¹ Nyamuzinda abwira Musa n'okuderha: ² Oshambalire abana be Israeli, n'oku babwira: Esiku zi kulu za Nyamuzinda mwaderha hoshi, nji yanaba mpamagazi nchesebwa. Lola kuziri siku zi kulu zani. ³ Nji mwakola siku ndarhu, aliko olwa kali mushanvu lwaba lwa Sabato, lusiku lwa kuhumuka: Nji haba empamagazi nchesibwa. Nji murhajira mirimo: Luli lwa Sabato ya Nyamuzinda omu rhwaka jirire byoshi. ⁴ Lolaga esiku zi kulu za Nahano empamagazi zi chesizwe, nji mwaba akasanzi kabo karheganyizwe. ⁵ Omu mwezi gurhanzi, omu siku ekumi nene z'omwezi, omu mu magolo mabiri, kwa naba Pasaka wa Nyamuzinda. ⁶ N'omusiku ekumi n'erhano z'omwezi, lwanaba lusiku lukulu lw'emigati erha gagire. Okubukuze bwa Naymuzinda: Nji mwanalya esiku mushanvu emigati erhagagire. ⁷ Olusiku lurhanzi, nji mwarhola empamagazi echesezwe; nji murhajira emirimo ekomere. ⁸ Nji mwarhulira Nyamuzinda, mango g'esiku mushanvu, enterekero zasirezwa n'omuliro, olusiku lwa mushanvu, nji haba empamagazi echesizwe: Nji murhajira emirimo ekomere. ⁹ Nyamuzinds abwira Musa n'okuderha: ¹⁰ Oshambalir'abana be Israeli n'oku babwira: Amango mwaja omu chihugo nabalaganyaga, nji mwajira mw'emyaka, nji mwanalerhera omudahwa emikenjera balundire y'embere y'emburho zenyu. ¹¹ Anageragera olunda n'olwindi n'emikenjera embere za Nyamuzinda, buzinda ayemere; omudahwa anageragera, n'okulola olunda n'olwindi, lishinjo lw'e Sabato. ¹² Olusiku nji mwalundalunda n'okushaganya emikenjera, nji mwarhula oku luherero lwa Nahano echibuzi chirha herhe shembo. ¹³ Nji mwaheba haguma entulo chigabi cha kali kumi y'omulengo gw'eshano bavuranganyize n'amavurha nka ntulo basirezeze changwa oku singonyola oku muliro, humulo ekwirire emwa Nyamuzinda, nji mugayise chigabi chiguma cha kane che rivayi. ¹⁴ Nji murhalya changwa emigati, changwa ebiryo bayoseze, bashere, kuhika olusiku nji mwalerha entulo emwa Namahanga wenyu. Liri rhegeko ly'esiku zoshi oku burha zenyu, n'omu hantu changwa aha nji mwayumbaka. ¹⁵ Kurhenga olusiku lwakulikir'e Sabato nji mwalerha ebisinde n'okulola eyi n'eyi olunda n'olwindi, nji mwanaganja maboso mushanvu moshi moshi. ¹⁶ Nji mwaganja siku makumi marhano kuhika olwa kulikira Sabato lwa kali mushanvu nji mwanajirira Nahano entulo mpyahya. ¹⁷ Mwakazilerha kurhenga eka, migati ebiri y'enterekero y'okuyereka olunda n'olwindi, ya najirwa haguma na kabiri ka kali kumi k'omulengo gw'eshano, bayendere n'obuntu bw'emigati y'oku gurhundisa. Ebyola bi byembere bya Nahano. ¹⁸ Oku handi eyola migati, nji mwarhula oku mbagwa ya Nahano bibuzi mushanvu bya mwaka muguma birhaherhe shembo, empanzi endorho na mpene ebiri, n'okushwekera kw'entulo n'okuheba kw'ebyagayisa lyangombe, nka ntulo esirere n'okusingonyoka n'omuliro n'empumulo ekwirire emwa Nahano. ¹⁹ Nji mwarhula echishakalume ch'enterekero y'obonjo, bibuzi bibiri bya mwaka muguma, nterekero ya kusimisa Nahano. ²⁰ Omudahwanja yereka abola bantu olunda n'olwindi embere za Nahano, haguma n'emigati mya mbere mbere na haguma na bibuzi bibiri, n'okuchigasha emwa Nahano nji byanaba byo mudahwa. ²¹ Olo lusiku lonolo, mwana bwir'abantu olusiku lukulu, eri muherhe empamagazi echesezwe: nta mirimo ekomere mwajira,liri rhegeko ly'esiku zoshi oku burha lenyu omu hantu hoshi nji mwalama. ²² Amango mwashalula emburho omu chihugo chenyu, nji mwanaleka ahantu murhashalwire omushwa lyawe na ntacho orhalagulagemo ebya kayorha byoshi, nji wabirekera abakene na babunga nyono Nahano, Nyamuzinda wenyu. ²³ Nyamuzinda abwira Musa n'oku derha: ²⁴ Oshambale n'abana be Israeli n'okuderha: Mwezi gwa mushanvu omu lusiku lurhanzi lw'omwezi, nji mwajira olusiku lw'okuhumuka, mujire empamagazi y'omulenge g'omushekera, n'empamagazi echesizwe. ²⁵ Ntacho nji mujirage nka mirimo ekomere, nji murhulire Nahano enterekero esirerere esingonyokere n'omuliro. ²⁶ Nahano abwira Musa n'okuderha: ²⁷ Olusiku lwa kali kumi l'ogola mwezi gwa mushanvu nji lwaba lwa bonjo. N'emirhima yenyu evunikire oku kusimisa Nahano, nji n'amurhulira enterekero esirerere n'okusingonyoka n'omuliro. ²⁸ Nta mulimo nji mwajiras olola lusiku, bulala luli lusiku lwa bonjo changwa rhujir'obonjo embere za Nahano Namahanga werhu. ²⁹ Ngasi muntu arhavunikire omurhima oku bya Nyamuzinda olola lusiku nja mukula omu lubaga lwage. ³⁰ Ngasi yeshi nji wajira omulimo gulebe olola lusiku nja mushandaza omu lubaga lwage. ³¹ Nta mulimo nji mujirage: Liri rhegeko ly'esik zoshi oku burha lenyu n'omu hantu hoshi nji mwayumbaka changwa nji mwalama. ³² Oku mwabo njiyaba Sabato, lusiku lw'okuhumuka, munavunike emirhima omu kusimisa Nahano; kurheng'egolo ly'olusiku lwa mwenda kuhik'egolo likulikire. Nji mwanajir'e Sabato. ³³ Nahano abwira Musa n'okuderha: ³⁴ Oshambale n'abana be Israeli n'okuderha, olusiku lw'ekumi na karhano lw'omwezi gwa mushanvu, nji lwaba lusiku lukulu lwe Bikiro echesezwe oku burhegesi bwa Nahano. Kuhik'esiku mushanvu ³⁵ lurhanzi, nji haba empamagazi echesezwe. Nta mulimo nji mujirage. ³⁶ Eri hager'esiku mushanvu, nji mwana rhulira Nahano enterekero esirerere n'okusingonyoka n'omuliro, oku lusiku lwa munane nji mwaba n'empamagazi echesezwe nji mwarhulira nahano enterekero y'oku sirezwa n'okusingonyola n'omuliro; nji yaba h'enshimanano y'abantu boshi n'okuderha amarhegeko bagenderako. Nta mulimo gukomere bajira. ³⁷ Ezola z'esiku nkulu za Nahano, mpamagazi echesezwe, nji mwabwira abantu, buzinda banarhulira Nahano enterekero zisirererere n'okusingonyoka n'omuliro,oku mbagwa, entulo, abantu, emigayo. Nk'oku birhegekerwe okujira ngasi lusiku. ³⁸ Nji walolereza oku handi e Sabato za Nahano n'okugendekera mwajirira Nahano oluhembo n'enterekero zenyu zoshi zabakulaganya n'entulo zenyu z'omurhula n'enterekero zoshi z'obulonza. ³⁹ Olusiku lwa kali kumi na karhano lw'omwezi gwa mushanvu hanola mushalula emburho z'omu chihugo, mwanajirira Nahano olusiku lukulu siku mushanvu; olusiku lurhanzi lwaba lwa kuhumuka, olwa munane nalo kona kuguma lwa kuhumuka. ⁴⁰ Nji mwarhola oku lusiku lurhanzi emburho z'emirhi ekwirire, n'amarhabi g'emirhanda, n'amarhabi g'emirhi y'ebishakashaka, n'emirhi mizibuzibu y'oku luchi, nji mwana chisimisa embere za Nahano, Nyamuzinda wenyu, siku mushanvu. ⁴¹ Mwakazi jira ngasi mwaka olusiku lukulu lwa Nahano, esiku mushanvu, liri rhegeko ly'esiku zoshi oku burha lyenyu. Mwagenda mwankuza mwezi gwa mushanvu. ⁴² Nji mwakazi geza esiku mushanvu mwalyama omunju z'ebishaka n'abakene boshi be Israeli banalyama omu nju z'ebishaka. ⁴³ Oku buzinda eburha lyenyu limenye okw'abana be Israeli balilamire omu bishaka enyuma abakule omu chihugo che Misiri. Nyono Nahano, Nyamuzinda wenyu. ⁴⁴ Nantyo Musa abwira abana be Israeli z'ezola z'esiku zikulu za Nyamuzinda.