¹ Erho Festo ajira nsiku isharhu ahisire omu cihugo cage, anachiremera e Yerusalemu kurhenga e sezareya. ² Abajinji badahwa n'abagula b'ayahudi bamuhekera olubanja lwa Paulo, bamusengera. ³ Bamuhuna mpu abafe lukogo, arhegeke balerhe Paulo yerusalemu bali bamulingire omu njira mpu bamuyirhe. ⁴ Ci Festo ashuza mpu Paulo ashwekirwe e sezareyo n'oku yene ali hofi h'okuyisha. ⁵ Ababwira, erhi "balya bakulire ababo muli mwe, bayandagale haguma nani n'akaba hali obubi oyo muntu ogwerhe bayishimulenga. " ⁶ Erhi ayusi nsiku munani erhi ikumi bonabo, abungulukira e sezareyo erhi buca aja aha kagombe, arhumiza Paulo. ⁷ Erhi ayisha, abayahudi barhengaga e Yerusalemu, bamugorha, barhonderha okumushobeka binji binji, birya bone barhanka hahire okuyerekana. ⁸ Paulo anywa mizimu erhi, Ntasagi bona nologorhera irhegeko, ly'abayahudi erhi aka Nyamuzinda, erhi sezari. ⁹ Naye Festo, bulya alonzagya okusimisa Abayaudi ashuza Paulo, erhi o k'olonzize orhemerhe e yerusalemu olu lubanja lujitwirwayo embere zani? ¹⁰ Paulo amubwira erhi ndi omulukiko lwa sezari mwo n'olubanja lwani lwa twirwa. ntalenganyagya Bayahudi, nawe wene oku manyire bwinja. ¹¹ Akaba ndi mubi, nakabahali ecinajizire, cikwa nine olufu, ntalahiri kufa ci akaba ebiaba bantu badwirhe banshobeka biribya kumpalalira, ntaye ogwerhe obuhashe bw'o kumpira omu maboko gani mpunyire olubanja lwani lu twire omu lukiko lwa Sezari. ¹² Obwo, erhi aba amaja ihano boshi n'abahamuzi bage Festo ashuza, erhi obula ohunyire okutwira omu lukiko lwa Sezari, omu lukiko lwa Sezari wanajaga. ¹³ Erhi hagera nsiku nyi, mwami Agripa na Berenisi barhinda aha sezareya balilamusa Festo. ¹⁴ Bamala honsiku nyinji , lerho Festo ashambalira mwami olubanja lwa Paulo, erhi hano hali omulume Felisi asigaga mumbohe. ¹⁵ Erhi ndi e Yerusalemu abajinji b'adahwa n'abagula B'abayahudi banderhera oluja lwage banahuna mpu anigwe. ¹⁶ Nabaci bashuza nti Abaroma barhahana omuntu mushobeke arhanajibulana n'abamushobesire, n'embere habwe obu hashe bw'okunywa akasheba. ¹⁷ Bayishaga obwo hanorhwe nabo. buzira kulinda, erhi kuca, naja aha kagombe narhumiza oyo muntu. ¹⁸ Abashobesi bage erhi bayisha, nta cibamushobesire mw'ebi nalincikebirwe. ¹⁹ Ci abarhondera okumujisa kadali oku idini lyabo n'oku muntu mpu ye Nyakasanye,wafire na Paulo akagi derha mpu azine, ²⁰ Nie ono, erhi mbona ntabwini oku nankalutwa namudosa erhi olonzize okuje e Yerusalemu, olubanja lwage lutwirweyo. ²¹ Ci kulya kuba Paulo alihunyire mpu olubanja lwage lutwirwe omulukiko lwa Augusto, nanacirhegeka nti bamulange mushweke kuhika olusiku namurhuma emwa sezari. ²² Agripa anacibwira Festo Erhi: Nani nankasimire nyumve oyo muntu naye Festo, erhi irhondo mamuyumva. ²³ Erhi buca , Agripa na Berenisi bayisha n'irenge lyabo lyoshi, banacija omu kagombe haguma n'abakulu b'abasirika n'abagula b'ecishagala. Festo anacirhumiza Paulo, bamulerha. ²⁴ Festo aderha, erhi mwami Agripa, ninyu mwebashamuka mweshi muli muno haguma nirhu, mubwine oyu muntu Abayahudi bayishiraga luguka emwani bayishimpuna e Yerusalemu na hano, bayama mpu kurhacikwanini alame. ²⁵ Nabwine niehe oku ntaco ojizire cikwanine olufu ci bulyala yene ahunyire olubanja lwage lutwirwe omu lukiko lwa Augusto nahizire okumu rhumayo. ²⁶ Ntaco manyire bwinja nayandikira Nnakuno kuliye. eco co cibwenene cirhumire namulerha embere zinyu, ci bwenene embere zawe, mwami Agripa, nti lyo mbona eci nayandika hano rhuyusi mudosa. ²⁷ Niehe mbwine oku buli buhwinja okurhuma omu shweke kwone buzira okuderha n'obubi bwage.