¹ Kurhenga mira Nahano abaga ahereze bene Israeli okurhamuka, omu kubakula oku bashombanyi babo boshi balibagorhere, n'ago mango eri Yoshuwa akola ashajire, n'okuba n'emyaka minene, ² Yoshuwa ahamagala bene Israeli boshi,n'abagula boshi, n'abarhambo babo, n'abachib'emanja babo,na ngasi bandi baliherh'echikono ababwira; eri : Nyono n'amashaja,nkola nzidoherwe n'emyaka; ³ Mwenine mwabwene ebi Nahano, Nyamuzinda wenyu,ajirire ago mashanja embere zenyu,bulala Nahano; Nyamuzinda wenyu yenine yiwaja ababwira. ⁴ Tala,nabagabire akashambala omu kubayeshera esimbi,nahereza ngasi baguma echigabi chabo,oku bihugo by'aga mashanja galiyorhere,na gandi mashanja naniguzize kuhika ebwa nyanja nene emunda ezuba lizikira. ⁵ Nahano, Nyamuzinda wenyu,abashunika embere zenyu mwayima echihugo chabo,nk'oku Nahano,Nyamuzinda wenyu,anaderhaga. ⁶ Mulange munashimbe bwenene ngasi byoshi bya yandikagwa na Musa omu chitabu ch'oburhegesi,buzira kuja okulyo eri kulembe. ⁷ Mumanye mwanka chiheba haguma naga mashanja ga yorhere omugarhi kenyu; murhahira mukalahira oku zino lyabo,murhahira mukabakolera,murhahira mukabafukamira. ⁸ S'aliko muchishwekere ku Nahano,Nyamuzinda wenyu,nk'oku munaherhe mwajira kuhika zene. ⁹ Nahano alibirhire oku mashanja manene n'amazibu; na ntaye guhika zene,wankachibayimangira; ¹⁰ muntu muguma mu mwabo akazagihiga chihumbi;bulala Nyamuzinda,Namahanga wenyu,abalwiraga,nk'oku yenine aderhaga. ¹¹ Mulolage muchilange mwenine bwenene,omu kusima Nahano,Nyamuzinda wenyu. ¹² Bulala eri mwanka chihundula,muchishwekere kwagala mashanja ga yorhere omu garhi kenyu,mukaderha mpu mikola mwafundik'obuhya haguma nabo,mukanakazi bayegereza nabo bakana kazibashabira, ¹³ mu manyege bwinja oku Nahano Nyamuzinda,arhanka chiribisa aga mashanja embere zenyu,s'aliko gabayorhera nka busira,nka murhego,nka karhi omu mabunda na nka mishaki ebali omu masu,kuhika mweshi muhikire ahamwaherera mwechi chihugo chinja bwenene Nahano,Nyamuzinda wenyu abahaga. ¹⁴ Tala,oku nyono nkola na chishimbira ela njira ya ngasi muguma hano gulu;mu manyire n'obushagaluke bwenyu boshi,n'omurhima gwenyu goshi,oku ngasi binwa byoshi bya baga,Nahan,Nyamuzindawenyu abaderhere,ntacho chiro n'echiguma chagerere busha. ¹⁵ Nk'oku byanabaga byoshi ebyo binwa byo bwanga Nahano,Nyamuzinda wenyu,aderhaga,kona kuguma Nahano ahikiriza oku mwabo ebinwa by'obuhanya akabaderhera kuhika abali mwecho chihugo chinja bwenene Nahano,Nyamuzinda wenyu abahaga. ¹⁶ Mukavuna chila chiragane Nahano, Nyamuzinda wenyu ajiraga ,mukajikolera abandi ba nyamuzinda mukabafukamira oburhe bwa Nahano bwana kolera enyanya zenyu munaje mwahera mwechi chihugo chinja abahaga.