¹ Eri bantu boshi baba bamashabukaolwinchi lw'e Yorodani,Nyamuzinda abwira Yoshuwa mpu : ² Orhole bantu ekumi na babiri omu Ba izraeli,muguma muguma omu ngasi mulala. ³ Oba bwire barhol'amabale ekumi na mabiri omu lwinchi lw'e Yorodani halal'abajinji,bayumangaga,zenezene bagaheke,bagahire ahabahanda hano budufu. ⁴ Ago mango Yoshuwa ahamagala bantu ekumi na babiri alondola omu Ba Izreli,muguma muguma omu ngasi mulala, ⁵ ababwira mpu : Mushokolere esanduku ya Nyamuzinda Nnamahanga wenyu,mushabuke olwinchi lw'e Yorodani,ngasi muguma wenyu ahebe ebale oku chirhugo nk'okw'emilala yenyu enali. ⁶ Chaba chimenyiso oku mwabo,amango abana benyu bakazidosa mpu : Mabale gach'agaberhu ? ⁷ Mwanabashuza mpu : Olwinji lw'e Yorodani lwagabikaga mo ery'esanduku y'Endagano ya Nyamuzinda iyashabuka. Ago mabale gaba gakuyibusa Aba Israeli ebyo byabaga esiku zoshi. ⁸ Aba Israeli bajira oku Yoshuwa aba bwiraga. Barhola mabal'ekumi na mabiri omu yorodani nk'okw'emilala yabo yanaliri,nk'oku Nyamuzinda ana murhegekaga,bagaheka,bagabika ngasi ahabanahandagabudufu. ⁹ Yoshuwa abika mabale ekumi na mabiri omu lwinji lw'e Yorodani, halal'abajinji bayumangaga eri bahekere esanduku y'Endagano,hagana chiba kuhik'ene. ¹⁰ Abajinji bagwerh'esanduku y'Endagano bayumanga omu lwinchi lw'e Yorodani,kuhika amango bahikiriza ngasi kwoshi Nahano arhegekaga Yoshuwa mpu abwire Aba Israeli. Byaba nk'oku Musa anarhegekaga Yoshuwa. ¹¹ Ery'abantu boshi baba bama shabuka,abajinji baherh'esanduku ya Nahano ba bashokolera. ¹² Bene Rubeni, na bene Gadi, na chigabi chiguma cha bene Manase,bashokolera Aba Israeli eri banaherhe emiherho,nk'oku Musa anabarhegekaga. ¹³ Oku bantu bihumbi makumi mane bagera embere za Nahano omu lubanda lw'e Yeriko. ¹⁴ Ololusiku Nahano ayereka Aba Israeli oku Yoshuwa ali mukulu,bakazimukenga nk'oku bakazagi kenga Musa omu kalamo kage koshi. ¹⁵ Nyamuzinda abwira Yoshuwa mpu : ¹⁶ Obwire abajinji bagwerh'esanduku eri mw'ebitabu by'Endagano barhenge omu lwinchi. ¹⁷ Yoshuwa abwira abo bajinji oku barhenge omu lwinji. ¹⁸ Oku bisanzi abo bajinji bakazigi heka esanduku y'endagano na Nahano omu kurhenga omu lwinji lw'e Yorodani,eri bakala baly'eshi,olwinchi lw'e Yorodani lwashubiyunjula nk'oku lwanaliri embere. ¹⁹ Aba Izraeli barhenga omu lwinchi lw'e Yorodani omu siku ekumi z'omwezi gwa burhanzi, bahanda e Giligali,eshiriza ly'e Yeriko. ²⁰ Yoshuwa asigika ahola Giligali galala mabale ekumi na mabiri bakulaga omu lwinji lw'e Yorodani. ²¹ Enyuma ly'aho,abwira abantu mpu : Amango abana benyu bakazi badosa mpu : Mabale mach'aga ? ²² Mwanabashambalira okw'olwinchi lw'eYorodani lwagabikaga mwo amango mushabuka. ²³ Bulala Nahano, Nnamahanga wenyu, agaba amenji rhwaluha rhwashabuka, nka kulala anajiraga enyanja y'omuduku. Ayigaba rhwashabuka. ²⁴ Mpu lyo embanga zoshi z'eno gulu zimanya oku Nahano aba w'obuhashe,mpu yimunakazi mukenga esiku zoshi.