¹ Omwamikazi we Sheba,ayunva balema baderha oku Solomono alerhere Nyamuzinda erenge linene lero abalamire e Yerusalema agenda mubaza amadoso ga komere. ² Ahika e Yerusalema eri aherhe abantu banene bali muherekeze n'engamiya ziherhe amavurha g'amalashi ga ngasi lubero,n'ehoro zinene n'amabale g'engulo ekomere ajaho Solomono,amubaza amadoso gage goshi aliherhe. ³ Solomono agashuza goshi nta doso likomere lyalimufundire. ⁴ Oyo mwamikazi w'echihugo che Sheba abona obwenge bwa Solomono boshi,n'enju yage y'oburhwali ayumbakaga. ⁵ Abona ebiryo by'okuheba aha balira n'okuhandisa abarhambo bage n'okubayambisa abagaragu bage n'okurhanza ebiryo n'echinyobwa,abona enterekero z'okusirimya arhula omu shengero. ⁶ Oyo mwamikazi abwira mwami Solomono ntya : Balemaga bambwira okw'oyorha,okw'obumanye ajira nandi emwani. ⁷ Aliko ntanazibona nyenine,chi ebinabwene byo binene kulusha ebi balemaga bambwira,obumanye bwawe n'obugale bwawe buli bulugire kulusha okubalema bambwira oyorha. ⁸ Bambali bawe,ababa muno burhwali boshi bali banyeragi bashiba hali bayunviriza obo bumanye boshi ogwerhe. ⁹ Nyamuzinda Namahanga wawe ayagirwe ! Ayerekene oku kusima asima abanya Israeli loshi eri okujira mwami wabo.Okwo kurhuma akujira mwami wabo mpu arhambule okengese mwo. Oku oherhe obushinganyanya. ¹⁰ Mwamikazi ahereza mwami Solomono toni egana na makumyabiri g'ehoro n'amavurha ganene g'amalashi ga ngasi lubero,n'amabale g'engulo ekomere kurhenga amango barhachibonaga amavurha makwirire g'amalashi mali nka mala oyo mwamikazi aliherhe maja omu chihugo che Israeli. ¹¹ Amashuwa ga Hiramu galiherhe ehoro kurhenga e Ofini,go ganaliherhe emirhi ekwirire bwenene y'obuko n'amabale g'engulo ekomere. ¹² Eyo mirhi y'obuko Solomono ayumbakaga mw'orhuyegemero omu shengero,n'owundi omu nju yage y'oburhwali,akulikiza mwo n'abantu ,enanga,akasayo k'okuziha.Kuhika buno barhachibonaga emirhi ekwirire eri nk'eyo y'obuko ya hika omu Israeli. ¹³ Mwami Solomono ahereza oyo makamba ngasi byoshi amuhunaga,byaja ku bilala bindi mwami Solomono yenine amuhaga n'eshagali nka kulala mwami akanahana.Buzinda,agaluka ashubira emwage e Sheba n'abambali bali muherekeze. ¹⁴ Ngasi mwaka,Solomono alemaga ahisa toni magana ndarhu na makumi gali ndarhu g'ehoro. ¹⁵ Ehoro ya barhimbuzi balemaga baholesa,n'ebarati ly'abami ba Baharabu,n'ebya barhegesi b'omu Israeli balemga barhula. ¹⁶ Solomono ashashulisa mpenzi zizibuzibu magana mabiri ga rhulirwe g'ehoro ngasi mpenzi yanajako biro ndarhu by'ehoro, ¹⁷ ashashulisa ezindi magana masharhu zigekegeke,nazo zalizirhulirwe zinali kw'ehoro,kasharhu. Mwami aziheba omu nju y'omu lubala e Lebanoni. ¹⁸ Mwami ashashulisa echi chumbi chizibuzibu che ehembi ly'enjovu,yoshi ayishiga ehoro. ¹⁹ Echo chichumbi chaliherhe hantu ndarhu ha mashonezo ah'okuyegemera hali ha muviringo,yaliherhe na maboko mabiri;eshushano za shosho ebiri zalirhabikirwe olunda n'olundi. ²⁰ N'abandi bashosho ekumi na babiri balidekerere ku ngasi kashonezo,ndarhu lunda luguma na ndarhu olundi.Nta chindi chihugo bakazagijira okuli nk'oko. ²¹ Ebikoleso mwami Solomono akasagi nywera mwo byoshi,byali kolere n'ehoro yonine,n'ebyali omu nju yage ederhwa lubala lw'e Labanoni byali kolere n'echuma ch'efuranga,bulala amango ga Solomono echuma ch'efuranga chali cha busha. ²² Ali herhe amashuwa gazibuzibu galemaga gagenda kuguma na Hiramu. Kujilerha ehoro,echuma ch'efuranga na mahembi g'enjovu,enyunyi,galemaga ga guluka oku myaka esharhu. ²³ Mwami Solomono ali mugale bwenene na wa bumanye kulusha abami boshi b'omu gulu. ²⁴ Abantu b'omu gulu balemaga bamulonza bamubone mpu bayunve oku bumanye Namahanga amuhere. ²⁵ Ngasi abola bantu balemaga balerhera Solomono ebikoleso bishashwire by'echuma,n'efuranga,ehoro,n'emishangi,ebunda,amavurha n'efarasi n'epunda. ²⁶ Solomono ashubuza emitugari n'abaheka efarasi baliri ekumi na bane,n'egana ly'emitugari na bihumbi ekumi na bibiri kandi b'okuheka efarasi. Abaheba omu bishagala omwola mwalirhabikire emitugari yage,omu Yerusalema hofu naye. ²⁷ Mwami Solomono,amango ebyuma by'efuranga byavandama omu Yerusalemu nka mabale,n'embaho zinyerere zaliri zinene nka mirhi ye mikuyu yali omu chihugo omu lubanda. ²⁸ Efarasi za mwami Solomono zalemaga zarhenga chingana e Misiri n'e Silisiya eyo munda ya barhimbuzi bage balemaga bagulira. ²⁹ Omutugari gwalemaga gwarhenga e Misiri banahuna okugo bicheri magana ndarhu by'efuranga;n'efarasi nayo banahuna egana na makumi marhano,abo barhimbuzi bo balemaga balerhera abami b'Abahiti n'abami b'e Siriya.