¹ Yoshuwa ashaja,Nyamuzinda amubwira mpu : Okal'oherhe myaka minene n'obushaja,bihugo binene biyorhere wankachigwarhire. ² Ebi bye bihugo biyorhere : Emw'Abafilistini yoshi,n'emw'Abageshuri yoshi. ³ Kurhengerer'oku lwinji lw''e Shihoni elubibi lw'Emisiri,kuhik'Ekroni emw'Abakanana,n'emwa bami barhano b'Abafilistini,baliri e' Gaza n'e Asidodi, n'e Askaloni, n'e Gati, n'e Ekroni n'Abariti. ⁴ N'olubanda lw'ekulyo lw'echihugo ch'Abakanana choshi, n'e Meara,chaliri chaba Sidoni kuhika e Afeki,elubibi na b'Amori; ⁵ Emwa Bagabaoni,n'eshiriza ye Lebanoni kuhika Baali-Gadi omu chirhambirhambi ch'entondo y'e Hermoni,kuhik'e Hamaki. ⁶ Echihugo ch'Abasidoni,ch'omu ntondo ye Lebanoni n'ey'e Misrefoti-Maimu. N'Abahivi boshi,Aba Israeli baherhe echihugo chabo. Aba Israeli bagaba mw'echo chihugo nka kulala na nakubwiraga. ⁷ Echo chihugo achigabir'emilala mwenda, n'echi chira ch'omulala gwa Manase. ⁸ Bene Rubeni na bene Gadi, n'echi chira chiguma ch'omulala gwa Manase,bahabw'elyabo eshwa; mwambali wa Nahano Musa abag'abaherez'eshiriza yo lwinji lw'e Yorordani,ebushoshokero bw'ezuba. ⁹ Kurhonderera Aroeri,eburhambi b'olubanda lw'e Medeba kuhik'e Diboni. ¹⁰ N'ebishagala bya mwami Sihoni w'aba Amori, alihabwir'e Heshiboni kuhik'oku lubibi lw'Abaamoni. ¹¹ Babahereza n'e Galadi, n'emwa Bageshuri, n'emwa ba Maaka oku ntondo y'e Hermoni,ne Basani kuhik'e Saleka. ¹² N'emwa mwami Ogi yoshi,alirhambwire Astaroti,n'e Adreyi, achiri w'oku Barefaimu, balala boshi Musa ahigaga. ¹³ Aliko aba Israeli barhahigag'Abageshuri chango aba Maaka , n'Abaaka,babera haguma n'Aba Israeli kuhika zene. ¹⁴ Abalawi bonine barhahabwagw'eshwa,kuleka zilala mperero baha Nyamuzinda w'Aba Israeli; abalaganyiz'oku che chabo chigabi echo. ¹⁵ Musa aherez'omulala gwa Rubeni echabo chihugo n'okw'emilala yabo ya naliri. ¹⁶ Olubibi lwabo lwarhonderera Aroeri,eb'omulubanda lwe Arnoni,babaherez'echihugo chaliri omu lubanda,n'echihugo choshi chaliri hofu n'e Madeba. ¹⁷ N'echishagala ch'e Heshiboni n'eche Dibori,n'eche Bamoti-Baali, n'eche Beti-Baali-Meoni, ¹⁸ N'e Yahasa, n'e Kedemoti, n'e Mefati, ¹⁹ N'e Kiriyataimu, n'e Sibuma, n'e Sereti-Shahari oku ntondo eb'omu lubanda. ²⁰ N'e Beti-Peori, n'entondo y'e Pisga, n'e Beti-Yeshimoti. ²¹ N'ebishagala byoshi byaliri omu lubanda, n'obwami bwa mwami Shari w'Abamori, alishambwire Heshiboni, Musa amuima n'abarhambo b'e Mediani boshi : Evi, na Rekemu,na Suri, na Huri,na Reba, abo bali baboneken'omu bwami bwa Sihoni mw'echo chihugo. ²² Aba b'Aba Israeli bayirhire,baliri omu Balamu mwene Beori,aliri mulozi. ²³ Olubibi lwa bene Rubeni lwalihikire hofu n'oku lwinji lwe Yorodani. Intyo ku bene Rubeni barhubwire nk'okw'emilala yabo yaliri. N'ebishagala byabo n'engabo zabo. ²⁴ Musa ahereza bene Gadi echabo chihugo nk'okw'emilala yabo yaliri. ²⁵ Bahabw'echihugo ch'e Yazeri,n'ebishagala bye Galadi byoshi,n'echi chira chiguma ch'echihugo ch'Abaamoni kuhik'Aroeri,eb'eshiriza ye Raba. ²⁶ Ashubi bahereza kurhonderera Heshiboni kuhik'Eramati-Mise,n'e Betonimu,na kurheng'e Mahanaimu kuhik'oku lubibi lw'e Lodebari. ²⁷ N'olubanda lw'e Beti-Harani, n'e Beti-Nimura,n'e Sukoti, n'e Safoni. Ebyo byaliri by'oku bishagala bya mwami shoni we Heshiboni.Olwinji lw'e Yorodani lo lwali lubibi kuhik'oku nyanja y'e Galilaya. ²⁸ Ntyo kubene Gadi barhambwire nk'okw'emilala yabo yaliri n'ebishagala byabo n'engabo zabo. ²⁹ Musa aherez'echi chira ch'omulala gwa Manase echola chihugo nk'okw'emilala yabo yaliri. ³⁰ Bahabw'echihugo ch'e Mahanaimu chaliri omu Basani,byaliri makumi gali ndarhu. ³¹ N'olunda lw'echishagala ch'e Galadi, n'ech'Astaroti, n'ech'Edreyi, n'ebishagala bikulu bya mwami Ogi w'e Basani. Ebyo byoshi abihereza ku bene Makiri mugala wa Manase. ³² Intyo ku Musa agabag'ebihugo omu lubanda lw'e Mowabu, eshiriza z'e Yorodani, ebushoshokero bw'ezuba bwe Yeriko. ³³ Aliko Musa arhaherezag'Abalawi eshwa,ababwira mpu oku kolera Nahano che chabo chigabi nk'oku Nyamuzinda yenine abalaganyaga.