¹ Nachi chechirhego oku mulala gwa Manase; Bulala aliri fula ya Yusufu oku myazi ya Makiri efula ya Manase,eshe wa bagiliade,bulala aliri muntu w'entambala;Aliri na Giliade w'e Basani. ² N'echirhego oku bana ba Manase bali yorhere ya liri nkw'ok'omulala gwabo gunali; oku bana ba Biyezeri,n'oku bana ba Heleki,n'oku bana ba Semida. Aba baliri banarhabana ba Manase mwene Yusufu kukulikirana n'emilala yabo. ³ Aliko Zelofehali,mwene Heferi,mwene Giliadi,mwene Makiri,mwene Manase,arhaligwerhe barhabana s'aliko abanyere. Naga g'amazino g'abali bage : Mala,Noa ,Hagla,Milka, na Tiriza. ⁴ Ny'abanyere baj'embere z'omudahwa Eliyazari,n'embere za Yoshuwa mwene Nuni,n'embere z'abakulu baderha : Nahano alirhegekere Musa okurhuha nerhu oku shokola haguma na bene berhu; Nantyo kukulikirana n'erhegeko lya Nahano abaha eshokolo omu bene babo eshe. ⁵ Bigabi ekumi byaba bya Manase kurhaluka echihugo ch'e Giliyadi n'e Basani ziri oku lunda lwe Yorodani. ⁶ Bulala abanyere ba Manase alihabirwe eshokolo haguma n'abagala,echihugo che Giliyadi chaliri shokolo y'abana ba Manase baliyorhere. ⁷ N'olubibi lwa Manase lwa liri kurhenga Aseri kuhika e Mikimetati,luli embere z'e Sekemu. Olubibi lwagendekera oku kuboko kw'amalyo,kuhika oku barina Eni-Tapuwa. ⁸ Echihugo ch'e Tapuwa chaliri cha Manase aliko Tapuwa okulubibi lwa Manase yaliri shokolo ya bene Efurahimu. ⁹ N'olubibi lwa yandagala oku shoko y'e Kana, oku lunda lw'e Karhongo lw'eshoko. Ebi bishala byaliri lya Efurahimu,ahagarhi k'e bishagala bya Manase,n'olubibi lwa Manase lwa liri oku lunda lw'emalambo g'eshoko ehulukire oku nyanja. ¹⁰ Okulunda lw'ekarhongo ya liri shokolo ya Efurahimu,n'oku lunda lw'emalambo ya liri shokolo ya Manase,n'enyanja lwa liri lubibi lwage. Bahika oku Aseri okulunda lw'emalambo n'oku Isakari oku lunda lw'e ebulashir'ezuba. ¹¹ Kandi oku Isakari n'oku Aseri,Manase ali gwerhe Beti-Seani n'ebishagala byage na Ibuleyamu n'ebishagala byage n'abanya Dori n'ebishagala byage,n'abanya Eni-Dori n'ebishagala byage, n'abanya Tanaki n'ebishagala byage,n'abanya Megido n'ebishagala byage,kugera hantu hakulu hasharhu. ¹² Aliko bene Manase barhagalaga kuhiga abanya ebi bishagala,aliko aba Kanana babera mwechi chihugo. ¹³ Byagera amango abana b'e Israeli baba n'emisi, bajira aba Kanana kuba bakozi babo,si barhabalibirhagako. ¹⁴ Bene Yusufu ba bwira Yoshuwa mpu : Bula gurhe wakampa chigabi chiguma oku shokolo yani,n'obo ndi mulala gunene gw'abantu bulala Nahano angishire ? ¹⁵ Yoshuwa amushubiza : Akaba oli mulala gunene gw'abantu,genda omu luchiga,orheme omula omu chihugo ch'Abaperezi n'Abarefayimu. Akaba entondo z'efurahimu zikehere zirhakugalire. ¹⁶ Bene Yusufu baderha : Echihugo ch'ebirhondo chirharhugalire; Abakanana boshi bali omu rhubanda bana gwerhe emitugari y'ebyuma,Abali e Beti-Seani n'ebishagala byabo,n'abali omu lubanda lw'e Yezereheli intyo. ¹⁷ Yoshuwa abwira bene Yusufu,n'abene Efurahimu,na bene Manase aderha : Woyo oli mulala gunene,ogwerhe n'emisi minene orhankaba n'echigabi chiguma chonine. ¹⁸ Aliko echihugo ch'entondo chaba chawe,bulala na chino lwaba luchiga wajilurhema, n'omwerere gwage gwaba gwawe, bulala orhagahig'aba Kanana,bula bagwerhe emitugari y'echuma bana gwerhe emisi.