¹ Ago mango Yoshuwa arhuma abayunviriza babiri b'okuchibisha kurhenga e Kitimu mpu : Baji lola gurhe echihugo ch'e Kanana chiyorhere,si bwenene balole echishagala ch'e Yeriko. Bagenda,baja aha mw'omukazi muguma w'embaraga, ezino lyage ye waliri Rahabu,bahanda ho. ² Omurhambo w'e Yeriko abwirwa oku : Hali abantu b'abana b'e Israeli bashesher'omu chishagala budufu omu kubaziriza okw'echihugo chage chiyorhere; ³ Arhuma entumwa emwa Rahabu mpu : bamubwire oku : Hulusa aba bantu bali omu mwawe,bulala bayinjire kudosereza enyanya z'echihugo ! ⁴ Rahabu aheka abo balume bombi ababisha,oku bwindi ashubiza oku : Nechi hano haliri abantu,ntamanyere ngahe bali. ⁵ Barhengaga hano eri lichiri golo n'oku bakala bali hofu bachinga olunvi lw'echishagala,ntamanyere ngahe bajire,s'aliko,nkaba mwakabashimba,hali mango mwaka chibabugana. ⁶ Nabo abaga abayohezeze omu chanya w'enju yage,aba bisha omu mirhabi y'echitani, aliyanikire omola chanya. ⁷ Abo bantu bagenda,baching'olunvi lw'echishagala,baja babalonza eri bahika okw'eziko ly'e Yorodani. ⁸ Embere abo bunviriza balyame, Rahabu arheremera emunda bali omu chanya, ababwira oku : ⁹ Rhumenyere oku Nyamuzinda abahere echi chihugo, bulala rhukola rhuyubahire oku mwabo mwemurhumir'abantu b'eno munda boshi barhachiherhe murhima omunda ! ¹⁰ Bulala amango murhenga e Misiri, rhwayunva oku Nahano agabaga enyanja y'omuduku eri mwabo nwemurhumire, mwageramwo,rhuyunvirhe oku mwayirhire balala bami bombi b'Abamori bali eshiriza y'olwinchi lw'e Yorodani : Sihoni na Ogi. ¹¹ Amango rhuyunva ntyo,hon'aho rhwachika omurhima omunda bwenene, rhurha chibaga n'obulangalire,bulala Nyamuzinda Nnamahanga wenyu yenyine Nnamahanga w'amalunga n'egulu. ¹² Mbahemere,muchigashe okw'ezino lya Nyamuzinda,oku njimwajirira bene berhu aminja,nk'okunamabajirirago,mumpe n'echimenyiso, ¹³ mumbwire bwinja eri murhaka yirha darha,na nyama,n'abasheja bani na balumuna bani n'abandi bene berhu,n'ebikulo byabo byoshi,n'eri murhakaderha oku rhuyirhwe. ¹⁴ Abo bunviriza bashubiza oku : Rhuchigashire akalamo kerhu kumwabo,nkaba orhajiderha ebirhwalirimo. Hano Nyamuzinda arhuhimira aba bantu,rhuje muchino chihugo,rhwaba bashinganyanya emund'oli,rhwakujira bwinja buzira bulyalya. ¹⁵ Rahabu ashwekera omugozi oku nju,abayandagaza omu dirisha ly'enju yage; bulala yaliri eyumbakirwe omu chibembekerezo ch'echishagala. ¹⁶ Aba bwira : Muchibishe omu ntondo ly'abamushimbire barhababonaga,muchibishe eyo munda siku esharhu kuhika amango bagaluka,n'okubuzinda muhir'oku njira. ¹⁷ Abo bantu bamubwira oku : Yunvaga,rhwahikiriz'oku warhu bwiraga rhuchigashire. ¹⁸ Hano rhurhera echi chihugo,oshwekere ogu mugozi gw'echinusu ch'omuduku omu dirisha ahala warhuyandagazize; Ohire Isho,na nyoko,na bene benyu,n'ab'omulala gwawe boshi mw'eyo nju. ¹⁹ Muguma mu mwabo nji wahuluka eri agere omu lunvi ery'akafa okulwage,birhachirhulolere,rhurhakamuchumula.S'aliko eri hakajira oyu bayirha munali naye omu nju,rhwanamuchumula wa. ²⁰ S'aliko eri wakaderha ehwe ly'erhu,nerhu rhurhakachiba rhugwarhirhwe n'ogomugasho warhugashaga. ²¹ Abashubiza oku bibe ntyo. Bamuleka,bagenda Rahabu ashwekera gulala mugozi gw'echinusu chidukua omu dirisha. ²² Abo bunviriza bagera ebw'entondo,bachibisha bayibereko siku esharhu kuhika amango balala bantu babashimbaga bahikir'okugaluka emwabo e Yeriko. Ntaho barhabalonzezaga s'aliko barhababonaga. ²³ Abo bantu bombi bafumuluka bayandagala kw'eyo ntondo,bashabuk'olwinchi lw'e Yorodani,bashimana Yoshuwa mwene Nuni,bamushambalira byoshi ba bweneko. ²⁴ Babwira Yoshuwa mpu : Okunali Nyamuzinda arhuhere echo chihugo mpu chibe cherhu; abantu bamo,barhuyobohere barhachiherh'omurhima omunda.