¹ Yoshuwa azuka esezi sezi arhenga e Kitimu n'aba Izraeli bosho,bayandagalira oku lwinchi lw'e Yorodani,bahandaho embere bashabuke. ² Eri hagera siku esharhu,ebirongozi by'olubaga,bagera omu bilalo, ³ Ba bwira abantu oku : Hano mubona esanduku y'Endagano ya Nyamuzinda Nnamahanga werhu,n'okubona abajinji b'Abalawi bayiherhe,mwanayumuka aha mwaliri mukulikire abayiherhe. ⁴ S'aliko abaherhe eyo Sanduku mukazi bakulikira chilometere chiguma,murhakazagi hikaho. Kon'oko,mukazigenda mwarhegerera bwinja enjira mwageramo,bulala murhasagi gera eyo munda chiro n'olusiku. ⁵ Yoshuwa abwira ba Izraeli mpu : Muchichese,bulala omusezi Nyamuzinda ajira ebisomerene omu kagarhi kenyu. ⁶ Abwira abajinji mpu babarhule esanduku ya Nyamuzinda y'Endagano,bashokolere abantu barhula bashokola. ⁷ Nahano abwira Yoshuwa oku : Kurheng'ene nkala na kuyimika embere ly'aba Izraeli boshi,yibamenya oku ndi haguma nawe,nka kulala naliri haguma na Musa. ⁸ Obwire abajinji babarhule e'Sanduku y'Endagano bayinji yumanga omu lwinchi lw'e Yorodani,hano barhogeramo. ⁹ Ago mango Yoshuwa abwira aba Izraeli mpu : Muyinje muyunve oku Nyamuzinda Nnamahanga wenyu aderhere. ¹⁰ Aba bwira oku : Mumanye oku Nnamahanga Nyamuzinda ali haguma nenyu n'okw'ahiga embere zenyu Abakanana,n'Abahiti,n'Abahivi,n'Abaperezi,n'Abagirigasi,n'Abamori,n'Abayebusi. ¹¹ Nkaba esanduku y'Endagano ya Nyamuzinda Nnamahanga goshi g'egulu ery'abashokolere,mushabuke olwinchi lw'e Yorodani. ¹² Mulondole bantu ekumi na babiri omu kagarhi kenyu,muguma omu ngasi mulala. ¹³ Hano abajinji babarhula eyo sanduku ya Nyamuzinda n'amahanga goshi g'enegulu,balabarha omu lwinchi lw'e Yorodani,amenchi gagabika mo kabiri gayimanga haguma nka chikunguzo. ¹⁴ Olubaga lwarhenga omu bilalo mpu mushabuke olwinchi lw'e Yorodani. abajinji bali babarhula esanduku y'endagano babashokolere. ¹⁵ Ago mango gali gw'okushalula, amango olwinji lw'e Yorodani lwa bumba n'oku gera oku bikwe byoshi. eri abajinji banahika ho,barhogera omu lwinji, ¹⁶ Olwinji lwayumanga;lwayumanga nka chikunguzo che chihugo cha Adamu,omu chishagala chiba hofu n'e Zaretani.Ago mango amenchi gahulukira omu nyanja y'omunyu ganachigabamo.Olubaga lwa nashabuka omu Yorodani embere y'e Yeriko. ¹⁷ Abajinji oku bali bana barhula esanduku y'Endagano ya Nyamuzinda,bayumanga mw'olo lwinchi lw'e Yorodani eri lwamagabika mo,Aba Izraeli boshi balindira,bashabuka.`