¹ Galiri mango Adoni-zedeki mwami w'e Yerusalemu aber'ayunva oku Yoshuwa agwarhir'echo chishagala che Ai,okw'anachijirire nko kwajirag'eche Yeriko na mwami wacho,n'oku Abagabaoni bashigir'aba Izraeli. ² Bayubaha bwenene,buno echishagala che Gabaoni chaliri chinene bwenene kulush'eche Ai,kandi chalilugire nka chisisi ch'abami,n'abantu bamo baliri ba misi. ³ Oyo mwami we Yerusalemu,arhuma mpu bajibwira mwami Homu we Heburoni na Piramu we Yarmuli,na Yafiya we Lakisi, na Debiri w'Egloni mpu : ⁴ Muyinje muntabale,rhulwis'echishagala che Gabaoni,abantu bamo,banywanire Yoshuwa n'Aba Israeli. ⁵ Abo bami b'Abamori okubanali barhano,bachihira haguma,owe Yerusalemu n'owe Heburoni,n'owe Yarmuti,n'owe Lakisi,n'owe Egloni. Baj'omu chishagalache Gabaoni,bachigorha bachishurh'emiherho. ⁶ Abantu b'e Gabaoni barhuma entumwa emunda Yoshuwa ali omu bilalo by'e Gilgali mpu bamubwire : Waliha orharhulekereraga rhuli bambali bawe ! Obangule orhurhabale Abami b'Abamori boshi bab'omuntondo bachihebere haguma mpu barhulwise. ⁷ Yoshuwa n'enfola miherho zage zoshi,n'entwali z'okulw'entambala barheng'e Gilgali. ⁸ Nyamuzinda abwira Yoshuwa mp'orhabayubahaga ; buno naguhimirabo. Ntaye wakulindira. ⁹ Yoshuwa alal'agenda n'engabo yage. Arheg'e Gilgali aj'e Gabaoni kubarhera. ¹⁰ Nyamuzinda agez'Abamori mihand'erha shimanana. Yoshuwa abahimira e Gabaoni,babashony'e Beti-Haroni, babahis'e Azeka, n'e Makeda. ¹¹ Abamori babere bayaka,Aba Israeli bagoshola mpu bayandagal'e Beti- Haroni,bayerekez'Azeka, Nahano anyes'olubula lunene lwa bayirha. Lwabahir'omu bakene kulush'Aba Israeli bayirhaga. ¹² Yoshuwa abwira Nahano emalanga g'aba Israeli olo lusiku,buno amabahimir'Abamori. Aderha mpu : Mani ezuba liyumangir'enyanya ye Gabaoni, mani omwezi guyumangir'enyanya ly'Ayaloni. ¹³ Ago mango ezuba lya yumanga, n'omwezi gurhachigendaga guhik'amango aba Israei bachiholag'oku bashombanyi babo. Bayandikire intyo omu chitabu cha Aseri,okw'ezuba lyashibaga liyumangire oku nkuba burira kuzika. ¹⁴ Nta lusiku luli ntyo lusagiba,na ntalo lwachibere bundi,okubona Nahano ayemerag'oku mwen'omuntu amubwirag'ago mango Nahano yenine alwira aba Israeli. ¹⁵ Yoshuwa n'aba Israeli boshi,bashubir'aha balihandire e Gilgali. ¹⁶ Abo Bami barhano b'Amori bayaka n'oku chibish'omu lukunda e Makeda. ¹⁷ Ba bwira Yoshuwa oku bababwene bachibishire molo lukunda lw'e Makeda. ¹⁸ Yoshuwa ababwira : Muhirik'amabale manene omu bunu bolo lukunda,muhebe ho n'abalanzi. ¹⁹ Nenyu mu menye mwayikala busha. Mushimb'abola bashombanyi mubayirhe murhabalekaga baj'omu bishagala byabo buno, bulala Nahano, Nyamzinda wenyu, arhuhimirebo. ²⁰ Yoshuwa n'aba Israeli babere bahima Abamori loshi loshi,abafumaga balibirhir'omu bishagala biyumbakirwe kuzibuzibu,bafuma. ²¹ Aba Israeli boshi bashubuka n'omurhula,bashimana Yoshuwa omu bilalo by'e Makeda. Nta muntu wa chiryomerez'ehirimi oku ba Israeli. ²² Enyuma lyahola, Yoshuwa aderha mpu : Bafunule lula lukunda, bakule bala bami barhano bamulerherabo. ²³ Babakulamo oku banali barhano : Owe Yerusalemu,n'owe Hebroni,n'owe Yarmuti,n'owe Lakisi, n'owe Egloni;bamulerherabo. ²⁴ Babere bama mulerherabo, ahamagala aba Israeli boshi,abwir'abakulu n'enfola miherho zalibaherekez'oku ntambala mpu : Shegera hano, muhir'amagulu genyu oku magosi gaba bami. Bashegera baheb'amagulu gabo oku magosi. ²⁵ Yoshuwa ababwira : Murhayubahaga,muchihangane muzibuhe,murhachikag'emirhima omunda,intyo ku Nahano ajir'abashombanyi benyu boshi balonz'oku balwisa. ²⁶ Intyo Yoshuwa abashurh'abayirha,bahanikwa oku mirhi erhano kuhik'egolo. ²⁷ Ezuba lyabere lyazik'aderha oku babashonole n'oku bahira omu lukunda balichibishiremo,balufunike n'amabale,gachibaho kuhika zene. ²⁸ Olo lusiku Yoshuwa arhera echishagala ch'e Makeda,achigwarha. Ayirh'abantu bamo boshi,n'omwami wabo,arhalekaga chiro mwe hihuka.Ajira mwami w'e Makeda nk'okwajiraga mwami w'e Yeriko. ²⁹ Enyuma zaho,Yoshuwa n'enfola miherho zage,barheng'e Makeda,baj'e Libuna,balwis'abantu bayo. ³⁰ Nahano ahimir'aba Israeli abantu baliri mw'echo chishagala,babayirha boshi,na mwami wabo bamugwarha,ntaye wayorhere chiro n'omuguma. Bajira mwami wayo kula bajirag'owe Yeriko. ³¹ Enyuma zaho,Yoshuwa n'aba Israeli boshi barheng'e Libuna, baj'e Lakisi, bagorh'echo chishagala, balwis'abantu bacho. ³² Nahano ahira Lakisi omu fune za Israeli, wamurholaga Oku lusiku lwa Kabiri, Nahano abahimira abo bantu,bayirha banajira kula bajirag'abe Libuna. ³³ Mwami Horamu w'e Gezeri,ayinja kurhabal'abantu be Lakisi,lero Yoshuwa amuyirha n'engabo yage yoshi,n'owobufumu arhayorhaga chiro. ³⁴ Enyuma zaho,yoshuwa n'aba Israeli boshi,barheng'e Lakisi,baj'e Gloni,bagorh'echo chishagala,balwis'abatnu bamo. ³⁵ Olo lusiku babahima,bayirha boshi,ntaye w'obufumu wafumire,babajira kulala bajirag'abe Lakisi. ³⁶ Yoshuwa n'aba Israeli boshi, barheng' Egloni baj'e Hebroni, balwis'abantu bayo. ³⁷ Bagwarh'echo chishagala bayirh'abantu bayo boshi,bayirha na mwami wabo, Yoshuwa arhalekaga n'owobufumu arhayorhaga,babajira nka kulala bajirag'aba Egloni, n'oku babwira byoshi balihanzizwe byaliriyo. ³⁸ Yoshuwa n'aba Israeli boshi bagaluka baj'e Debri,balwis'abantu bayo. ³⁹ Bagwarha na mwami wacho n'abindi baliri eburhambi babayirha,n'owobufumu arhayorhaga,Yoshuwa abajira nka kulala ajirag'abe Hebroni,n'abe Libuna na mwami wabo. ⁴⁰ Yoshuwa agwarh'echihugo choshi ayirh'abami b'ebihugo byaliri omu ntondo,n'ebyaliri omu mbanda,n'ebyali oku marango,n'ebyali ekulembe. Arhalekaga chiro n'omuntu muguma w'omuka,nka kulala Nahano, Nyamuzinda w'aba Israeli arhegekaga. ⁴¹ Yoshuwa agwarh'echihugo ch'e Kadeshi-Barneya kuhik'e Gaza,n'ebye Goseni byoshi kuhika Gabaoni. ⁴² Abihim'oku liguma,n'oku gwarh'abami babyo,buno Nyamuzinda wab'aba Israeli yenine ayinjag'alwis'olubaga lwage. ⁴³ Intyo Yoshuwa n'aba Israeli boshi bagaluka,bashubira ahabalihandire e Gilagali.