¹ Yoshuwa ahamagala emilala yoshi ya bene Izraeli aho Skemu,ahamagala n'abagula n'abarhambo babo,n'abachibemanja babo,na ngasi bandi baliherhe echikono omu garhi kabo boshi bayinja embere za Nyamuzinda. ² Yoshuwa abwir'olubaga loshi ;eri : Nahano Nyamuzinda we Izraeli,aderhere ntya : Basho,Terah,eshe w'Abrahamu n'eshe waNahori,mira bayumbak'eshiriza w'olwinji,banakolera abandi banyamuzinda. ³ Nakula yisho Abrahamu eyola shiriza w'olwinji; na mugeza omu chihugo choshi che Kanani; naluza eburha lyage,namuhereza Israeli, ⁴ Israeli namuha Yakobo na Esau,Esau namuhaye nka chage chigabi,entondo ye Seyiri,aliko Yakobo na bagala bayandagala e Misiri. ⁵ Narhuma Musa na Haruni e Misiri na yishurha okuburhe nk'oku nanajiraga omola, nanabakulamo, ⁶ nakula bayisho e Misiri,n'oku bageza oku nyanja,abanya Misiri bakulikiranya bayisho kuhika oku nyanja ndukula,n'emitugari n'endogomi. ⁷ Bayisho balakir'emunda Nahano ali,naye Nahano aheba omwizimya ndunduli ahagarhi kabo na banya Misiri;ahondoleka abanya Misiri kwe nyanja yabashukira,amasu genyu gabona ebi nakolaga oku be Misiri n'omu mpinga mwaberiremo siku zinene. ⁸ Nabaheka omu chihugo chabanya Moreni,bayumbaka olwindi lunda lw'e Yorodani,babalwisa,nabaheb'omufune zenyu; mwarhola echihugo chabo,n'amalabo emalanga genyu. ⁹ Balaki,mwene Sipori,mwami w'e Moabu,akomera mpw'alwisa Izraeli ,ahamagala Balamu,mwene Beori,mpw'abakome. ¹⁰ Aliko ntalonzaga oku yunva Balamu;abagisha,na ntyo n'abakula omu maboko gabo. ¹¹ Mwashabuka e Yorodani mwahika e Yeriko,abantu b'e Yeriko barhondera okubalwisa,n'aba nya Moreni, aba Perisi,abanya Kanani,abanya Hiti,abanya Girgashi,aba Hivi,nabanya Yebusi,naboshi nabahana emunda muli. ¹² Narhumirabo enyisibwe zabalibirhako embere zenyu,nkabala bami babiri,b'abanya Moreni,n'oku ntyo orhakolesag'engorho yawe,eri omuherho gwawe. ¹³ Nabahere echihugo murharhamiraga,engo murhayumbakaga zenazezi mukola muyumbakiremo,mwarhola amashwa gemizabibu n'agemizetuni,eyi murharhweraga,yimuli mwalya. ¹⁴ Na ntyo, muyubahe Nahano, mumukolere kula ku kwanene, n'okuli. Mukule abandi banyamuzinda bayisho bakazagi kolera olwindi lunda lw'eshiriza lwinja n'amango bali e Misiri, mukolere Nahano, ¹⁵ Akaba mubwene oku murhakolera Nahano, muchishoge z'ene eyi mwakazi kolera,akaba balala banyamuzinda bayisho bakazagi kolera,balala b'eshiriza y'olwinji,eri banyamuzinda w'abanya Moreni,aba mulamire omu chihugo chabo,nyono n'enju yani rhwakolera Nahano. ¹⁶ Olubaga lwashuza,lwaderha : Nanga,rhurhankaleka Nahano mpu rhukoler'abandi banyamuzinda; ¹⁷ Bulala Nahano ye Nyamuzinda werhu;yiwarhukulaga omu chihugo ch'e Misiri,omu nju y'obuja,rhwabano na badarha; yiwanajira bilala bisomerene omu masu gerhu,yiwanarhulangaga omu lugenzi lwerhu loshi rhwajiraga onunira anarhulanga mugalala mashanja rhwageragamo. ¹⁸ Alibisaga amashanja goshi embere zerhu n'abanya Moreni bali yumbakire mwecho chihugo,nerhu rhwakolera Nahano,bulala ye Nyamuzinda werhu. ¹⁹ Yoshuwa abwira olubaga; murhagali kolera Nahano,bulala ali Nyamuzinda ochere,ali Nyamuzinda w'obongwa;arhankababalire obugomi bwenyu n'ebyaha, ²⁰ eri mwankaleka Nahano, mukajikolera abandi banyamuzinda b'embuga,anahindamuka anabakolera amabi n'oku bamaliriza ahali abajirire aminja. ²¹ Olubaga lwashuza Yoshuwa mpu : Nanga ! Nahano yenine yirhwakolera. ²² Yoshuwa abwira olubaga : Mwenine muli mwashuza oku mwalondwere oku kolera Nahano,bashuza mpu rhuli bahamiriza. ²³ Mukulagesi banyamuzinda b'embuga bali omugarhi kenyu,n'emirhima yenyu muyiyerekeze Nahano,Nyamuzinda w'e Izraeli. ²⁴ Olubaga lwashuza Yoshuwa mpu : Rhwakolera Nahano,Nyamuznda weru,n'oku keng'omulenge gwage. ²⁵ olo lusiku Yoshuwa ajiris'olubaga echiragane,aluherez'amarhegeko ne ngeso bakulikira aha Sikeni. ²⁶ Yoshuwa ayandika ebi binwa omu chitabu ch'amarhegeko ga Nyamuzinda, arhola echirimbi ch'ebale,aliyimanza eshishi w'obola bugufu hofu n'achesebwa ha Nahano. ²⁷ Yoshuwa abwira olubaga loshi ,mulole : Eri bale lyaba buhamiriza ahagarhi kerhu,bulala lya yunvirh'ebinwa byoshi Nahano arhubwirire; lyaba buhamiriza oku mwabo,nji mwankalengera Nyamuzinda. ²⁸ Yoshuwa alag'olubaga ngasi muntu agaluk'emwage. ²⁹ Buzinda bwaho, Yoshuwa ,mwene Nuni,mukozi wa Nahano,afa,eri akola aherhe myaka egana n'ekumi. ³⁰ Bamuhamba omwishwa lya kashambala kage aha Timnai-Serahi,omu ntondo y'Efurahimu,olunda lw'emalyo lw'entondo ya Gaashi. ³¹ Izraeli akolera Nahano bwinja amango goshi Yoshuwa aliriho,n'amango goshi g'akalamo kabagula balamire na Yoshuwa balimanyire ebi Nahano ajirire Izraeli. ³² Amavuha ga Yusufu bene Izraeli bayinja bagahekere kurhenga e Misiri,bagahamba aha Sikeni,omu chi chira cheshwa lya Yakobo aguliraga bene Hamori,eshe wa Sikeni,furanga egana,chibe chigabi cha bene Yusufu. ³³ Eleazari,mugala wa Haruni,afa bamuhamba aha Gibeya-Finihasi,aluhaga omugala Finihasi,omu ntondo y'Efurahimu.