¹ Omu citabu caburhanzi, Theofile, nakuyandikire byoshi ebi Yezu arhangiraga, okujira n'okujigiriza. ² Kuhika olusiku Yezu arheremeragenapingu enyuma ly'okulaganya entumwa zage muka mwimana. ³ Enyuma ly'okulibuzibwa kwage anocibabonekera oku bimanyiso oku azine, ababonekera kasanzi ka nsiku makumi ani n;okuderha nao enyanya ly'obwami bwa Nyamuzinda. ⁴ N'erhi arhimana na nababwira oku barharhengaga e' Yerusalemu, lyo balinda eciragane ca larha namubwiraga. ⁵ Oku Yohane abatizi omu mishi, ci bwone mwehe mwabatizibwa muli muka mwi enyuma ly'a ensiku nswigunu. ⁶ Erhi baba bali haguma, bamudsa baderha erhi Nnawirhu, ka wagalulira abana b'Izraei kandi obwami bwabo? mw'aka kasanzi? ⁷ Anacibabwira gurhali mukolo gwinyu okumanya akasanzi larha arheganyize okubulonza bwage yenene. ⁸ Ci kwonene mwayankirira emisi amango Muka mwinana ayisha enyanya zinyu, ninyu mwayishiba bahamirizi bani omu Yerusalemu, omu Yudeya yoshi, n'omu Samariya, ciru kuhika e lubibi ly'igulu. ⁹ Arhi ayusiderha eyo myanzi anacirheramera e'mpingu, n'abo erhibakalolereza ecitu ca nacemuhundikira, kurhega oku mani gabo. ¹⁰ Erhi ba cilolereza empingu, owa cigenderaga, lolagi bantu babirhi bayambirhe emishangi myeru, bayimanzire hofi nabo. ¹¹ Banaciderha: Mwe bantu b'e Galilaya: Bulya gurhi muyimanzire muli mwagolanira empingu? Oyo Yezu mwabona arheremera empingu, kwokono kwananacigaluke. ¹² Lero banacigaluka e Yerusalemu kurhanga entondo ederhwa mizeyituni eri hofi na Yerusalemu nka cilometre ciguma. ¹³ Erhi badaha, bana cisoka omu ciyumpa c'enyanya omu bakazilama: Petro na Yohane, Yakobo na Andereya,Filipo na Thomasi, Bartholomayo na Matayo, yakobo mwene Alufayo, na Simoni zeloti, Yuda mwene Yakobo. ¹⁴ Aba boshi bakagilama omu kasalira, oku murhima muguma, haguma n'abakazi na Mariya nina wa Yezu na benewabo. ¹⁵ Ezo nsiku Petro anaciyimanga omu ka garhi k'entumwa, omubale gwao gwahika igana na makumi abirhi, aderha: ¹⁶ Bene wirhu balume, kushinganine emyanzi muka mwimana derhaga oku kanwa ka Daudi mira ehikirire. enyanya za yuda walilongwire balya bagwarhaga Yezu. ¹⁷ Bulya aligenjirwe haguma na nnirhu anacia n'ecigai mw'ogu mukolo. ¹⁸ Lero oyu muntu agula ishwa oku luhembo lw'obu bwage anacihirima, abereka n'amala gage goshi ganacirhenga. ¹⁹ Gwanacimanyikana e Yerusalemu n'abantu boshi, na ntyo elyishwa liderhwa oku lulimi lwabo Akeladamuko kuderha ishwa ly'omuko. ²⁰ Bulya biyandisirwe omu citabu c'enanga, ecihugo cage ciyorhe bushugunu, n'omuntu arhanacilamaga muli co kandi owundi muntu arhole oburhegesi bwaco. ²¹ Basi omu bantu bakagirhukuli kirha amango goshi Nnawihuru Yezu ali na mirhu n'okurhuleka. ²² Kurhagira ebubatizo bwa Yohana kuhika olusiku arheremeraga, kushinganine muguma wabo abe muhamirizi w'ebufuke bwage haguma na ninhu. ²³ Banacihebaho babirhi, Yusufu aderhwa Batizaba, ahabwa izino lya Yusto na Matisi, ²⁴ Banacihuna banaciderha we Nyamuzinda ayishi emirhima y'abantu boshi, orhulangule indi walondwire mw'aba babirhi. ²⁵ Arhole ecihimbi c'ogu monkozo n'ebuburhumisi Yuda abulaga akagenda ahali hage. ²⁶ Banacilondola Matiyasi aganjwa obuguma na balya ikumi na muguma.