¹ Amango Yehoyakimu alirhambwire ga mango mwami Nebukandineza we Babeli ashagamukiraga echihugo che Yuda. Yehoyakimu amushiga,aliko enyuma ya myaka esharhu ashubi chihindamula. ² Ago mango Nyamuzinda arhumira Yehoyakimu Omurhwe gw'abanyezi b'e Babeli, n'ab'e Suriya,n'Abamoni, arhuma abo bantu mpu Basherez'eYuda, nka kulala omwazi gwa Nyamuzinda Abalebi baderhaga guderhere. ³ Obo buhanya Nyamuzinda yenine wabuhirag'omu chihugo ch'e Yuda, buno arhasimag'oku chibon'omu masu mage kandi.mwami Manase alijire byaha binene. ⁴ Ayirha bantu banene barhaherhe bubi echishagala ch'e Yerusalema achiyunjuza Amabi, enyanya z'oko Nyamuzinda arhachilonzaga chiro ababalire. ⁵ Ebindi bijiro byoshi Yehoyakimu ajirire biyandikirwe omu chitabu chebyakazagiba ch'abami b'e Yuda. ⁶ Yehoyakimu afa,omugala Yoyakini ayima ahalihage. ⁷ Omwami w'e Misiri arhachihalizaga mpu arheng'emwage buno mwami w'e Babeli abag'amurholere ebihugo byoshi abaga agwarhire anabirhegeka, kurheng'oku lwinji lwe Misiri kuhika lwinji lunene Efurati lw'e Babeli. ⁸ Yoyakini ayimag'e Yuda eryaherhe myaka ekumi na munane, arhamula myezi esharhu e Yerusalema. Nina yi wali Nehishina mwali wa Elinatani w'e Yerusalema. ⁹ Ajir'ebigayisize Nyamuzinda ak'eshe. ¹⁰ Ago mango abambali ba mwami Nebukandineza w'e Babeli bazamuka e Yerusalema, bagorh'echihugo. ¹¹ Babere bamachigorha,Nebukandineza yenin'ayumuka ajayo. ¹² Mwami Yoyakini w'e Yuda, ahuluka omu chishagala bombi nina n'abarhambo bage, n'abakozi bage, baj'emunda mwami w'e Babeli ali; Abashweka. Ago mango eri Nebukadeneza akola aherhe myaka munane oku bwime. ¹³ Arhol'ebintu byaliri omu ka Nyamuzinda n'ebyaliri omu burhwali, ashangul'ebintu byoshi by'ehoro mwami Sulemani we Israeli achulisaga by'oburherekere omu ka Nyamuzinda byaba nk'oku Nyamuzinda anaderhaga. ¹⁴ Mwami Nebukadeneza arhol'abantu boshi baliri omu Yerusalema, abarhambo bakulu na baludindiri. Balihikire bihumbi ekumi. Aheka n'abalenga boshi ba ngasi lubero, akela abakene bonine. ¹⁵ Nebukadeneza aheka Yoyakiri e Babeli na nina, na bakage, n'abarhonyi bage n'abarhambo bage. ¹⁶ Arhola baludindiri bihumbi mushanvu n'abalenga b'okuchul'ebyuma chihumbi chiguma,eri banali balwi b'entambala; boshi abaheka banya mugozi e Babeli. ¹⁷ Nebukadeneza arhabikw'owindi mwami e Yuda ahali ha Yoyakini. Ayimika mwishe Mataniya, ahindamul'ezino lyage mw'elya Zedekiya. ¹⁸ Zedekiya ayima e Yuda, ali herhe myaka makumyabiri na muguma. Arhambula myaka ekumi na muguma, nina yi wali Hamutali mwali wa Yirimiya w'e Libuna. ¹⁹ Ajir'ebigayisize Nyamuzinda kuguma na Yehoyakimu. ²⁰ Enyanya z'oko, Nyamuzinda agaya arhum'obuhanya omu Yerusalema n'omu Yuda mwoshi, abaleka. Buzinda Zedekiya ahindamuka mwami Nebukadeneza.