¹ Boshi balicigushire haguma erhi olusiku lwa Pentekoste luyisha. ² Caligumiza ecihogero ciri nka cihogero ca mpusi ndarhi camanuka oku nkuba, cayunyuza enyumpa balimwo. ³ Babona orhumole rhuli nka ndimi za muliro, rhuwacigaba, rhwanacigwa oku irhwe lya ngasi muguma. ⁴ Boshi banaciyinjula Muka Mutagatifu, banacirhondera okundera ezindi ndimi, nk'oku muka mwima na abahire okuderha. ⁵ Obwo e Yerusalemu erhi eri abantu bayoboha Mnamahanga, barhengaga omu mahanga goshi g'enigulu. ⁶ Erhi eyo ngabo y'abantu eyunva eco cihogero, yacilunda haguma, barhangala erhi bayunva entumwa zidwirhe zashambala oku lulimi lwa ngasi. ⁷ Bayoboha boshi, banacirhangala mpu: k'obabantu badwirhebaderha barhali b'e Galileya boshi? ⁸ Gurhigi rhudwirhe rhwabayunva ngasi muguma omu lulimi lw'emwabo? ⁹ Abaparti n'Abamedi n'Abelamiti, Abantu b'e Mezopotamiya n'ab'eyudeya, ab'e kapodokiya n'ab'e ponti n'ab'e Aziya, ¹⁰ Ab'e Frijiya n'e Pontifiliya, a b'e Misiri n'abebihugo ly'e Sibiya biba omu lubibi n'e cireneya, n'abaroma bayubakaga eno. ¹¹ Abayahudi n'Abashimbulizi, Abakereti n'Abaharabu, rhweshi rhwesi rhudwirhe rhwayunva baderha ebirhangazo bya Nnamahanga omu ndimi zirhu. ¹² Boshi bagwarhwa n'obwoba, barhangala, banacikabwirana mpu, lero kwo kurhi oku? ¹³ Ci abandi bakabashekera n'okuderha mpu: balalusire n'irivayi ly'omurhobo. ¹⁴ Obwo Petro anaciyimanga kuguma na balya ikumi na muguma, ayakuza ababwira erhi: mwe bantu b'eyudeya ninyu mweshi b'eno Yerusalemu ebi mubimanye, murhege okurhwiri, munayunve bwinja ebinwa byani. ¹⁵ Manga, aba bantu barhali balalwe nkoku mucikebirwe, bulya ziciri nsa zisharhu z'omushi. ¹⁶ Ci okula ko kulya kwalebagwa n'omulebi Yoweli mpu: ¹⁷ Omunsiku nzinda, Mnamahanga okudesire, nalumiza Amukagwani oku bantu boshi: obwo bagala binyu na bali binyu baleba, emisole yinyu yabonekerwa, n'abashosi babone ebilorho. ¹⁸ Meci mw'ezo nsiku nayishi lumiza muka gwani oku bambali bani n'oku bambalikazi bani, bakaleba. ¹⁹ Nanajire ecirhangazo era nyanya omu malunga, n'ebisomerine en'igulu. ²⁰ Izuba lyahinduka mwizizi, n'omwezi gube muko embere olusiku lwa Nyakasane luyishe, lw'olusiku lukulu ly'irenge. ²¹ Ago mango ngasi muntu okuza izino lya Nyakasane anacire. ²² Bene Izraeli, muyunve ebi binwa: Yezu w'e Nazareti olya muntu Nyamuzinda akuzagya muli mwe, amuha obuhashe bw'okujira ebisomerine, n'ebirhangazo n'ebimanyiso ekagarhe kinyu okwo murhakuhabiri ninyu. ²³ Oyo muntu abantu babi balenganyagwa nka kulya Nnamahanga alirheganyize omu bulonza n'omu bumanye bwage yoyo muzindiyirha, mwamubamba oku musalaba. ²⁴ Ci Nnamahanga amuzusa, amukula omu nkoba z'olufu, bulya kurhankahashikine lumuhime. ²⁵ Kali Daudi adesire kuli ye, mpu: Nyakasane mpira kwo amasu amango goshi, bulya andi ekulyo ntagihuligana. ²⁶ Co cirhuma omurhima gwani gucishinga, n'olulimi lwani lusima, n'omubiri gwani gwayishehuhukira omu bulangalire. ²⁷ Bulya orhakaleka omuka gwani gwabera omu kuzimu, orhakayemera omwira wage obolera omu nshinda. ²⁸ Wanyeresire enjira y'obuzine, wanacinyunjuza masime olusiku nabona obusu bwawe. ²⁹ Bene wirhu: leki mubwire n'obwa lagale: larha Daudi afire, ahacibishwa, n'ecusho cage yo cinaba eno mwirhu, kuhika ene. ³⁰ Ci bulya ali mulebi, arhanali ahabire oku anayimike oku ntebe yage omwami w'omuko gwage. ³¹ Ali erhi abwine anabe amanyisa okufuka kwa kristu, bulya arhaberaga omu kuzimu n'omubiri gwage gurhaboleraga omu nshinda. ³² Oyo Yezu Nnamahanga anufuzire na rhweshi rhuli bahamirizi 'oko. ³³ Nerhi okulyo kwa Nyamuzinda kuba kwamamukuza Ishe amuka muka mwimama alaganyaguya, anamurhuma. Ebyo byomudwire mwabona n'okubiyunva. ³⁴ Daudi yehe arharheremeraga omu mpingu, anaciderha yene mpu : nyakasane abwizire ahamwirhu erhi. ³⁵ Bwarhala ekulyo kwani kuhika abashombanyi bawe badamaze aha magulu gawe. ³⁶ Kuziga bene Izraeli mweshi mumanyage bwinjinja oku olya Yezu muzindibamba oku musalaba Nyamuzinda amujijire Nyakasane na Mucunguzi. ³⁷ Ako kanwa kanacibahika oku murhima banacibwira Petro n'ezindi ntumwa, mpu: bene wirhu gurhi rhwajiraga. ³⁸ Petro ashuza erhi: muciyunjuze ngasi muguma abatizibwe oku izino lya Yezu kristu, lyo ababalirwa ebyaha byage, ntyo muhabwe enshokano ya muka Mtagatifu. ³⁹ Bulya amalaganyo gali ginyu, n'abana binyu na ngasi boshi bali kuli balya boshi Nyakasane, Nyamuzinda anahamagale. ⁴⁰ Anacibibabwira bindi birhali binji, anacihamiriza anasegereza erhi: murhenge mw'eri iburha libi. ⁴¹ Abayankirire akanwa kage banacibatizibwa, mw'olo lusiku bantu nka bihumbi bisharhu baja omu bashimbulizi ba kristu. ⁴² Obushiru bwabo bwali bunji omu kushimba enyigirizo z'entumwa n'omu cinyabuguma, n'omu kubega omugati, n'omu kuharamya. ⁴³ Abantu boshi banaciyoboha bulya entumwa zakazigijira ebirhangazo n'ebisomerine binji. ⁴⁴ Abemezioshi balicishwekire kuguma, n'ebyabo byoshi bakagibishangira. ⁴⁵ Bakagikaguza amashwa n'ebirugu byabo n'engulo bakayigabana boshi kuguma nk'oku amalagire gali. ⁴⁶ Ngasi lusiku n'omurhima muguma, bakomeraga okuja omu ka Nyamuzinda, banakagiega omugati omu mwababwe, bakalya ebiryo byabo omu bushagaluke buzira omurhima gw'obulyalya. ⁴⁷ Bakagikuza Nnamahanga, n'olubaga lwoshi lwalilubarhonyize. Ma ngasi lusiku Nyakasane akagiyushula balya balonzagya okucunguka omu mulala gw' abemezi.