¹ Echigusho choshi ch'abana b'e Israeli bachilunda e Shilo, bayumbaka ehema ly'embuganiro. Echihugo chaliri bachihabirwe. ² Hali yorhere buko mushanvu bw'abana b'e Israeli barhalizi habwa akashambala. ³ Yoshuwa abwira abana baba Israeli : Mpu kugera mangochi mwaba bolokazi murhajamo mukarhambula echihugo Nahano, Nyamuzinda wenyu abahere ? ⁴ Mulondole bantu basharhu omu ngasi mulala, nani na barhuma bagende balambagire omu chihugo n'oku yandika oku shokolo yabo eri, bagaluke bambugane. ⁵ Bachigaba mubigabi mushanvu : Yuda abera oku lubibi lwage lw'e karhongo, na bene Yusufu babera oku lubibi lwabo lw'emalambo. ⁶ Na mwayandika echihugo omu bigabi mushanvu, na ntyo mwalerha emyandiko emwani. N'aja naba yeshera esimbi embere za Nahano, Nyamuzinda wenyu. ⁷ Bulala a Balawi barhaherhe chigabi oku bwenyu : Bulala obu dahwa bwa Nahano ye yabo shokolo. Na Gadi na Rubeni,n'echi chira ch'omulala gwa Manse ba bwene eyabo shokolo oku lunda lw'e Yorodani ebulashira zuba,Musa mukozi wa Nahano ye wahagabo. ⁸ Abantu bagenda,bazamuka : Yoshuwa abwira abjaga kuyandika echihugo aderha : Mugende mulambagire omu chihugo n'oku chiyandika,hanyuma mugaluke enondi mbakwebere kw'esimbi embere za Nahano e Shilo. ⁹ Abo bantu bagenda,bagera omu chihugo bachiyandika omu chitabu oku bishagala byacho bachigaba mu bigabi mushanvu. Bagaluka emunda Yoshuwa ali e Shilo. ¹⁰ Yoshuwa aba yeshera esimbi e Shilo embere za Nahano : Yoshuwa agabira abana ba Israeli echihugo kukulikira n'engane zabo. ¹¹ Omulala gwa Benjamini gwa habwa echigabi chaliri ahagarhi ka Yuda na Yusufu. ¹² Olubibi lwabo oku lunda lw'ebuzikiro bw'ezuba kwali kurhenga oku Yorodani kuhika e Yeriko kulunda lw'emalambo,luzamuka kuhika oku chihugo ch'entondo oku lunda lw'ebuzikiro bw'ezuba;chawer'omu mpinga y'e Beti-awani . ¹³ Olubibi lwagendekera kurhenga aho kuhika e Luzi. Hofu n'e Luzi oku lunda yandagala kuhika eAtaroti-Adari,oku ntondo eri olunda lw'e bushoshokero bw'ezuba olubibi lwayandagala kuhika Ataroti-Adari,oku ntondo eri olu lw'ebushoshokero bw'ezuba e Beti-Horoni y'eshishi. ¹⁴ N'a nty'olubibi lwa gendekera n'okuzunguluk'olunda lw'ebuzikira bw'ezuba omu kulola eshishi, kurhenga oku ntondo eri eburhambi bw'e Beti-horoni oku lunda lw'eshishi ; n'ebijiro byaliri aha Kiriati-Bali, chishagala ch'abana b'e Yuda; l'olunda lw'ebuzikira bw'ezuba. ¹⁵ N'ewalunda lw'eshishi lwa liri ewa lunda l'obuzinda w'e Kiriati-Bali, olubibi lwalijire ewa buzikiro bw'ezuba, kurhenga ewa shoko z'olwinji lw'e Nefutoa. ¹⁶ Olubibi lwa yandagala oku lunda l'obuzinda bw'entondo byaliri embere z'olubanda l'omwana wa Hinomu, lwa liri omu lubanda lwa Refaimu oku lunda lw'ebuzikira bw'ezuba ; lwa yandagala ewa lubanda lwa Hinomu, hofu na Muyebusi oku lunda lw'eshishi, lwa yandagala emwa Eni- Rogeli; ¹⁷ lwa hindamukira olunda lw'ebuzikira bw'ezuba, lwarhenga emwa Eni-Semesi, lwarhenga emwa Geliloti, omu kuyerekeza entondo y'e Adumimu; lwa yandagalira ewa bale lya Bohani mwene Rubeni; ¹⁸ lwa gendekera ewa lunda luyekere Araba ewa lunda lw'enyanya, lwa yandagalira emwa Araba: ¹⁹ Olubibi lwagendekera eburhambi bw'e Beti-Hogula oku lunda lw'enyanya: Ebijiro by'olubibi bya liri oku shoko y'enyanya y'enyanja y'Omunyu, oku buzinda bw'eshishi y'e Yorodani: Luno lwa liri lubibi lw'eshishi. ²⁰ Yorodani lwa liri lubibi lwage lwe walunda lw'ebushoshokero bw'ezuba. Kano kakashambala k'abana ba Benjamini oku mbibi zage z'enyunda zoshi; kukulikirana N'embaga zabo. ²¹ Na ntyo ebishagala by'obuko bwa bana ba Benjamini kukulikirana N'embaga zabo zaliri e Yeriko, n'e Beti-Hogula, Emeki-Kesisi; ²² n'a Beti-Araba, Zemaraimu, Beti-Eli; ²³ n'a Awimu, Para, n'a Ofura; ²⁴ n'a Kefari-Amoni, n'a Ofuni, n'a Geba. ²⁵ Gibeoni, na Rama, Beroti; ²⁶ na Misipe; na Kefira na Moza; ²⁷ na Rekemu, na Iripeli, na Tarala; ²⁸ na Zela, elafu na Muyebusi waliri e Yerusalemu, Gibeati, Kiriati. Byaliri bishagala ekumi n'a bine, by'omu rhushagala. Ka kali kashambala ka bene Benjamini n'amashanja gabo.