¹ Erhi baba bahiga mpu rhurhulirwe e Italiya Paulo n'abandi bashweke bahabwa omurahambo w'omurhwe gw'abasirika guderhwa Agusta, n'oyo murhambo izino lyage ye Juliyo . ² Rhwacishonera omunkunge y'e Adraminti ya jaga ya barabanya omu ntambi z'e Aziya. rwasaka, erhi rhuli haguma n'Aristareko, muno makedonia w'e tesaloka. ³ Olusiku lwakulikiraga rhwahika e Sidoni: juliya ajira Paulo bwinja amuyemerera okuje emwa abira bage mpu bamurhabale. ⁴ Erhi rhurhenga e sidoni rhwayisha rhwabarabanya omu ntambi z'ecirwa c'ecimpro, bulya empusi yakagi rhenga olunda lubi. ⁵ Erhi ruba rhwama twikanya enyanya y'esilisiya n'e panfiliya, rhwahika e mira omu liciya. ⁶ Omurhambo w'omurhwe gw'abasirika ashimana enkuge y'e Aleksandriya yali omu njira y'okuja e Italia arhuhira mwo ⁷ Rhwamala nsiku nyinji omu nyanja, rhwankagenda bunyi bunyi n'erhi rhuhika hofi h'ekinindo erhi rhwamakoyo empusi erhazigaga rhwasika, rhwanaciba rabanya omu ntambi z'ecirhwa c'e kreta olunda lw'e Salomono. ⁸ Rhwacihangana, rhwabarabanya, rhwahika ahantu haderhwa Nsiko nyinja, hofi n'ecishagala c'e Lazaya ⁹ Ensiku zali zamagera omu nyanja kurhaciri kulembu, bulya amango g'okucisalisa gali gama hwa. Paulo abaha ihano, ¹⁰ Ababwira, erhi: bira bani, mbwine oku rhwagenda ci omu kaga rhuli arhalika kuheza emizigo rhudwirhe kwone n'obwarho ci n'obuzine bwirhu nabo. ¹¹ Ci omurhambo w'omurhwe gw'abasirika ali acikubagire omwerekeza w'obwarho n'omukulu w'aba bali mwo kulusha ebinwa bya Paulo. ¹² Erhi bacibula ensiku nyinja bankagereza mwo amango g'empondo banji baderha mpu bavugame balikule, balole erhi bankahika e Fenisiya yo nsiko y'ekreta eyerekire emukondwe buzikiro n'emwene buzikoro. ¹³ Erhi ehihusi hyamukondwe hicihusa, bamanya mpu lero emihigo yabo ekola yayunjula basikula obwarho babaranya hofi hofi n'e Kreta ¹⁴ Ci mpu hagere hinsanzi ntya empusi nkali yarhengaga enwa cirhwa, aderha erakwilo, yabarhinda kwo. ¹⁵ Eyo mpusi yanaciyehula obwarho bwatabirwa okulwisa, rhwaja rhwayehulirwa eyi n'eyi . ¹⁶ Rhwayehulirwa ebwahirwa higuma hiderwa Kauda, rhwacihangana na ntyo rhwahashi shweka ehyarho hy'okurhabala. ¹⁷ Erhi baba bamahirheremya, bakolesa ebindi bali bagwerhe by'okurhabala, bashweka enkuge n'emigozi. na bulya bali bayohobire mpu bankagendi hangarhana omu Sirti, bayanka omurhoza guja gwayerer, na ntyo baja bayehulwa n'empusi. ¹⁸ Erhi buca, omulaba mukali gwarhudungeja bwenene bajigucira emizigo omu nyanja. ¹⁹ N'olusiku lwa kasharhu, n'amaboko gabo bone baja kwo bakabulira ebirugu by'omu nkuge yabo. ²⁰ Kurhenga nyinji oli izuba, pli nyenyezi nta ciru n'eciguma cabonekanaga n'omulaba nago gwana yorhana obukali bwago, na ntyo ntabulangalire rhwacigwere bw'okucira. ²¹ Ensiku zirhali nyi zalizamagera rhurhalya ehibi. Paulo anaciyimanga ekarhi kabo, ababwira, erhi ka murhabwini yagibira bani, oku muciyunvagya rhurhankarhenzire e kreta, rhurhankana bwine aka kga n'ebirhugu birhali byafa busha. ²² Ci kwonene muhire omurhima omu nda bulya ntaye cirhu n'omuguma wafa mulimwe, obwarho bwone bwalohoma. ²³ Neci, ene budufu malahika wa Nyamuzinda nshingannankolera, ambonekire. ²⁴ Ambwira erhi, orhayobohaga Paulo, nkukwanine ohike embere za Sezari kandi Nyamuzinda akuhire obuzine bw'abalya muli mweshi omu bwarho. ²⁵ Kuziga muhire omurhima omunda, bira bani, Nyakasane nti oku na bwizirwe byanaba. ²⁶ Ci kukwanine rhihike oku cirhwa ciguma. ²⁷ Erhi obudufu bwakali ikumi na kani buhika rhwakahekwa eyi n.eyi omu nyanja ya Adriatiko erhi gabomwire ebirhi, abahalira bayunva nka kuno bakoliyegera ecihugo. ²⁸ Bgera obuli bw'amishi kuhika oku idaho, babona ngero makumi abirhi erhi bagenda hisanzi bashubigera, babona ngero ikumi n'irhanu. ²⁹ Baciyoboha oku yishi hangarana omu ntanza bagereza mirhoza ini embere, bayiyandagaliza omu mishi, bakacifinja mpu mashi bucage duba. ³⁰ Ci abahalira balonza okurhenga oku nkuge mpu baciyankire banaciloha ehyarho hisungunu omu nyanja, baba nka abangereza emirhoza enyuma mpu bayiyandagalize pmu mishi. ³¹ Paulo anacibwira omurhambo w'omurhwe n'abasirika, erhi: abantu bakaba barhaberizi omu nkuge, murhacire. ³² Obwo abasirika batwa emigozi y'ehyo hyarho bahireka hyagenda . ³³ Erhi buba bukoli ca, Paulo abwira ababo boshi mpu, balye, erhi, ene lwo lusiku lw'ikumi nini muyunjwire bwoba murhana lya, ntaco mwakozize ekanwa. ³⁴ Muhunyire ntimulye lyo mulama, bulya ntaye mulimwe weheza oluviri lw'okuirhwe lyage. ³⁵ Erhi ayusi derha ntyo ayanka omugati, avuga omukanwa embere za boshi agubega, arhangira alya. ³⁶ Ababo boshi omurhima gwabashubira omu nda nabo balya. ³⁷ Rhweshi abali omu nkuge, rhwali magana abirhi na makumi galinda na bantu ndarhu. ³⁸ Erhi baba bamamuyirha bajako baloha engono omu nyanja mpu lyo bayanguhya obwarho. ³⁹ Erhi buca barhamanyaga ecihugo balimwo, ci balangira omushosho gw'enyanja n'omwarho, bahiga okugendigezaho obwarho. ⁴⁰ Banashwekula emirhoza bayirhogeza omu mishi batwa n'emigozi y'engasi z'okuyerekeza obwarho okuhandi barheremya empungira y'embere mpu lyo empusi ebayehulira ebwa mwaro. ⁴¹ Lero bahika oku ohya bahukula amabuye, obwarho bwahangarana na olunda lw'enyuma lwagwarhwa omu mabuye, n'olwembere lwabereka erhi bukali bw'emivumba y'omulaba burhuma. ⁴² Obwo basirika bahigo mpu bayishe abashwekwa lyo haleki jira owayoga afulumuke. ⁴³ Ci omurhambo w'omurhwe alahira ihano lyabo, bulya ali alonzize oku ciza Paolo anacirhegeka mpu abayishi yoga bacikwebe omu mishi barhanzi, bayikirire ebulambo. ⁴⁴ Mpu n'abandi bayikirire ebulambo, baguma oku mpaho, abandi oku biberekeza by'obwarho ntyo kwabasirika baguma guma boshi ebulambo