¹ Oku bundi Agripa anabwira Paulo, erhi wankahashaga okuciderhera wene obwo Paulo anachilambula oku boko, obulana erhi: ² Lero namasima, mwami Agripa bulya ene nanywera akasheba embere zawe kw'ebi Abayahudi baja bampagasa byoshi. ³ Kolanga bulya orhahabirhi engeso z'abayahudi zoshi n'embaka zabo. Co cirhumire nkusengire, onyumve buzira kumvulindika. ⁴ Nta Muyahudi ohabire obworhere bw'obuzine bwani ekarhi k'ishanja lirhu n'eyerusalemu kurhenga ndi musole. ⁵ Banyishi kurhenga mira n'erhi bankalonza, banahamirza oku nali mufarizayo w'okunali nashimba lwoshi murhwe gulushire eyindi bukali omu idini lirhu. ⁶ Bunola nie ono ndwirhe lubanaja bulya nangalire ebi balarha balaganyobagwa na Nyakasane. ⁷ N'enkomoka z'ishanja lirhu oku zinali ikumi n'ibirhi zikolera Nyakasane n'obukombedu budufu na mushi, bulya balangalire oku eyo ndagano yayunjula. obwo bulanagalire bwarhumire Abayahudi bampeka lubanja, waliha mwami. ⁸ Cankarhuma mweki mwa hakana mpu nyakasane anafula abafire? ⁹ Kali nani nakagi manya nti nkwanine ndwisen'emisi yoshi izino lya Nyamuzinda w'e nazareti. ¹⁰ Nakakujira cirhu e yerusalemu, niene nakweba bemezi banji omu mpamikwa erhi ngwerhe obuyemerhe bw'abajinji babadahwa n'erhi bandosagya mpu ka babayirhe, nakayemera. ¹¹ Nta sinagogi ntajaga mwo nti mbalibuze, nabaseza oku lugorhera Namahanga n'omu mujina! Nabajiraga ciru nakabashimbulira kuhika n'omu bishagala bya kuli ¹² Ntyo kwa najaga e damasiki erhi mpire irhegeko n'obuhashe bw'abadahwa. ¹³ Lero erhi mba nkolaga ndi omu njira, erhi nkaba kasirahinga, waliha mwami, nanacibona obulangashane bwamamukago oku nkuba bulushire obumoleke bwizuba, bwangorha haguma n'abarhwali rhweshi. ¹⁴ Rhweshi rhweshi rhwacidurha oku idaho nanayunva izu lyambwika omu ciyahudi, erhi Sauli, sauli, bici wandibuziza? warhamira busha okuderha mpu walwisa akabako ¹⁵ Nani nashuza, nti wendi, yagirwa? Naye Nyakasane amabwira, erhi nie Nyakasane odwirhe walibuza. ¹⁶ Ci ozukage onayimange bulya nakubonekire nti nkujire murhumisi na muhamirizi w'ebi wabwine n'ebi nacikuyereka amango na shubi kubonekera. ¹⁷ Co cinarhumire nakulikuza kuli olu lubanja n'oku mashanja g'abapagani nakurhuma mwo. ¹⁸ Lyo obahurhula amasu barhenge omu mwizimya baje ebwabulangale, baleke okushiga Shetani, bashige, Nyakasane nantyo obuyemere banyemera burhuma, baba balirwe ebyaha byabo banashobole okuyishi yima haguma n'abatagatifu. ¹⁹ Ntyo mwami Agripa, ntalahiraga oku nyunva ebi nayerekagwa kurhenge empingu. ²⁰ C i nayigirizize abantu yerusalemu n'abomu yudea yoshi, n'abapagani, nakababwiriza oku ciye yunjuza n'okuhindukira Namahanga omu kujira ebijiro bikwanine obuciyunjuze. ²¹ Co carhumag'eco Abayahudi bagwarira omu Kanyamuzinda, balonza okuyirha ci oku burhabale bwage. ²² Nyakasane, kuhika ene kuhamiriza ncihamiriza oku barho n'abakulu na nta cindi nyigiri okuleka birya byadesirwe na balebi na Musa mpu byanabe. ²³ Baderha mpu: kristu anababale na hano aba amafuka ye murhanzi rhanzi omubafire, amanyise ishanja ly'Izrali n'abapagani obulangashane ²⁴ Erhi Paulo aba adwirhe abulana ntyo, Festo aderha n'izu linene, erhi Paulo, asirahire; ebinji wasomire byakulerhie isirhe. ²⁵ Naye Paulo, erhi ntasirahiri yagirwa Festo mukengwa ci ndesire eebinwa by'okuli n'eby'obushinganyanya. ²⁶ Mwami ntaco ahabire muli ebyo kwo kunarhumire mbiderhe oku ntaco ciri cifulike kuliye kulya kuba nta kantu kajizirwe bufunda mulibyo. ²⁷ K'oyemera abalebi, mami Agripa? Mwamanyire oku obayemera. ²⁸ Naye Agripa ashuza Paulo, erhi: hindi hitya wayemeza okuhinduka mukristu ? ²⁹ Na Paulo, erhi nshenzire emwa Namahanga, akaba ene, akaba irhondo arhali wenene, ci n'abala badwirhe banyunva ene boshi, mube akani ci konene buzira ezinkiba. ³⁰ Mwami Anaciyimuka n'omurhegesi na Berenisi na balya boshi balitamire haguma nabo kwonakwo. ³¹ Erhi baba nka baciyegula bakabwirana bone na nene mpu: Oyu muntu ntaco ajizire cikwanine olufu erhi enkoba. ³² Agripa anacibwira Festo, erhi acibaga arhali arhunyire olubanja lwage lutwire omu lukiko lwa Sezari, rhinga ashwekulwa.