulu abalimwo, na kayifa na Yohane na Alexanduro na ngasi b'obuko bw'abanjinji b'abadahwa. ⁷ Bana cirhumiza entumwa, banaciyimanga ekakarhi kabo, barhondera okubadosa mpu: '' Ewe oku buhashe buhi erhi oku izino lyandi mwajiraga kulwa?'' ⁸ Obwo Petro ayunjula muka Mutagatifu ababwira erhi: '' Mwe bakulu b'olubaga ninyu mwe bagula muyunvé'' ⁹ Obula rhuhamagirwe omu lubanja oku minja rhwajirire ecirema, mpu rhuderhe gurhi afumire, ¹⁰ Mweshi mweshi n'olubaga lw'Izraeli lwoshi mumanye oku oyu muntu ayimanzire embere zinyu afumire n'izino lya Yezu kristu w'e Nazareti, olyo mwabambaga oku musalaba, ci Nnamahanga anufula omubafûla omu bafû. ¹¹ Ye ibuye ababusi binyu bagayaguzagya ly'ayishiba kaboko ka nyumpa. ¹² Na nta wundi obucire bwa karhengakw'o, bulya en'igulu erhaba lindi izino ciru n'eliguma lyahirwe abantu lyankarhuciza. ¹³ Erhi babona Petro na Yohane barha hunyiri n'erhi bamanya oku bali bantu kwone barhasomaga, abagula b'ihano barhangala, barhanalihabire oku bali baganda ba Yezu. ¹⁴ M'olya muntu wafumaga erhi bamubona abayimanzire eburhambi, bahaba oku bashuza. ¹⁵ Banacirhegeka mpu bahulusibwe omu kagombe, baja ihano bwone nanene mpu: ¹⁶ Aba bantu gurhi rhwabajira? Ecisomerine bajijire calengirire canamanyirwe n'abantu b'e Yerusalemu boshi, rhurhankaha rhwacihanka. ¹⁷ Ci ly'ogo mwanzi gurhagilumina kulusha omu lubaga, rhubahanze rhumabalihire, irhondo barhaci derhaga eryo izino, ¹⁸ Aha omuntu ali banacibahamagala n'okubahanza oku barhaciheraga bakaderha erhi okuyigiriza oku izino lya Yezu. ¹⁹ Ci Petro na Yohane banacishuza mpu : k'omu masu ga Nyamuzinda kukwanine oku muyunva kulusha Nnamahanga? mwene mulufwage. ²⁰ Rhwehe oku bwirhu rhurhakahasha okurhaderha ebi rhwabwine n'ebirhwayunvire. ²¹ Erhi aba bamacibibakalihera babalika, bulya balibahabire oku bakabahana erhi olubaga lurhuma, kulya kuba boshi bakagikuza Nnamahanga kw'eco cijiro. ²² Bulya oyo muntu wafumaga okusomerine alirhalusire myaka makumi ani. ²³ Erhi bababamalikwa baja emunda ababo bali babaganirira oku abajinji b'abadahwa n'abagula bababwizire kwoshi. ²⁴ Erhi bayusiyunva boshi babwira Nnamahanga: yagirwa we walemaga amalunga n'igulu n'enyanja na ngasi bibamwo byoshi: ²⁵ Wewe waderhezagya muka Mutagatifu omu kanwa ka larha Daudi mwamale, wawe , erhe kwo kurhi oko amashanja ga kunire? ya bici eyo mihigo busha amashanja gadwire gahiga? ²⁶ Abami ben'igulu bahuluzize engoma, nabo abaluzi bajijire ihano haguma mpu babwise Nnamahanga na Kristu wage. ²⁷ Neci kwobinali Herodi na Ponsiyo Pilato, n'amashanja g'abapagani n'olubega lwa Izraeli, bashubuzinye muli eci cishagala, bacigusha haguma mpu balwise omurhumisi wawe Yezu kristu washigaga amavurha g'obwami. ²⁸ Bayunjuza ntyo ebi okuboko kwawe n'ihano lyawe byali erhi byarheganyibwe na bunola mamwagirwa. ²⁹ omanyage oku barhuhigire, ohe abarhumisi bawe abuhashe bw'okuyigiriza akanwa kawe uzira bwoba. ³⁰ Olambule okuboko kwawe kufumye abalwala, kunajire ebirhangazo n'ebisomerine oku izino lyomurhumisi wawe mwimana Yezu. ³¹ Erhi bababadwirhe ahabali hageramw'o musisi oshi banaciyunjula muba Mutagatifu, bana cirhondera bayigiriza akanwa ka Nnamahanga buzira bwoba. ³² Omurhima gw'olubaga lu'abemezi gwali muguma, n'enkengero zabo zali nguma. Ntaye wakaziderha mpu ehe agwerhe hiri hyage, ci ngasi hyoshi hyali hya boshi. ³³ Entumwa zagwerhe bwashe bunji omu kuhamiriza obufube bwa Nnawirhu Yezu na hoshi bali rhonyere bwenene. ³⁴ Mulibwo ntaye wali omu bulagirire, bulya ngasi balibagwerhe amashwa erhi nyumpa bakagibiguza n'okulerha engulo. ³⁵ N'okuyihira aha magulu z'entumwa n'okugabira ngasi muntu nk'oku amalagirire gage ganali. ³⁶ Ntyo kwo Yuzufu oyu entumwa zaytirikaga izino lya baranaba, kokuderha mwana w'oburhu lirizi, muleviti w'e cipro. ³⁷ Ali agwerhe ishwa lyage anaciliguza n'engulo ayilerha anaciyihira aha magulu g'entumwa.