¹ Mwami Hoseya mwene Ela we Israeli, abere ahisa myak'esharhu, Ezekiya mwene Ahazi naye ayima e'Yuda. ² Aliherhe myaka makumyabiri n'erhano amango ayimaga, arhambula myaka makumyabiri na mwenda e Yerusalema. Nina yi wali Abi mwa Zakariya. ³ Ajir'ebisimisize NYamuzinda kuguma n'eshekulu wage Daudi. ⁴ Ashanda amahero galiri omu chihugo. Ashangul'amabale g'olusho, akundula n'emitungo ya Ashera. Ahojanga enjoka y'omulinga Musa achulaga, buno kuhik'ago mango aba Israeli bakazagi yosez'obuku eyo njoka, babaga bayiher'ezino lya Nehustani. ⁵ Ezekiya akazi chivugira Nyamuzinda waba Israel kulush'abami boshi barhambwir'e Yuda, abayinj'enyuma na bali embere zage. ⁶ Achishwekera ku Nyamuzinda, arhumira n'amarhegeko gage ahaga omwambali Musa. ⁷ Nyamuzinda abera hagauma naye akazi heka n'emikolo yage yoshi. Kandi akengula mwami we Asuriya nta mango amushigire. ⁸ Alwis'aba Filisitini kuger'e Gaza.Agwarha kurhonderera oku bishagala bizibuzibu kuhik'oku milunga y'okuja bulabi. ⁹ Mwami Ezekiya abera ajira myaka ene ayimire, gwaba mwaka gwa mushanvu gwa mwami Hoseya mwene Ela we Israeli, mwami Shalimanaseri we Suriya aj'omu Israeli, agorh'echishagala che Samariya. ¹⁰ Habere hagera myak'esharhu achigorhere achigwarha, ye yali myaka ndarhu Ezekiya aliyimire, go gwanali mwaka gwa kali mwenda Hoseya aliyimire omu Israeli. ¹¹ Oyo mwami we Asuriya agwarha aba Israeli, abalundagiz'emwage, abayumbasa omu chishagala che Halami, oku lwinji lwe Habori, omwishwa lye Gozani n'omu bishagala bye Mediya. ¹² Ebyo byoshi byabere buno aba Israeli bali e Samariya barhalikenger'oku Nyamuzinda wabo abarhegekaga, barhabaga bakubagirwa omu bilagane ajiraga nabo, na buno barhayunvaga barhakeng'amarheko gage goshi, aga mwambali wage Musa abalerheraga. ¹³ Ezekiya abar'ajira myak'ekumi n'ene ayimire, mwami Senakerubi we Asuriya alwis'abantu boshi baliri omu bishagala bizibuzibu by'e Yuda abigwarha. ¹⁴ Mwami Ezekiya we Yuda arhumira mwami we Asuriya entumwa e Lakisi mpu: Najirir'echaha waliha orhandwisaga. Omu ganjo gw'ebintu wakampuna, nagujira.Oyo mwami we Asuriya abwira mwami Ezekiya we Yuda mpu amuhe bilo bihumbi mwenda by'echuma ch'efuranga ba bilo magana mwenda by'ehoro. ¹⁵ Ezekiya efuranga zoshi zaliri omu chibikiro ch'omu ka Nyamuzinda n'ezaliri omu burhwali zoshi. ¹⁶ Chiro Ezekiya ananul'ehoro zalishigirwe oku nyunvi n'oku nkingi z'omu ka Nyamuzinda, aziherez'oyo mwami Senakerubi we Asuriya. ¹⁷ Oyo mwami we Asuriya arhumiza Ezekiya e Yerusalema eri ali e Lakisi, arhuma echilongozi chikulu ch,engabo zage, na zaraza, n'omurhonyi wage n'engabo zirhali zigeke; bagenda e Yerusalema. Babere bahikayo, bayimanga hofi n'echisima chiba oku njira egerere ahaderhwa eshwa ly'Abataka emyambalo. ¹⁸ Bahamagala Eliyakimu mwene Hilkiya, yi wali mugaragu mukulu w'omu burhwali aj'emunda n'omwandisi Shebuna, na Yowa mwene Asafu yi wakazagi lang'ebitabu. ¹⁹ Rabushaki amu bwira: mujibwira Ezekiya oku mwami mukulu adoseze mpu: Bichi ochivugira, na ngah'oyungire? ²⁰ Orhamenyaga mp'okuja washohez'ebinwa konine hali h'oguhig'emigabo y'entambala eri kujir'entwali! Nde oli wachivugira obo wachinkulako? ²¹ Oli wachivugira mwami w'e Misiri nabo kwali nka lusheke lushirhuz'olusimikireko omu fune, abasimikire ku Farao mwami we Misiri kubayorha ntyo. ²² Hali mango mwakambwira mpu: Nyamuzinda werhu yirhuchivugire, nkaba arhali olala muza Ezekiya wahongolag'empero n'erherekero lyage, galala mango wa bwirag'abantu b'e Yuda n'abe Yerusalema mpu babe e Yerusalema yi barherekerera. ²³ Muyunvanage na Nahamwerhu, mwami we Asuriya, naguherez'efarasi bihumbi bibiri akaba wabona bazigendako. ²⁴ K'ochikeberwe oku wagarhanga nfola muherho muguma wanahamwerhu chiro akaba yena molokazi obalimo! S'aliko buno ochivugir'e'Misiri oku yagurhengera emituga n'enfola miherho zigend'oku Farasi. ²⁵ Chiro n'okundi k'arhali bulonza bwa Nyamuzinda bwarhumaga narheremera mw'echi chihugo mpu nchirhere! Nyamuzinda ambwira mpu: Oje mw'echo chihugo ochishande. ²⁶ Eliyakimu mwene Hilikiya, na Shebuna, na Yowa babwir'omurhonyi wa mwami w'e Asuriya mpu: Orhubwire omu chiharamiya buno rhunachiyunva, aliko orharhubwiraga omu chi Heburaniya n'aba bantu bali oku chizimbero balibayunva. ²⁷ Alik'omurhonyi abashuza mpu: Ka mpu Nahamwenyu na nenyu mwenine mwe mwarhumaga nahamwerhu antuma mpu nyinje nderhe ebi binwa! Anti n'aba babntu bayiker'oku chizimbero, nabo barhumire, buno hachigera akachanji kageke konine eshali lyaba, murhachi yimpwa kw'akalyo, oli mwabo eri bowe, mweshi mwaly'amazi mwanyaga, munywe n'amashu mwashubalaga. ²⁸ Ago mango omurhambo ayumanga ayakuz'omu chi Heburaniya mpu: Muyunve oku mwami mukulu we Asuriya aderhere we! ²⁹ Ezekiya arhabarhebekaga buno arhankamulikuza kunyono. ³⁰ Ezekiya arhabarhebekaga mpu muchivugire Nyamuzinda, abandikuzeko mwami we Asuriya antangane ndeke kusherez'echishagala chenyu. Murhayemerag'ebyo. ³¹ Murhayunvag'ehyunu hya Ezekiya mushimb'oku mbabwirire, ntacho mwafako, muyinje ngasi muntu ayorhana eshwa lyage ly'emizabibu n'ely'emizeituni, na ngasi muntu aberane echisima chage. ³² Enyuma zaho nagaluka mbahek'omu chihugo chiri kuguma n'echenyu, chiyera mw'engano y'okudug'emigati n'emizabibu y'okukand'edivayi n'emizeituni y'okuyeng'amavurha, muba chiro n'obuchi. Hali mufir'eno mwalilama eyo munda. Mumenye abarhebeka mpu Nyamuzinda abachiza. ³³ K'enama z'ezindi mbaga zanchisize mpu ntaheba ebihugo byazo fune? ³⁴ Bichi enama ze Hamati zajirire, ez'e Arapadi z'enama ze Sefarvaimu, n'eze Hena, n'eze Ava eyi narhalire mpu ntagwarha echishagala ch'e Samariya? ³⁵ Mwez'o nama z'ebyo bihugo byoshi, ka hali eyo shugunusize echihugo chayo ku nyono, kurhe Nyamuzinda yewe akantangana mpu ntagwarh'echishagala ch'e Yerusalema? ³⁶ Olubaga lwasira, barhamushuza, buno mwami Ezekiya abag'ababwirire mpu barhamushuzaga. ³⁷ Ago mango Eliakimu, na Shebuna, na Yowa baj'emunda Ezekiya ali eri n'emyambalo yabo eberekere, bamubwira ok'omurhambo wa mwami we Asuriya ababwiraga.