¹ Nahano abwira Yoshuwa, mpu : ² Obwire bene Israeli,oderhe,muchijirire,nk'oku na bwiraga Musa,engo z'oku ya kiramo, ³ ngahe h'okulibirhira ngasi yeshi wankayirh'omuntu buzira kushasha, ebyola bishagala byana rhabalabo, okuchibisha eshagama. ⁴ Oyo munizi ana yakira omu chishagala chiguma chabyo, anayinja anayimang'omu lunvi lw'echishagala, anaja arhonder'oku shambalir'abashamuka bali omu chishagala, nabo bana muyakira haguma nabo omu chishagala, banamuherez'ahalama, anabera nabo, ⁵ Eri omushesha eshagama ankayinja amukulikire,barhankahana olala wayirhanaga,bulala ayirhire mwalungwe wage buzira kumenya,na kurhenga mira arhere mushombanyi wage. ⁶ Anaber'omola lugo kuhik'amango nj'asamba emalangambere gembuganano,achirwe olubanja, kuhika okufa k'omudahwa oliho mwago mango,olala munizi anagaluka anaja omulugo lwage,omunju yage,olugo aya kagamo. ⁷ Bahana Kadesi,omu Galilaya,omu ntondo ya Nefutali,Sikemi; omu ntondo ya Efurahimu na Kiryata-Arba,Yeri,Hebroni,omu ntondo ya Yuda. ⁸ N'eshiriza lye Yorodani,olunda lw'ebushoshokero bw'ezuba bw'e Yeriko,balondola Beseri,omu mpinga,omu lubanda lwa bene Rubeni;Ramoti,omu Galadi omu Bashani, omu mulala gwa Manase, ⁹ Lolaga ebishagala bya chishogagwa na bene Israeli boshi,omuntu w'omuhisi olamire hagarhi kabo,ly'olala weyirh'owindi buzira ku menya ana libirhira omola,anka yirhwa n'oku chiholera arhanazi kuburana embere w'echigusho.