¹ Bayeshera Simioni esimbi, omubuko bwa bene Simioni, kushimbana n'emilala yabo echigabi chabo chaliri omukagarhi k'echigabi cha bene Yuda. ² Bahabwa echabo chikono: Ber-sheba, Seba, Molada, ³ Hasari-shuala, Bala, Esemi, ⁴ Elitoladi, Betuli, Horima. ⁵ Sikilagi, Beti-Hamarikaboti, Hasari-Suza, ⁶ Beti-Lebaoti na Sharuhemi, ngo ekumi n'ebishagala byazo: ⁷ aini, Rimoni, Eteri na Ashani, ngo ene, N'ebishagala byazo. ⁸ Bahabwa n'ebindi bishagala bizungulukire ezola ngo, kuhika aha Baalati-Beeri, oli aha Ramati w'e Negebu. Chi chaliri chikono ch'omulala gwa bene Simioni, nk'okwamuko gabo galiri. ⁹ Echikono cha bene Simioni cha kulwa oku chigabi chabene Yuda; bulala echigabi cha bene Yuda chalilugire okubo, na ntyo bene Simioni bahabwa echikono chabo ahagarhi k'echigabi cha bene Yuda. ¹⁰ Obulondozi bwa gasharhu bwaba oku bene Zabuloni kushimbana n'emilala yabo. ¹¹ Olubibi lwabo lwaliri kurhenga ebuzika-zuba, olunda lw'e Marela, lwahika oku Dabasheli, lwahika oku lwinji luli olunda lw'ebuzuka-zuba bw'e Yokeneami. ¹² Kurhenga e Saridi lwashubija ebuzuka-zuba, olunda ezuba lirhenga, kuhika okulubibi lw'e Kishiloti-Tabori, lwajihika e Deberati, lwagendekera e yafia. ¹³ Kurhenga eyomunda lwagendekera, olunda lw'ebuzuka-zuba, ebushoshokero aha Gatiheferi, oku lugo lwa Kasini, lwahika e Rimoni, ebibikene ne Nea. ¹⁴ Lwashubiyerekeza olunda lw'ekulembe kuyerekeza ebwa Hanatoni, lwahika omu lubanda lw'e Efitaha-Eli. ¹⁵ Engo zabo zaliri: Katali, Nahalali, Shimoroni; Ereala na Betelehemu, ngo ekumi n'ebiri n'ebishagala byazo. ¹⁶ Ntyo kakaliri kashambala ka bene Zabuloni, kukulikirana n'emilala yabo, za bilala bishagalala n'orhushagala rhwabo. ¹⁷ Obulondozi bwakane bwa yesherwa Isakari ba bene Isakari abo, ¹⁸ nk'okwa muko gabo ganaliri olubibi lwabo lwaligerere Ezereeli, Kesuloti, Shunemi, ¹⁹ Hafarimi, shioni, Anaharati. ²⁰ Rabiti, Kishioni, Abesi, ²¹ Remeti, Enganimi; En-Hada, na Beti-Pasesi, ²² olo lubibi lwahika etabora, e Sahazimi, n'e Beti-shemeshi lwahika oku Yorodani. engo zabo zaliri ekumi n andarhu n'ebishagala byazo. ²³ Kakashambala k'omulala gwa bene Isakari oko nk'oku amuko gabo galiri, n'engo zabo n'ebishagala byazo. ²⁴ Obulondozi bwakarhano bwayinja oku mulala gwa bene Aseri, nk'okwamuko gabo ganaliri. ²⁵ Olubibi lwabo lwali Helakati, Hali, Betini, Akishafi, ²⁶ Alameleki, Ameadi na Mesheala; lwahikire olunda lw'ebuzuka-zuba e Karimeli, na kuhika eshihori-Libuna. ²⁷ Lwalizongolokere kuyerekeza ebuzikiro bwezuba Ebeti Dagoni, kuhika e Zabuloni n'omulunda lw'Efutali olunda lw'ekulyo lw'e Bet-Haemeki na Nehieli, lwanagendekera e Kabulu, ekulembe, ²⁸ N'olunda lw'eEburoni, Rehobi, Hamoni na Kana kuhika sidoni munene. ²⁹ Olubibi lwahika olunda lw'e Rama kuhika oku chishagala chinene ch'e Tiridi; n'entambi z'e Hosa, lwajihwera oku nyanja, okubudaka bwe Akizibi, ³⁰ haguma na Uma, Afeki na Rohobi, ngo makumyabiri n'ebiri n'ebishagala byazo. ³¹ Ako kakaliri kashambala k'omulala gwa bene Aseri, nk'okw'amuko gabo galiri, bishagala n'orhushagala rhwazo ³² Obulondozi bwa ndarhu bwayerekeza bene Nafutali, nk'okwamuko gabo galiri; ³³ olubibi lwabo lwaliri kurhenga e Helefi, kuhika oku mwecho cha Saananimi, na Adami-Nekebu na Yabuneeli, kuhika e Lakumi, lwagalukira oku Yorodani. ³⁴ Olubibi lwagera olunda lw'ebuzuka-zuba e Azinoti-Tabora, na kurhenga aho, lwagendekera e Hukoki; lwahika e Zabuloni, omu garhi, lwahika oku Aseri olunda lw'ebuzuka-zuba, n'oku Yorodani emunda ezuba lirhenga. ³⁵ Engo zinene zaliri: Sidimi, seri, Hamati, rakati, Kinereti, ³⁶ Adama, Rama, Hasori, ³⁷ Kadesi, Edereyi, Eni-Hasori. ³⁸ Ireoni, Migidali-Eli, horemi, Beti-Anati na Beti-Shemeshi. Bishagala ekumi na mwenda n'orhushagala byazo. ³⁹ Ako kakaliri kashambala k'omulala gwa bene Nefutali nk'okwamuko gabo galiri, bishagala n'orhushagala rhwabo. ⁴⁰ Obulondozi bwa mushanvu bwayesherwa omulala gwa bene Dani, kushimbana n'omulala gwabo. ⁴¹ Olubibi lwakashambala kabo lwaliherhe, Sore, Estaoli, Irishemeshi, ⁴² Shaalabimi, Ayiyaloni, Itila, ⁴³ Eloni, Timuna, Ekironi, ⁴⁴ Eliteki, gibetoni, Baalati, ⁴⁵ yehudi na Bene-Beraki, Gati-Rimoni, ⁴⁶ Meyarikoni na Rakoni, haguma n'echihugo chaliri eshiriza lye Yopa. ⁴⁷ Echihugo cha bene Dani chalirhalusize ahabahabwaga, bene Dani barherama bajilwisa Layishi; bahimana bagezabo okuboji bw'engorho; babere baba bamanyegabo echihugo, bachiyumbaka, bachiha ezino lya Dani, eshe wabo. ⁴⁸ Ntyo k'akashambala k'omulala gwa bene Dani ako omu bishagala n'orhushagala rhwabo. ⁴⁹ Eri baba bamamaligaba echihugo chabo, kukulikirana n'embibi, bene Israeli bahereza Yoshuwa mugala wa Nuni eshwa, kakage kashambala omukagarhi kabo. ⁵⁰ Okurhegeko kurhenga emwa Nahano, bamuhereza olugo anahunaga, timunati-Serahi, omu ntondo y'Efurahimu. Ayumbaka olugo aberemo. ⁵¹ Orhula rhorhushambala omudahwa Eleazari, Yoshuwa, mugala wa Nuni n'abarhambo b'enju za ngasi milala ya bene Israeli bagabiraga bene Isreli n'obulondozi aha Shilo, embere za Nahano, aha luso lw'ehema ly'embuganano, ntyo kubamalaga kugabana echihugo.