¹ Abakulu ba ngasi nju ya bene Lawi baj'emunda omudahwa Eleazari ali,na Yoshuwa,mugala wa Nuni,na bashamuka bemilala ya bene Israeli. ² Bashambala nabo aha Silo,omu chihugo ch'e Kanana,baderha : Mpu Nahano arhegeker'omu bunu bwa Musa mpu rhuhabwe ebishagala rhwakazi yumbakamo, n'orhulambo ga marhungo g'amaso gerhu. ³ Bene Izraelibaherez'aba Lawi oku kashambala kabo,n'engo n'amalambo,kukulikirana n'oburhegesi bwa Nahano. ⁴ Bayesh'esimbi enyanya za bene Kohati;na Lawi,bene omudahwa Aruni,esimbi zarhogera ngo ekumi n'esharhu omu mulala gwa Yuda, mulala gwa Simeoni,n'omulala gwa Benyamini; ⁵ Abandi bene Kohati,esimbi zabaha ngo ekumi z'omu mulala gwa bene Efurahimu,omu mulala gwa Dani, n'omuchi chira ch'omulala gwa Manase. ⁶ Bene Gershoni bahabwa n'esimbi,ngo ekumi n'esharhu omu mulala gwa bene Isakari,omu mulala gwa bene Aseri,omu mulala gwa bene Nefutali,n'omuchi chira ch'omulala gwa Manase omu Bashani. ⁷ Bene Merari,nk'oko obuko bwabo bunali,bahabwa ngo ekumi neberi omu mulala gwa Rubeni,omulala gwa Gadi n'omu mulala gwa Zabuloni. ⁸ Bene Israeli bahereza bene Lawi ezola ngo n'amalambo gazo nk'oku Nahano alirhegekere kugerera Musa. ⁹ Omulala gwa bene Yuda n'omulala gwa bene Simeoni engo bahere bene Lawi,talag'amazino gazo. ¹⁰ Oku bene Haruni, balala b'omu mulala gwa Kehati na bene Lawi, bulal'esimbi zarhangaga kubayerekana. ¹¹ Babahereza Kirjati-Arba ye Hebroni,omu ntondo ya Yuda,na malambo galugorhire : Arba aliri eshe wa Anaki, ¹² aliko amashwa g'olo lugo,n'ebishagala byago,babihereza Kalebu mugala wa Yefune. ¹³ Bahereza bene omudahwa Haruni,ahantu nka lugo muntu wayirhir'owabo muntu ahanka yakira,Hebroni n'amalambo gage, Libna n'amalamboa gage, ¹⁴ Yatiri n'amalambo gage,Eshitemoa n'amalambo gage, ¹⁵ Holoni n'amalambo gage, Debiri n'amalambo gage, ¹⁶ Ayini n'amalambo gage,Yuta n'amalambo gage, Beti-Shemeshi n'amalambo gage,ngo mwenda emweyo milala yombi. ¹⁷ Omu mulala gwa Benyamini,bahabwa Gibeoni n'amalambo gage,geba n'amalambo gage, ¹⁸ Anatoti n'amalambo gage,Almoni n'amalambo gage,bihugo bine. ¹⁹ Bihugo byoshi bahag'abadahwa , na bene Haruni,byaliri : Bihugo ekumi na bisharhu n'amalambo gabyo. ²⁰ Oku biloler'amuko ga bene Kehati,na bene Lawi,ebihugo byahabirwe abandi bene Kehati byaliri by'omulala gwa Efurahimu. ²¹ Bahabwa olugo l'oku yakirwamo n'omuntu wayirhir'owabo,Sikemu n'amalambo gage omu ntondo Y'Efurahimu,na Gezeri n'amalambo gage, ²² Kibasayimi n'amalambo gage,Beti-Horini n'amalambo gage,bihugo bine n'amalambo gabyo. ²³ Omu mulala gwa Dani;Elteka n'amalambo gage,Gibetoni n'amalambo gage, ²⁴ Ayiyaloni n'amalambo gage,Gati-Rimoni n'amalambo gage : Bihugo bine. ²⁵ Oku chi chira cha bene Manase,bahabwa Taanaka n'amalambo gage,Gati-Rimoni n'amalambo gage,bihugo bibiri. ²⁶ Zoshi haguma zahika oku bihugo ekumi n'amalambo gabyo zahabirwe bene Kehati. ²⁷ Bene Gershoni nabo bahabwa omu Balawi,echihugo omu chi chira ch'omulala gwa bene Manase,bahabwa nka lugo lwa kuyakirwamo n'omuntu wayirhire owindi,Golani na Bashani n'amalambo gage,na Ashtaroti n'amalambo gage, bigabi bibiri bya byoshi. ²⁸ omu mulala gwa Isakari bahabwa : Kishiyoni n'amalambo gage, ²⁹ Daberati n'amalambo gage,Yarmuti n'amalambo gage,Eni-Garnimi n'amalambo gage;bihugo bine. ³⁰ N'omu mulala gwa Aseri : Misheali n'amalambo gage,Abdoni n'amalambo gage, ³¹ Helikati n'amalambo gage,Rehobu n'amalambo gage,bihugo bine. ³² Omu mulala gwa Nefutali : Bahabwa nka lugo l'oku yakiramo n'omuntu wayirhire owabo;Kedesi,na Hamoti-Dori n'amalambo gage : Bihugo bisharhu. ³³ Bihugo bya bene Gershoni,nk'okw'amuko gabo ganali : Bihugo ekumi na bisharhu n'amalambo gabyo. ³⁴ Bihugo omubuko bwa bene Merari,ba bene Lawi bali chiyorhere,babahereza oku chihugo cha Zabuloni; Yokeneami n'ebishagala byage,Karta n'ebishagala byage, ³⁵ Rimoni n'ebishagala byage na Nahalala n'ebishagala byage : Bishagala bine. ³⁶ Olwindi lunda lw'e Yordani y'e Yeriko,omulala gwa Rubeni gwa habwa nka bihugo bya kuyakiram'amo n'omuntu wa yirhire owindi Bseri,omu mpinga,oku hirhondo n'amalambo gage,Yohasi n'amalambo gage. ³⁷ Kedemoti n'amalambo gage na Mefati n'amalambo gage : Bihugo bine. ³⁸ Omulala gwa Gadi gwa habwa nka bihugo bya kuyakiramo n'omuntu wa yirhaga owindi : Rimoti omu Galeadi n'amalambo gage,Mahanayimu n'amalambo gage. ³⁹ Heshiboni n'amalambo gage na Yazeri n'amalambo gage : Bishagala bine. ⁴⁰ Oluganjo lwe bishagala bya bene Merari kushimbana n'emilala yabo yoshi,babalichiyorhere ku bene Lawi : Bishagala ekumi na bibiri. ⁴¹ Oluganjo loshi lwe bihugo bya bene Lawi bomu bene Israeli : Bishagala makumi mane na munane n'amalambo gabyo. ⁴² Ebyo bishagala byoshi ngasi chishagala chaliherhe obwage bulambo eburhambi. Ntyo kubyaliri ebishagala byoshi. ⁴³ Ntyo ku Namahanga ahere Izraeli echihugo choshi, alaganyaga beshe,bachirhole bana chirhambulemo. ⁴⁴ Nahano abaha oku humuka nk'okwalaganyaga beshe; ntaye chiro n'omguma omu bashombanyi babo wegale kuyimanga emalangambere gabo, Nahano nj'abaheba omu maboko gabo. ⁴⁵ Ebinwa byoshi binja Nahano aderhere oku nju y'e Israeli, ntacho chirhajirikaga: Byoshi byajirika.