¹ Hanaho mwami Yosiya ashimanyanya abagula b'e Yuda, n'abe Yerusalema haguma. ² Enyuma lyaho abahek'omu ka Nyamuzinda, eri abantu b'e Yuda n'abe Yerusalema bamukunjukire ko, oli abajinji, oli abalebi; omudorho n'omukulu, abantu boshi bajamo. Oku handi mwami abasomera chila chitabu che chilagane bakulag'omu ka Nyamuzinda. ³ Mwami ayumang'embere z'abantu hofi n'omutungo gwa ka Nyamuzinda, ayirhul'echilagane na Nyamuzinda, aderha oku ngasi muntu aba mukubagirwa ku Nyamuzinda n'okwakeng'amarhegeko, omwazi, n'oburhegesi bwage, n'omurhima gwage goshi, n'engererezo zage zoshi, akenge na ngasi byoshi biyandikirwe mw'echo chitabu. Ago mango abantu boshi nabo bayemera echo chilagane. ⁴ Mwami Yosiya abwir'omujinji Hilikiya n'abandi bajinji bamulonzize, n'abandi bakazagi lang'enyunvi z'aka Nyamuzinda mpu bahuluse ngasi bintu byoshi bakazagi hereramo Baali, n'ebi bakazagi gashaniza mo Ashera, n'omwezi, ezuba n'enyenyezi. Mwami abiyosez'enyuma ly'echishagala ch'e Yerusalema, omu lubanda lw'e Kiduroni, bahek'oluvu lwabyo e Beteli. ⁵ Ahig'abantu bayo boshi, aba bami b'e Yuda bali bajirire mpu ba bajinji b'okurherekera omu bishagala by'e Yuda, n'ebindi bishagala bishegere Yerusalema; abahiga buno bakazagihereza Baali enterekero, bakaziyiherez'ezuba, n'omwezi n'ebimanyiso by'oku nkuba baderha Zodyaki na ngasi kandi kantu kaba oku nkuba bajir'obulangashane. ⁶ Akul'omutungo gw'enamakazi Ashera omu ka Nyamuzinda, aji kuyiyosez'omu lubanda lwe Kiduroni. Aguyosez'embere z'abantu boshi, ashandaz'oluvu lwayo oku shinda z'abantu. ⁷ Ashand'orhuju baliyumbakire hofi n'aka Nyamuzinda, omu bakazagi herera obuhero b'obuhushi, mw'abakazi bakazagi lukir'emyenda y'emirhero y'okujira obuhero bw'Ashera. ⁸ Ahamagal'abajinji bakazagi geza obuhero omu bishagala by'e Yuda byoshi, kurhengerera e Geba kuhik'e Beriseba. Akul'orhuhero rhwabo bakazagi hanirako enterekero. Omu Yerusalema namo bashandala amahero bayinjaga barhabik'oku nyunvi z'e chishagala; aliri oku lunvi l'omurhegesi Yeshuwa ekulembe bw'echishagala. ⁹ Abo bajinji nabo bakazagijir'obu rherekero omu buhero, barhabayereraga mpu bakazi gendeker'okuhan'enterekero oku rherekero lya Nyamuzinda e Yerusalema. Aliko nabo bagendeker'okulya emigati erhali mw'engenzo ak'abandi bajinji. ¹⁰ Mwami Yosiya ashand'echiko cha Tofeti chaliri omu lubanda lwa bene Hinomu mpu abantu barhachigendaga bayosez'amo abana babo oku nterekero y'okusireza emw'enama Milikoni. ¹¹ Aheza efarasi abami b'e Yuda bagosholaga mpu bagashaniza mw'ezuba. Ezo farasi zaliri omu lunvi lw'aka Nyamuzinda, omu biju byalinanirire hofi n'echumba ch'omugaragu Natani-Meleki. Yosiya ayosa omutuga bakazagi herera mw'ezuba. ¹² Ashand'orhuhero abami b'e Yudababaga bayumbakire oku Chishasha ch'enju ya mwami Ahazi, n'orhwindi Manase agonyanga omu mbuga zombi za ka Nyamuzinda. Arhushandaza rhoshi honaho, akweba ebisigazo byarho omu lubanda lwe Kiduroni. ¹³ Ashand'orhuhero rhwali embere z'e Yerusalema, olunda lw'eshishi oku ntondo y'emirhi y'emizeituni; mwami Sulemani we Israeli warhuyumbakirag'emana kazi byanshonye Astarte y'abantu be Sidoni. Arhuyumbakir'enama bishologosa Kemoshi w'abantu be Moabu; haliri n'orhwe nama bidikodiko Milikomi y'Abamoni. ¹⁴ Yosiya ashandula amabale g'ogushera balishingire, akundula n'emitungo y'Ashera, ahayaliri asheshera h'amavuha g'abantu. ¹⁵ Mwami Yosiya ashand'agahero kaliri e Beteli ayumbakaga karhuma aba Israeli bajir'ebyaha. Ayos'oluhero, ashanda erherekero, achana omutungo gw'Ashera rhoshi rhwaba luvu. ¹⁶ Mwami Yosiya akabagana, alangira eshinda ziri omu ntondo, arhuma mpu bagende balerh'ebivuha birimo, abiyosez'oku nterekero mpu y'omu sezi lirhachikoleraga, nka kulal'omulebi wa Nyamuzinda alebaga. ¹⁷ Yosiya ashubi dosa mpu: Mundima guchi gula namabona? Abantu b'omu chishagala bamu bwira mpu: Shinda yomulebi warhengag'e Yuda eyo, yi wabag'aderha ebil'ojirire kw'eyi nterekererohano. ¹⁸ Ago mango Yosiya aderha mpu Muleke eyi shinda ntaye ohumage oku bivuha by'oyo mulebi. Ntyo balek'ebivuha byage n'ebyo windi warhengag'e Samariya. ¹⁹ Mwami Yosiya ashand'orhuhero rhoshi rhwaliri e Samariya, orhw'abami b'aba Israeli bakazagi yumbaka rh'okugayisa Nyamuzinda, arhushanda rhoshi kulala ajirag'e Beteli. ²⁰ Abajinji bakazagi yumangira oburherekere oku marherekero gali hofi n'orhuhero rhwabo. Yosiya ababagirako, ayosa n'ebivuha by'abantu. Enyuma ly'aho ashubir'e Yerusalema. ²¹ Lusiku luguma, mwami Yosiya abwira abantu boshi mpu: Mujir'olusiku lukulu lwa Pasaka l'okukenga Nyamuzinda nk'oku biyandikirwe mw'echi chitabu ch'echilagane. ²² Nta lusiku lukulu lwa Pasaka luli nk'olo lwajirirwe kurheng'amango abarhegesi balirhambwire omu Israeli, n'akurheng'amango abami balimo. Chiro n'abalebi e Yuda. ²³ Yosiya aber'ajira myaka ekumi na munane, yajirisag'olo lusiku lwa Pasaka l'okukenga Nyamuzinda e Yerusalema. ²⁴ Yosiya ahiga ngasi boshi bakazagi kuz'abazimu, n'abalaguzi, n'aba namanama, n'eshushano z'ogushologosa omu chihugo ch'e Yuda, n'omu chishagala ch'e Yerusalema mpu yajira ngasi koshi echitabu omujinji mukulu Hilikiya akulag'omu ka Nyamuzinda chiderhere. ²⁵ Embere za Mwami Yosiya, harhali owundi mwami wakolere Nyamuzinda kuguma naye, n'engererezo zage zoshi, n'emisi yage yoshi akage, nk'okw'amarhegeko ga Musa gaderhere; n'enyuma lya Yosiya ntaye wachibere kuguma naye. ²⁶ Oburhe Nyamuzinda aliherh'oku bantu b'e Yuda burhahwaga, aligayir'abantu b'e Yuda enyanya za Manase wamugayisaga. ²⁷ Che charhumaga Nyamuzinda aderha mpu: Nka kulala mira ntakazagilonza mbon'aba Israeli emalanga gani ku ntanachilonza mbon'aba Yuda nabo. Nkola nakabulira Yerusalema chilala chishagala nachishogaga, na ka Nyamuzinda nalaganyaga mpu nakazi yerekaniramo h'okuba kwani. ²⁸ Ebindi bijiro byoshi mwami Yosiya ajirire biyandikirwe omu chitabu ch'ebyakaza ch'abami b'e Yuda. ²⁹ Amango Yosiya aliri oku bwasi mwami Farao Neko w'e Misiri ajilwisa mwami we Asuriya, ely'amahika oku lwinji lwe Efurati, mwami Yosiya amulwisa, amuyirhir'e Megido yi wanahangalanaga. ³⁰ Alongozi b'engabo bamuhek'omu mutuga bamukul'e Megido bamuhek'e Yerusalema bamuhamb'omu shinda yage. Abantu b'emwage barhol'omugala Yohazi bamuyimika ahali heshe. ³¹ Yohaza abere aba mwami e Yuda ali gwerhe myaka makumyabiri n'esharhu, arhambula myezi esharhu yonine e Yerusalema. Nina ye wali Amitali mwali wa Yeremiya we Libuna. ³² Ajir'ebigayisize Nyamuzinda bwenene kuguma na bashokuliza bage. ³³ Mwami Farao neko we Misri amushwekera'e Ribia omu chihugo che Hamati, n'omwimo gwage gwahwa. oyo mwami aderha mpu : abantu be Yuda bahonge bilo bihumbi bisharhu by'echuma ch'efuranga na bilo makumyasharhu by'echura. ³⁴ Arhola Eliyakimu mwene Yosiya amujira mwami we Yuda ahali heshe. ahindamul'ezino lya Eliyakimu mw'elya Yehoyakimu arhola Yohazi amuhek'eMisri afirayo. ³⁵ Yehoyakimu afurhis'abambali ekoli yibabona ebibarhula mwami we Misiri nkokwanachaga ngasi muntu abera ofurha ekoli, Yehoyakimu ahekera Farao Neko ezo furanga n'ezo horo. ³⁶ Ene Yehoyakimu ayima e Yuda aliherhe myaka makumyabiri n'erhano, arhambula myaka ekumi na muguma e Yerusalema. Nina yi wali Zebuda mwa Pedaya we Ruma. ³⁷ Ajir'ebigayisize Nyamuzinda bwenene kuguma nabashokuliza bage.