¹ Eri Peka mwene Remaliya ahisa myaka ekumi na mushanvu, Ahazi mwene Yotamu ayima e Yuda. ² Aligwerhe myaka makumyabiri amango ayimaga, arhambula myaka ekumi na ndarhu e Yerusalema. Arhajiraga ebisimisize Nyamuzinda nk'oku shokulu wage Daudi akazagi musima. ³ Ajira nk'okw'abami be Israeli bakazagi jira, chiro ahana n'omugala nterekero emw'enama. Ajir'ebi shologosese kuguma n'embaga Nahano ahigaga; Ebihugo byabo abiha aba Israeli. ⁴ Ahanir'enterekero z'ebintu n'obuku oku mpero zali yumbakirwe oku ntondo, zali kw'emirhi y'ebishakashaka. ⁵ Ago mango mwami Resini we Suriya na Peka we Israeli bajigorha Ahazi omu chishagala e Yerusalema, aliko barhahimaga mwami Ahazi. ⁶ Ago mango mwami resini we Suriya, agalula echishagala che Etali achigalulira aba Edomu na kuhika zene banaba mo. ⁷ Ahazi arhumira mwami mukulu Tigalati-Pelesiri we Asuriya entumwa mpu: Mba nka mwambali na mugala wawe waliha, ompumbul'oku Basuriya na Ab'israeli banterere. ⁸ Ago mango Ahazi arhol'ebyaliri omu ka Nyamuzinda byoshi : Ehoro, n'efuranga, n'ebyali omuchibikiro ch'oburhwali, arhumira mwami we Asuriya luhembo. ⁹ Tigalati-Pileseri ayumva eyo ntumwa Ahazi amurhumiraga. Olwis'abantu be Damaski ayigwarha, ayirha mwami. Resiri, n'abantu bayo abagwarha mpiru Abaheka e Kiri. ¹⁰ Mwami Ahazi aj'e Damaski ajibuganana na Tigalati-Pileseri we Asuriya, abona y'Olurhamba. Ahazi arhumir'omujinji uriya Eshusho n'olugero lwayo e Yerusalema. ¹¹ Uriya ayumbaka olurhamba luhyahya nk'oku banamurhumaga, alubumba embere mwami Ahazi arheng'E Damaski. ¹² Ene mwami Arheng'E Damaski, abon'eyo nterekero ayishegerera. ¹³ Ahanira kw'enterekero zage z'oku sireza, n'entulo z'eshano, n'edivayi ahana enterekero y'okugashaniza, alumiz'eshagama yayo kw'eyo nterkero. ¹⁴ Ashegul'enterekerero eyumbakirwe n'echuma ch'omulinga, aliyumbakira embere ya ka Nyamuzinda. Eyo nterkero yaliri ahagarhi k'elihyahya n'aka Nyamuzinda ayihir'enyuma ya lilala lihyahya. ¹⁵ Abwir'omujinji Uriya mpu Kurheng'ene okazikoles'enterekero zi zibuzibu : Okazi hanirako enterekero y'okusirezwa ngasi ezi, n'entulo y'eshano, n'edivayi okazi lumiz'eshagama gw'ezibagirwe z'enterekero okuyo. Aliko enterekero y'echuma n'amarhali, nyenine nach'oku byaha. ¹⁶ Omujinji Uriya ajira koshi mwami amubwiraga. ¹⁷ Mwami Ahazi achisa amaplaki gengorofani z'amarhali z'omu ka Nyamuzinda, akula n'amabakuli galiri kw'ezola Ngorofani n'echisima chali rhabikirwe kw'esanamu za nkani ekumi n'ebiri zichulirwe n'amarhale, abiheb'omu bululi bw'aka Nyamuzinda. ¹⁸ Akul'omutungo guderhwa mutungo 'olusiku l'okurhamuka omu ka Nyamuznda okuyaliyorhere, mpu asimise mwami we Asuriya : Ahindamul'olunvi gw'embuga baderha mulango gwa mwami. ¹⁹ Ebindi bijiro Ahazi ajirire byoshi biyandikirwe omu chitabu ch'ebyakazagiba ch'abami be Yuda. ²⁰ Ahazi afa, bamuhamba omu shinda z'Abami omu chishagala cha Daudi. Omugala Ezekiya ayima ahali hage.