¹ Ago mango Abami boshi b'Abamori baliri ebuzikiro bw'ezuba,n'Abakanani baliri ebwa nyanja y'e Mediterane,bayunva oku Nahano agabaga olwinchi lw'e Yorodani eri Abana be Israeli babarhuma mpu yibashabuka,bayoboha aba Israeli bwenene bachik'omurhima omunda. ² Agomango Nyamuzinda abwira Yoshuwa oku : Ochul'orhwere rhukalihire okembule mwo ery'oburhalihyahyaly'aba Israeli. ³ Yoshuwa achul'orhwere akembula aba Israeli. Eyo ntondo abakembuliragako bayiha ezino ly'entondo y'oku kembulira. ⁴ Yunvaga echarhumaga Yoshuwa akembula aba Izraeli : abalume boshi bakulu barhengag'e Misiri n'abantu b'e birha,bafira omu njira omu charagarhi ch'empinga amango barhengaga e Misiri. ⁵ Abo balume bakulu barheng'e Misiri,bowe baliri bakembwirwe,s'aliko abana bayinjaga baburhwa bunjira njira omu mpinga,barhali kembwirwe. ⁶ Bulala abana b'e Israeli balambagiraga myaka makumi mane omu mpinga kuhik'okufa kw'entwali zoshi z'entambala za rhengaga e'Misiri na balala barhanayunvaga omulenge gwa Nahano; Nahano. Oko kwarhuma alahira oku barhaka chibanda echishando omu chihugo chilugire mw'amarha n'obuchi,ech'alaganyaga bashokuluza babo. ⁷ Aba bana babo,Yoshuwa abakembula, bulala barhali ziba kembulira omu njira. ⁸ Amango amal'oku bakembula boshi,babera omu kambi kabo kuhika amango bafuma. ⁹ Nyamuzinda abwira Yoshuwa mpu : Ene nabakul'eshonyi okuba mwaliri baja e Misiri. Aho hantu bahahere ezino lya Giligali kuhana chiderhwa kuhika zene. ¹⁰ Ago mango Aba Israeli bahanda omu lubanda hofu n'e Yeriko,bajira n'olusiku lukulu lw'e Pasaka egolo omu siku ekumi nene z'omwezi. ¹¹ Ey'olusiku lukulu lwa Pasaka lukala luhwere,balya okumburho za kazigi yera omu Kanani. Bakaziyenda mw'emigati erhali mw'engeso, n'engano zikalangirwe. ¹² Ery'olo lusiku luhwa amana garhachigwaga,bakazirya ebiryo bya yeraga omu Kanani. ¹³ Yoshuwa aliri hofu n'e Yeriko,alola,abona omuntu ayimangir'embere zage ery'afumbarhire engorho erhali omu luba. Yoshuwa amushegerera, amubaza, eri : K'oli w'omu ngabo zerhu kandi ey'oli w'omu bashombanyi berhu ? ¹⁴ Oyo muntu amushuza mpu : nanga bulala indi chirongozi ch'engabo ya Nahano,che chirhumire na yinja. Yoshuwa afukama embere zage amuharamya,amubaza eri : waliha nyono nye mwambali wawe,gurh'olonzeze njirage ? ¹⁵ Abwira Yoshuwa mpu : Okul'Ebirato byawe,bulala aha hantu oyumangire hali hacheswa. Yoshuwa ajira ntyo ahogol'ebirato byage.