¹ Eri Solomono amala yumbaka eshengero n'enju y'oburhwali,n'okuyumbaka ngasi byoshi alilonzeze, ² Nyamuzinda ashubi kumuhulukira nka kulala amuhulukiraga e Gabaoni. ³ Nyamuzinda amubwira : Nayunvirhe amahuno gawe gw'okushigirira,n'okushwira omu shengero omu kuyemera okuyerekanira mwo okubaho kwani esiku zoshi muli woyo n'okulanga,n'okuyorha na kujirira ebikwirire. ⁴ Eri nawe wakazi kunkolera n'obushinganyanya n'okuli,nka kulala isho Daudi agenda ajira,n'okukenga n'obulonza,amarhegeko,n'amahano gani na kuhere. ⁵ Njina kujirira esiku zoshi entebe y'obwami bwawe bwe Israeli,nk'oku nabwiraga isho Daudi n'okuderha : Njiharhakabula owayorha oku ntebe ye Israeli. ⁶ Aliko olubaga lwawe,n'oluburha lwawe,eri mwakaleka oku kenga eri mwakarhenguha amarhegeko n'amahano gani chango eri mwakakolera babiheko n'okubayinamira, ⁷ njinanabahiga omu chihugo che Israeli na muhaga,njinana kabulira enju na chesaga oku zino lyani,okuhandi olubaga loshi lushekere abanya Israeli banakazibagayiriza. ⁸ N'abantu njibalema bagera hofu n'eshengero nji bashalama n'okuyoboha n'okuderha : Bichi birhumire Nyamuzinda ajira echihugo n'eshengero ntyo ? ⁹ Njibanamushuza : Bulala mwalekere nyamuzinda,Namahanga wenyu,wa kulaga bashokulu omu chihugo che Misiri,bulala bachishwekere oku babiheko n'oku bayinamira,n'oku bakolera;ebyolo bibyarhuma Nyamuzinda abajirira ebyola byoshi. ¹⁰ Solomono ayunjuliza eshengero n'enju y'oburhwali oku myaka makumyabiri. ¹¹ Bulala mwami we Tiro,ali ahere mwami Solomono ngasi byoshi ali alonzeze ayumbakamo, emirhi y'esindani n'emirhi enyerere n'ehoro. Eri Solomono ngasi aba amayunjuza ezo nju zombi, Solomono aha Hiramu bishagala makumyabiri omu chihugo che Galilaya. ¹² Hiramu arhenga e Tiro agenda bilola kwo,aliko arhabisimaga. ¹³ Abwira Solomono ntya : Werhu Solomono ! Bishagala bichi ebi wampere mwene werhu ! Abiha ezino lya kabuli,kwo kuderha oku bishagala bya busha,ku banachibiderha ntyo kuhika ene . ¹⁴ Hiramu alirhumire mwami toni egana na makumyabiri z'ehoro. ¹⁵ Bantu be mirimo y'obukukuru bayumbaka eshengero n'enju y'oburhwali bwa Solomono,bayumbakire echishagala che Milo,n'olukuta lw'echishagala che Yerusalema,bayumabka n'eche Hasoro,n'eche Megido,n'eche Gezeri. ¹⁶ Mwami Farao we Misiri ayinja abarhabalira echishagala che Gezeri,achigwarha achiyosa,ayirha aba Kanana bachiririmo boshi,ajishaba mwali wa Farao,aba muka Solomono. ¹⁷ Chi charhumaga solomono ashubi yumbaka.Ayumbaka n'eche Beti-Horoni omulubanda, ¹⁸ N'eche Baalati n'eche Tamari omu mpinga omola chihugo. ¹⁹ Abola bantu bayumbaka n'ebishagala by'okubikiramo ebikoleso,n'ebyo okudahya mw'efarasi,Solomono ayumbaka ngasi hyoshi alilonzeze omu Yerusalema,n'oku ntondo y'e Lebanoni,n'omu bindi bihugo byali mushigire. ²⁰ Omu chihugo mwali abayorhere abandi bantu bageke,aba Amori,n'Abahiti,n'Abaperezi,n'Abahivi,n'Abayebusi,abola barhaliri banya Israeli. ²¹ Bayorha bulala lubaga lwa ba Israeli barhagalaga bahiga.Abola ba Solomono awanzize kw'eyo mirimo,babanachiyokola kuhika zene. ²² Aliko Solomono arhajiraga Aba Israeli baja bali bantu bw'okulwa entambala konine,bali mwo bakulu b'enfola miherho,ebirongozi,n'enshokolezi n'abokuheka emitugari,n'enfola miherho z'okugenda oku farasi. ²³ Solomono abwirwa na barhambo bage ojirebimagizi magana marhano na makumi marhano bakazilanga olubaga lwagenda lwa kola oku mwa Solomono. ²⁴ Eri Solomono okula mukage mwa Farao omu chishagala cha Daudi,amuheka omu nju yage y'obugoli amuyumbakiraga, arhonderha oku yumbaka erhongo ly'e Milo. ²⁵ Solomono alemaga ahera Nyamuzinda enterekero kasharhu omu mwaka ezokuzirimya n'ezo kugashanira oku enterekero amuyumbakiraga, alemaga ashukira obuku oku nterekero yali emalanga ga Nahano, ntyo ku Solomono amalire yumbaka eyo nju. ²⁶ Mwami Solomono ayumbaka amashuwa e Eziongeberi hofu n'e Elati,ale oku burhambi bwe nyanja ye ndukula,omu chihugo che Edomu. ²⁷ Mwami Hiramu arhumira mwami Solomono abantu baheka amashuwa bwenene mpu bakole haguma n'ababo. ²⁸ Abo bagendekeza baja e Ofini,balerhera mwami Solomono toni magana mane na makumyabiri z'ehoro.