¹ Okundi Yoshuwa ahamagala bene Rubeni,bene Gadi n'echi chira ch'omulala gwa Manase : ² Aba bwira mpu : Nechi mwajirire nk'oku Musa, omukozi wa Nahano,anabarhegekaga koshi,mwayunvirhiz'omulenge gwani omu ngasi byoshi n'abarhegekaga. ³ Murhalekereraga bene benyu mwag'amango Nahano,kuhik'olusiku lwene,kandi mwashimba bwinj'erhegeko lya Nahano, Nyamuzinda wenyu. ⁴ Obu Nahano, Nyamuzinda wenyu,ahereze bene benyu okuhumuka,nk'oku anabalaganyaga,nenyu mwanaja mwagaluka,muber'emwa benyu,omu mahema genyu,muchila chihugo Musa,omukozi wa Nahano,abaherezag'ololunda lw'eshiriza we Yorodani; ⁵ Si konine mulang'erhegeko na ngasi bindi,Musa omukozi wa Nahano ababwirire byoshi,omukusima Nahano, Nyamuzinda wenyu,omukushimba,enjira zage zoshi,omukulang'amarhegeko gage goshi,omukuchishweker'okuyewe yenine,n'okumukolera n'omurhima gwenyu goshi n'obukengere bwenyu boshi. ⁶ Yoshuwa abagisha,anabarhuma bagenda ewamahema gabo. ⁷ Musa abaga ahanire echindi chichira cha bene Manase echihugo omu Bashani,kandi Yoshuwa ashubi hana echindi chi chira che chihugo omugarhi ka bene wabo ebwa mwandagalo gw'e Yorodani elunda ezuba lizikira,Nabo eyakola abarhuma emwabo,omu mahema gabo,Yoshuwa abagisha, ⁸ abagisha mpu : Mushubirag'emwabenyu,omu mahema genyu,n'obugale bunene mujembere omu marhungo ganene bwenene,omukuba n'efuranga n'ehoro,n'eshaba,n'echuma,n'emyambalo minene bwenene,muzigabane na bene benyu omunyego mwanyagag'abashombanyi benyu boshi. ⁹ Bene Rubeni,bene Gadi necho chi chira cha bene Manase eri baba bamasengaruka bene babo bene Izraeli baliri aha Silo,omu Kanani,bagenda,omu chihugo chabo cha Galadi,gu gwali mwanya gwabo bahabwagwa nk'oku Nahano,alirhegekere Musa. ¹⁰ Amango babaga bamahik'omu chihugo ch'e Yorodani chiri omu Kanani, bene Rubeni,bene Gadi na chilala chi chira cha bene Manase,bayumbak'oluherero oku burhambi bw'e Yorodani, olo luherero lwakazagi bonekana bwinja. ¹¹ Bene Izraeli bamanya omwazi mpu : Dalaga oku bene Rubeni,bene Gadi,na chilala chi chira cha bene Manase, bamayumbaka oluherero eshiriza ly'echihugo ch'e Kanana, omu chihugo chiri eburhambi bwe Yorodani,olunda lwa bene Israeli. ¹² Amango abana b Israeli bamanya ntyo,echigusho choshi cha bana be Israeli bachiheba haguma aha Silo,mpu baji lwisabo. ¹³ Abana b'e Israeli barhangirhuma entumwa emwa bene Rubeni, emwa bene Gadi n'emwa chilala chi chira cha bene Manase,omu chihugo c'he Galadi; barhuma Pinihasi,mugala w'omudahwa Eleazari, n'abashamuka ekumi. ¹⁴ Mushamuka muguma muguma,olola onakulire abandi, omu ngasi baguama b'emilala ye Israeli, boshi baliri bakulu b'emilala yabo mwebyo bihumbi by'abana be Israeli. ¹⁵ Babaere baba bahika emwa bene Rubeni,emwa bene Gadi n'emwa chila chi chira cha bene Manase,baba bwira,mpu : ¹⁶ Ntya kw'ederhere embuganano ya Nahano: Bugomi buchi obula mwamajira Nyamuzinda w'e Israeli, nabichi birhumire mwachikula ku Nahano, omu kuchiyumbakira oluherero, mpu limugomera Nahano? ¹⁷ Ka mubwene oku bulibugeke okurhwabano,bula buhanya bwe Peori,buhanya b'okurhachichesa bokuhika oku lusiku lwene,chilala chikomorhole chajaga enshiganano ya Nahano, ¹⁸ nokola kwa marhuma mwachikula ku Nahano,hamaseze eri ekola ntimanano ya bene Izraeli. ¹⁹ Ako mubwene kukulembuhire echi chihugo chiri chihugo chenyu,mushabuke muje omu chiugo cha Nahano,muli-endalo ya Nahano,eshulelrere,kandi mwanahabwa echenyu chintu agarhi kerhu,zimuhira muchileka Nahano n'oku chikula kurhwabanoo,omu chiyumbakira elwenyu luherero,kule oluherero lwa Nahano,Nyamuzinda wenyu. ²⁰ Akana mwene Zeraha ka murhalibwene okwajira ebirhalishinganene n'omugayo gwa Nahano gwaja enyanya ly'embuganano yoshi ya bana be Izraeli ? K'arhafaga k'obola bubi bwage ? ²¹ Bene Rubeni,bene Gadi na chilala chi chira cha Manase,bashuza balala bashamuka bakulu b'emilala ya bene Izraeli, mpu : ²² Nyamuzinda, Namahanga,Nahano,Lulema,Nyamubaho,Nahano amanyire,na Izraeli amanya ! Oku eri kwaliri kugoma n'okulengere Nahano,yenyine arharhushugula k'olu lusiku lwene. ²³ Aka rhwachiyumbakiraga oluherero mpu rhuchikule ku Nahano,akaba rhwaluyumbakaga mpu rhukazirherekerera kw'enterekero z'enkalange,n'okujirira kw'enterekero z'omurhula, Nahano arhuhane ! ²⁴ Sikuyubaha kwarhumaga rhwajira ntyo : Rhwamaderha mpu bene benyu habalyamaga nji bankabwira abana berhu mpu nenyu chichi mujira na Nahano,Nyamuzinda we Izraeli ? ²⁵ Nahano ajirire Yorodani nka lubibi ahagarhi kerhu nenyu,bene Rubeni na bene Gadi; Ntacho mwankashagira na Nahano ! Na ntyo mwanabona abana benyu bakola barhuma abana berhu barhakolera Nahano. ²⁶ Enyanya za ntyo rhwaderha, rhwachirheganyiz'oluherero,arhali enyanya y'entulo z'okusirezwa, ²⁷ aliko enyanya z'obudimu ahagarhi kerhu nenyu,n'amaburha gerhu ebuzinda bwerhu, lukazigenda lwamenyiza okurhunaherhe Nahano, omu kurherekera embere zage, n'ezindi nterekero n'ebirhukwanene okurhula, ly'abana benyu balekikazi bwira abana berhu mpu : Ntacho mushangira na Nahano! ²⁸ Rhwaderha : Amango bakaziderha okulintyo enyanya zerhu,eri oku maburhwa gerhu,rhwanashuzabo mpu : Talaga oku luyorhere olurhamba lwa Nahano, baderha bayumbakaga, arhali oku nterekero z'entulo, aliko nkabudimu ahagarhi kerhu nenyu, ²⁹ ntanganiza rhugwerhe z'okugomera Nahano,nt'amango rhwankachikula ku Nahano omukuyumbaka oluherero lw'enterekero zilangire,enterekero zisirere n'enterekero z'omurhula omuluherero lwa Nahano, Nyamuzinda werhu oli ahambere w'endalo yage! ³⁰ Amango omudahwa Finehasi,n'abarhwali b'embuganano,babakulu b'ebihumbi bya bene Izraeli,baliri haguma naye,bayunva emyazi yaderhwagwa na bene Rubeni,bene Gadi na bene Manase,barhulera. ³¹ Na Finihasi,mugala w'omudahwa Eleazari,abwira bene Rubeni,bene Gadi,na bene Manase : Rhukala rhumenyere oku Nahano ali ahagarhi kerhu,bulala murhajirire obugomi embere za Nahano, mwarhabala ntyo bene Israeli omu maboko ga Nahano. ³² Finihasi,mugala w'omudahwa Eleazari,na barhwali,basengaruka bene Rubeni na bene Gadi na bene Manase,barhenga omu chihugo che Galadi omu chihugo che Kanani,hofu n'abana be Izraeli,babashambalire oku babwirwaga. ³³ Bene Izraeli basimiswa ;bakuza Nyamuzinda,barhachiderhag'oku bagenda kubihya echihugo chalilamire mu bene Rubeni na bene Gadi. ³⁴ Bene Rubeni na bene Gadi bayirik'olo luherero ezino Edi, bulala, banaderha, okuhamiriza okuli omukagarhi kerhu oku Nahano yenine ye Nyamuzinda.