¹ Namani aliri chilongozi ch'engabo za mwami we Suriya, ali murhonyi wage amusima bwenene; buno ye warhumaga Nyamuzinda akazi himira Abasuriya ngasi bashombanyi babo. Aliko eyo ntwali yalilwer'ebibenzi. ² Enfola miherho z'e Suriya zagenda bikunjo bikunjo kurhenga aba Israeli, bagwarha mwananyere mudorho bamuheka aha mwa Namani kuba mujanyere wa mukage. ³ Oyo munyere abwira muka Namani, Nahano akol'aja e Samariya kubona omulebi wa Nyamuzinda akamufumya ebibenzi. ⁴ Namani abere ayunva ntyo ajibwira mwami wage oku ntyo k'oyo mwananyere aderhere. ⁵ Mwami amubwira mpu ogende n'aga maruba ogahekere mwami w'e Israeli. Namani agenda aheka bilo ekumi by'echuma ch'efuranga, na bindi makumi gaili ndarhu by'ehoro, na mishangi ekumi y'okuhindamula. ⁶ Ahekera mwami wa b'aba Israeli amaruba owabo w'e Suriya aliayandikire mpu: Waliha aga maruba ngurhumire, gaderhere oku ombukire Namani chilongozi ch'engabo zani ebi bibenzi. ⁷ Mwami w'aba Israeli amalire soma ago marub, achishashanyulira kw'emishangi ayambere, enyanya z'oburhe. Aderha kamba mulozi chango mufumu, obo mwami we Suriya antumire omuntu wage mpu mubuke ebibenzi byage? Ka murhabwene ok'oyu muntu buhaka bwandoz'ako! ⁸ Elisha abere ameny'oku mwami achishashanyulire kw'emishangi arhuma mpu: Bamudose bichi byarhumire achishashanyulira kw'emishangi yage? Orhume oyo muntu emunda ndi, amenye ok'omulebi ali omu Israeli. ⁹ Namani ayinja n'efarasi yage n'emitugari yage, ayimanga ayumang'oku lunvi lw'enju ya Elisha. ¹⁰ Elisha amurhumir'omuntu mpu: Amubwire agende ku chidubika omu lwinji lw'e Yorodani kali mushanvu w'afuma omubiri gwawe. ¹¹ Aliko Namani oburhe bwamugwarha aderha, mpu: Nyono nalimenyere mpu nkaba anshegerera ampemere Nyamuzinda wage anahume oku mubiri ah'endwala eri, nfum'ebi bibenzi! ¹² K'olwinji lwe Abana, n'olwe Farpari ziri omu Damasiki zirhalushire enyinji zib'omu Israeli? Nanka chidubikamo nanfume; Namani agaluka n'oburhe. ¹³ Aliko abamabali bamushegerera bamu bwira mpu: Waliha! Nk'omulebi akubwiraga mp'ojire echilushire echi k'orhankachijirire! Lero bichi olahirire okuchichidubika omu lwinji y'ofuma! ¹⁴ Ago mango, Namani achichidubika kali mushanvu omu lwinji lw'e Yorodani, nk'oku Elisha ana mu bwiraga; honaho omubiri gwage gwaba nka gw'akabonjo. ¹⁵ Ashubira emund'omulebi ali haguma n'abantu bamuherekeze aderha mpu: Lero namabona oku ntaho Nyamuzinda aba nko mu Israeli monine. Waliha, orhole luno luhembo omwambali wawe aguhere. ¹⁶ Elisha amubwira mpu: Mbof'echihango cha Nyamuzinda nkolera ngahuma oku luhembo lwawe. Namani amuseza aliko achilahirira. ¹⁷ Namani ashuza mpu: Waliha buno walahire mpu nta guhigulaga, onyemerere nshamarhe obudaka bwamuno chihugo chenyu, na buhesa ba Punda babiri. Buno ntachilonza enama nyiherez'entulo z'okusireza n'ezo kugashaniriza, akola Nyamuzinda we Israeli yinaja nakazi ziha. ¹⁸ Aliko Nyamuzida ambabalire waliha hano nyinja naherekeza nahamwerhu kuhera Rimoni ye nama yage ya Aba Suriya, nani ntegekerwe nyiname buno aba agwarhire okuboko kwani, aliko Nyamuzinda ambabalire kw'echo. ¹⁹ Elisha achiyeguza abwira Namani mpu: Gendaga bwinja. ²⁰ Aliko Gehazi mwambali wa Elisha achiduduma mpu: Nahamwerhu amaleka ebi byoshi Namani amuhere; echihango cha Nyamuzinda chinyirhe, namusezako ndole nkantamukula kw'akantu. ²¹ Ago mango Gehazi ayinja alibirha Namani amulangira ashonoka omu mutuga gwage, amudosa mpu: Buholo! ²² Gehazi aderha mpu Buholo, aliko nahamwerhu antumire mpu nkubwire oku bantu babiri b'omu bana babalebi barheng'omu ntondo y'Efurahimu, mpu: Omuhereze efuranga talanta nguma na mishangi ebiri. ²³ Namani amubwira mpu: Waliha orhole talanta ebiri, amuseza amuhirazo omu mifuko, amuhereza mishangi ebiri amuhereza n'abambali mpu bamurhwaze. ²⁴ Babere bahika enyanya w'entondo arholerabo, abaleka bagenda abirhabika omu nju. ²⁵ Gehazi aj'emunda nahamwabo Elisha ali, Elisha amudosa, Gehazi ngahe warhenga! Ashuza mpu: Ntaho waliha. ²⁶ Aliko Elisha amushuza mpu: Ka ntaliku bwene omu muka, gala mango ola muntu ashonokaga omu mutuga gwage aji kulinga? Gano garhali mango g'ogurhol'efuranga, n'emishangi, n'amashwa g'emizetuni, n'ag'emizabibu, n'ebibuzi, n'enkavu, n'abaja balume n'abakazi. ²⁷ Bila bibenzi byaliri ku Namani bikola byakujako, n'abana bawe esiku n'amango. Gehazi arhengaho,eri mira omubiri gwaherembukire n'ebibenzi nka lubula.