¹ Lolaga kw'aba Israeli bayimire omu chihugo ch'e Kanana : Omujinji Eleazari, na Yashera mwene Nuni,n'abakulu b'emilala y'aba Israeli babagabirag'echo chihugo. ² Babere bakala bagab'ebishagala babiyesher'esimbi,nk'oku Nyamuzinda arhegekaga Musa,kw'eyo milala mwenda n'echi chira cherhalizi hanwa. ³ Buno Musa abag'ahereze milala ebiri n'echi chira echabo chihugo eshiriza y'olwinji lw'e Yorodani. Abalawi bonin'arhahag'eshwa. ⁴ Bene Yusufu barhenga mu milala ebiri : Manase, na Efurahinu. Barhaherezag'a Balawi eshwa,aliko babaherez'ebishagala baberamon'amalambo galiri eburhambi bayinja bayabuliramo ebirhungano byabo,n'oku bikiramo ebintu byabo. ⁵ Aba Israeli bajira nk'oku Nyamuzinda arhegekega Musa, bagab'echo chihugo. ⁶ Lusiku luguma bene Yuda bayinji lola Yoshuwa, e Gilgali.Kalebo mwene Yefune,w'omu shanja lya Kezani, abwira Yoshuwa mpu : k'ochiyibukire bwinja kula Nahano abwiraga Musa, mwambali wa Nyamuzinda e Kadeshi-Barnea enyanya zani nawe ? ⁷ Emyaka yani yaliri makumi mane amango Musa mukozi wa Nahano antumaga e Kadeshi-Barnea, mpu njilola gurh'echihugo chiyorhe, na galuka, na mubwira nk'oku na nabonaga chiyorhere koshi. ⁸ Aberhu rhwaliri nabo barhum'abantu bayubaha aliko nyono na shimba nk'oku Nyamuzinda wani ana mbwiraga. ⁹ Olo lusiku lonolo Musa achigasha aderha : Kalebo,ngasi hoshi walabarhire,haba hawe,n'abana wankaleka,buno washimbire nk'oku Nahano, Nyamuzinda werhu agurhumaga. ¹⁰ Jaga walola; Nahano anyikeze nk'okw'anandaganyaga. Ekola eri myaka makumi mane n'erhano kurheng'amango abwiraga Musa ntyo,eri aba Israeli bali omu mpinga. Buno nkola mperhe myaka makumi gali munane n'erhano. ¹¹ Emisi naligwerh'amango Musa antumaga yinanchigwerhe kuhika zene,nanka chilw'entambala nkole na ngasi mulimo. ¹² Ompag'ela ntondo yani Nahano ambwiraga, buno nawe waliyunvirh'amango ayimpaga. Nali na kubwirire oku Banaki bayibako,n'amweyo ntondo mu bila bishagala bizibuzibu biba. Nkaba Nahano aba haguma nani,mbahige nka kula'anandaganyaga. ¹³ Agola mango Yoshuwa agisha Kalebo,mwene Yefuni,amuherez'echihugo che Hebroni. ¹⁴ Intyo ku Kalebo mwene Yefunew'omu shanja lya Kenazi,ahabwagwa echishagala che Hebroni,chiro n'eburha lyage mulichiba kugera zene,buno Kalebo alishimbulire nk'oku Nyamuzinda waba Israeli amubwiraga. ¹⁵ Burhanzi echishagala ch'e Hebroni chakazagi derhwa mpu Kiriyati-Arba aliri murhwali omu chishagala chikulu ch'Abanaki. Agol'amango echishagala charhulera chirhachibaga mw'entambala.