¹ Erhi rhuba rhwamafuma barhubwira oku eco cirhwaco Malta. ² Abantu bakwo barhuyankirira n'obuzigire bw'okunali banacitwana omuliro, barhubwirha rhweshi mpu rhukaluke, bulya enkuba yaciyusirhoga, n'emboho yali nkali. ³ Lero Paulo anacirhologola olulando lw'enshali nyumu, alukweba oku ciko. empiri yalimwo, erhi eyunva iduhu, yamurhenga, yachishwekera oku kuboko kwage. ⁴ Abantu bw'okocirhwa erhi babona eyo mpiri eduirhe yamunagana oku kuboko, mpu oyu muntu ciri cishungu: amafuma enyanja, ci obwihole bwa Nyakasane burhamuzigira alama. ⁵ Ci larha wani agukumulira obwo buhanya omu muliro, arhanabaga kurhi. ⁶ N'obwo bakagi manya mpu arhundaganya, nisi erhi aduduka hona halya erhi balinga kasanzi, n'erhi babona ntako abire, bahindula enkereza zabo, barhondera okuderha, mpu muzimu ⁷ Hofi naho ahli ishwa ly'omurhambo w'eco cirhwa, izino lyage Publiyo. oyo murhambo arhuyankirira anarhuhandisa bwinja nsiku ishashu. ⁸ Lero kwanaciba erhi ishe wa Publiyo ali ahancingo erhi ishushira n'omukunguru bimudwirhe butuli butuli, Paulo ajimurha ngula, ashenga omulambulira kwo amabok, amufumya. ⁹ Erhi babona ntyo, abandi balwala b'eco cirhwa nabo bayisha, banfuma. ¹⁰ Okwo kwarhuma barhukenga n'erhi rhukola rhwagenda, barhuha olwika. ¹¹ Erhi rhumala miezi isharhu, rhwashonera omu nkuge yagezagya amango g'empondo mweco cirhwa yali nkuge y'e Aleksandriya, yanalikwo e cimanyiso ca ba Diyoskori. ¹² Rhwagendesika e Sirakuza, rhwajira yo nsiku isharu ¹³ Erhi rhurhenga yo, rhwabaraganya eburhambi rhambi bw'enyanja, rhwahika e Regiyo. Erhi buca empusi y'emukondwe yahusa, n'erhi bushubi ca rhwasika e Putiyoli. ¹⁴ Rhwasimana mpu rhubere nabo nsiku nda ntyo kwa rhwahirisire e Roma. ¹⁵ Erhi bene wirhu b'eco cishagala bamanya oku rhwahisire, bayishirhu lingira aha Itaramo ly'e Ampiyo n'aha mahando asharhu. Erhi Paulo ababona, avuga Nyakasane omunkwa, ashubi yunva oburhwali. ¹⁶ Erhi rhuhika e roma bayemerera Paulo okuji handa aha alonzize bo n'omusirika wakagi mulanga. ¹⁷ Erhi hagera nsiku isharhu, ahamagala abagula b'Abayahudi n'erhi baba bakola badekerire haguma amubwira, erhi bene wirhu, nta cibinajijire ishanja lirhu nisi erhi engeso za bashakuluza kurhanarhumaga barhangwahira e yerusalemu bampana omu maboko g'abaroma. ¹⁸ Erhi baba bamambulanya, Abaroma balonza okundika bulya barhambonakwo eco nakarhuma banyirha ¹⁹ Ci erhi Abayahudi balahira, nabona namasezibwa okuhuna olubanja lwani lutwirweomu lukiko lwa Sezari nti hali akantu nalengakwo ishanja lyani. ²⁰ Okwo kwarhumaga nahumaga nti mulole kwo namushambaze, bulya bulangalire bw'israeli burhumire ndi mwezinkoba ²¹ Nabo bamushuza mpu rhwono nta marhuba g'e Yudeya rhwabwine kulimwe, na muli bene wirhu ntaye cirhu n'o muguma wayishiri rhubwira akanwa kabi kuliwe. ²² Ci kwonene rhulonzize orhubwine wene kurhi obwine, bulyalya rhumanyire oku eyo njira bayishomba boshi. ²³ Banci laganana olusiku n'erhi lwahikako bayisha banji kulusha omu cirhoo cage. omu binwaakagi babwira akahamiriza obwani bwa Nyamuzinda anakalonza okubayemeza yezu nk'oku biyandisirwe omu citabu c'amaregeko ga Musa n'omu balebi Arhangira sezi ahika binjingo. ²⁴ Baguma bayemera ebi akagibabwira abandi barhayemeraga. ²⁵ N'erhi bakola balekena buzira okuyunvanya bone na bone . Pulo ababwira eci cinwa ciguma cone, erhi muka mutagatifu adesire okunali erhi abwiraga sho omu kanwa k'omulebi Izaya erhi. ²⁶ Oje emunda olu lubanja luli analubwire, erhi mwakaziyunviriza n'amarhwiwrhi ginyu, murhanayunve, mwakazilolereza n'amasu ginyu, murhanabone. ²⁷ Omurhima gw'olu lubaga gwahinzire, bafu nisire amarhwiri gabo, banzibya amasu mpu lyo barhanayunve n'amarhwiri gabo, mpu lyo barhanacirhegereze omu murhima, mpu lyo barhahinduke binja mpu lyo ntanabafumye. ²⁸ Mumanyage oku bapagani Nyakasane arhumire obwo bucire bohe bayunva. ²⁹ Erhi bayusiderha ebyo ebyo binwa, Abayahudi banacigenda, baja bajisanya kadali bone nanene. ³⁰ Paulo ageza myaka ibirhi yoshi omu cirolo ali arhanzire mwo akagi kayankirira ngasi boshi bakagi yishi murhagula. ³¹ Akahanula obwami bwa Nyamuzinda n'okuyigiriza ebiyerekire Nyakasane Yezu kristun'oburhwali buzira kuhanzibwa na muntu omu kuderha oku Yezu ye mugala wa Nnamahanga wayishi twira igulu lyoshi olubanja.