¹ Nantyo Solomono abuganya abashaja be Israeli, n'abakulu boshi bw'obuko, n'abakulu bw'omu nju za beshe n'abana be Israeli, baj'emwa mwami solomono omu Yerusalemu mpu banyegeze e sanduku y'endagano ya Nahano kurhenga omu chishagala cha Daudi, ye Sayuni. ² N'abantu boshi bw'omu Israeli babuganana embere za mwami Solomono oku lusiku lukulu, omu mwezi gwa Etanimu, gw'omwezi gwa mushanvu. ³ Abashaja boshi be Israeli bayinja, n'abadahwa bakulu baheka e sanduku. ⁴ Barharamya e sanduku ya Nahano, na lilala hema ly'embuganano, n'ebintu bichesibwa byoshi byaliri omu hema; na ntyo, abadahwa bakulu n'Abalawi babirharamya. ⁵ Mwami Solomono n'engabo yoshi ye Israeli babuganwaga ahamwage baliri naye embere z'e sanduku, bali babaga entulo z'ebibuzi n'enkavu zirhakaganjwa na nta kumenya oluganjo lwazo. ⁶ Abadahwa bakulu balerha e sanduku y'endagano ya Nahano kugera ahantu hayo omu chumba ch'obusika bw'enju, ahachesibwa hahachesibwa, chiro eshishi w'ebyubi by'amakerubi. ⁷ Bulala makerubi balilambwire ebyubi byabo, enyanya y'ahantu he sanduku n'emirhi yayo enyanya. ⁸ Oku bule bw'eyo mirhi, obule bw'emirhi bwalibonekene omu hantu hachesibwa, embere z'echumba ch'obusika; aliko erhabonekanaga embuga; nayo enaba eyola kugera zene. ⁹ Nta chintu chaliri mweyo sanduku, zirhali zilala mpaho ebiri z'amabale Musa ahebagamo oku ntondo ye Horebu, amango Nahano ajiraga echiragane n'abana be Israeli, amango barhenga omu chihugo che Misiri. ¹⁰ Byaliri ntya, amango abadahwa bakulu barhengaga omu hantu hachesibwa, olwakungu lwabumba enju ya Nahano, ¹¹ chiro n'abadahwa bakulu barhagalaga kuyimanga n'okujira emikolo y'obukozi bwabo, enyanya w'olo lwakungu; bulala obukuzwe bwa Nahano bwa yunjul'enju ya Nahano. ¹² Nantyo Solomono aderha: Nahano aderhaga oku njabera omu mwizimya gunene. ¹³ Nani kubirintyo na makuyumbakira enju y'okulamamo, ebe hantu h'okulamamo esiku n'amango. ¹⁴ Na mwami ahindamula amalanga gage, agisha olubaga loshi lwe Israeli, n'olubaga loshi lwe Israeli bayimanga. ¹⁵ Aderha: Nahano, Nyamuzinda we Israeli agishwe, waderhaga na daudi darha wani oku bunu bwage, ahikiriza oku fune zage, aderha: ¹⁶ Kurhenga olusiku nakulaga abantu bani Israeli omu Misiri; nta chishogaga chishagala chiguma omu buko boshi bwe Israeli mpu nyumbake mw'enju, mpu ly'ezino lyani libe eyo munda aliko na chishoga daudi abe enyanya w'abantu bani be Israeli. ¹⁷ Na ntya byaliri omu murhima gwa Daudi, darha wani ayumbak'enju oku zino lya Nahano, Nyamuzinda we Israeli. ¹⁸ Aliko Nahano abwiraga Daudi, darha wani: Bula byaliri omu murhima gwawe okuyumbak'enju oku zino lyani, walijirire bwinja oku kengera ntyo omu murhima gwawe. ¹⁹ Aliko woyo orhanyumbakir'enju, aliko omwana wawe nji warhenga omu bibuno byawe yi nji wanyumbakira enju oku zino lyani. ²⁰ Na Nahano amajira omwazi aderhaga; nani namaba ahali ha Daudi, darha wani, n'okuyikala omu ntebe y'obwami bwe Israeli, nk'oku Nahano alaganyaga, nani namayumbaka enju oku zino lya Nahano, Nyamuzinda we Israeli. ²¹ N'eyo namabona ahantu h'okubika e sanduku eherhe amarhegeko ga Nahano galimo, ajiraga na bayisho, amango abakula kurhenga omu chihugo che Misiri. ²² Solomono ayimanga embere z'olurhamba lwa Nahano, embere z'amesho gw'olubaga loshi lwe Israeli, alambula efune zage empingu. ²³ Aderha: Ee Nahano, Nyamuzinda we Israeli, nta Nyamuzinda nka w'oyo, omu mpingi enyanya, changwa omu gulu eshishi; okenga endagano zage n'obonjo oku bakozi bage balambagira embere zawe oku mirhima yabo yoshi. ²⁴ Wamaha omukozi wawe, Daudi, darha wani, echiragane wamulaganyaga, nechi, waderhaga oku bunu bwawe, wana bijira oku fune yawe, kuguma na zene. ²⁵ Na zene, Ee Nahano, Nyamuzinda we Israeli, ogwarhe omukozi wawe, Daudi, darha wani, echiragane wamulaganyaga, waderha: Orhakabul'omuntu w'okuyikala oku ntebe y'obwami bwe Israeli, embere y'amesho gani; nkab'abana bawe bakulikira enjira zabo mpu balambagire embere zani nk'oku woyo walambagiraga embere zani. ²⁶ Na ntyo, Ee Nyamuzinda we Israeli, nkushigirire, ojire omwazi gwawe wabiraga omukozi wawe Daudi darha wani! ²⁷ Nka kubinali Namahanga analiri oku gulu ? Cho omuchanya egalihire bwenene arhana lumirireko bwinja lero kurhe enju ya Nyamuzinda muyumbakire yowe arhakayenera mwo. ²⁸ Mani Nyamuzinda Namahanga wani oyerekere eno emunda ndi oyunvirize amahuno gani n'amahuno gani zene. ²⁹ Ozibule amesho ! Mani w'elanga eyi nju n'amenja gawe ezuba n'obudufu.Wenine wachishogaga ahola mpu rhwakazimezeza ho n'okuderha ntya : Nagenda nayerekanira ho okubaho kwani;Oyunvirize amahuno gani ndi naguhuna hanola. ³⁰ Oyunve okuhamagala kwani,n'okw'abantu bawe be Israeli,oyunviriz'amahuno gerhu rhuli rhwahuna amango rhuli rhwalola kw'enju,onarhubwire eri oli n'omuchanya emunda oba orhuyunve onarhubabalire ³¹ Nk'omuntu akakushobekerwa n'owabo echaha,banamuseze achigashe ebango,banamubwire mpu ayinje achigushire oku nterekero emalanga gawe munola shengero, ³² waliha Nyamuzinda acha olubanja lwa bambali bawe eri oli n'omuchanya,ohane oyagire,n'omushinganyanya omuhe obushinganyanya bwage. ³³ Eri abashombanyi bakahima olubaga lwawe lw'aba Israeli mpu kwenge bwakugomere,eri lwakashubirira lwa chiyunjuza,n'okukuharamya,n'okukuyinginga n'okukuhunira mweyo nju. ³⁴ Obayunve aholi omuchanya,obabalire oku bubi bwabo bakujirire.Onabagalule omu chihugo wabahaga, wabaga wachihere bashokuluza babo bulala bali bantu bawe. ³⁵ Eri wakaleka okunyes'envula mpu kwenge ba kugomere,bayerekeze enola emunda bakazikuhuna n'okukuharamya n'eri bakachirhohya,baleke n'ebyabo,bulala wamabahana. ³⁶ Nyamuzinda abayunve oli omuchanya obabalire abambali bawe,bulala bali bantu bawe. Nji obayigirize enjira zikwirire bakazikulikira,buzinda obanyesize envula omu chihugo chawe,echi wenine wabahaga mpu chibe chabo. ³⁷ Amango eshali lyakaja omu chihugo,kandi eri ndwala ye chinjira kandi eri enzige zishandezeze emburho,kandi eri chihusi,kandi eri kabazana nka ngasi lubero,kandi eri bashombanyi banarhurhera omu bishagala bizibu. ³⁸ Nka muntu muguma eri aba Israeli boshi bachija emurhima n'oku guhuna,omu kukushigirira,bakalambul'amaboko baleme bayekereza omu shengero. ³⁹ Wahila onaba oli omuchanya oyunve emiziga yabo,obabalire,ojirire ngasi muguma nko'okwa kwanene,bulala oyinji engererezo zage. Wenine oyinji emirhima y'abantu. ⁴⁰ Okazijira ntyo,lya aba Israeli bakukenga amango goshi balilamire mw'echo chihugo wahaga bashokuluza babo. ⁴¹ Amango muntu orhali omulubaga lwe Israeli akarhenga omu chihugo chemalanga,eri ezino lyawe lirhumire, ⁴² bulala nji wamenya oku ezino lyawe liri linene n'efune yawe ya misi,okuboko kwawe kulehukire,akasanzi nja yinja kuhuna mw'eyi shengero. ⁴³ Oyunve amahuno gw'oyo muntu oli omuchanya emunda oba.ly'abantu boshi bamanye oku bakukenga nka bantu bawe be Israeli bakukenga,abantu bamenye oku eyo shengero na kuyumbakira. ⁴⁴ Nk'abantu bawe bakazagi yumuka bajilwisa abashombanyi babo,banahune banayerekeze omuchishagalala wa chishogaga nka shengero na kuyumbakiraga,eri bakazikuhuna oku we Nyamuzinda. ⁴⁵ Oyunve amahuno gabo oli omuchanya abahimire. ⁴⁶ Eri abanya Israeli balemaga babula lukola,bulala nta muntu orharhenguha,n'okukunina,okabakulikira abashombanyi nabo babaheka buja omu chihugo chahale chango cha hofu, ⁴⁷ eri bakalemere bakuhuna banali eyo munda babalwisaga baleka ebyaha byabo bakaderha ntya : Rhwarhenguhire,rhwajira echaha rhwakola n'ebibi,rhwabiha kulusha. ⁴⁸ Eri bakakuhuna obwonjo n'omurhima gwabo goshi,n'engererezo zabo zoshi omu chihugo abashombanyi babahekere buja,eri bakayerekera ebwa chihugo wahaga bashokuluza babo,n'echi chishagala enine wa chishogaga,n'eyi nju ye shengero nkuyabukire,n'okukuhuna. ⁴⁹ Waliha obayunve,eri onali omuchanya emunda oba, obarheg'amarhwiri oku milago yabo y'okukuyinginga oyinje obarhabale. ⁵⁰ Obabalire obubi bwabo,,n'okurhenguha kwabo,ohindamule n'abashombanyi babo bakazibakolesa n'obwonjo. ⁵¹ Bulala abo bali bantu bawe,na bikoleso byawe,kurhenga amango wabakulaga omu malibuko omu chihug ch'e Misiri omu byuma. ⁵² Waliha Nyamuzinda,ozibule amesho oyunve okushigirira kw'abambali bawe bali bakushigirira na nani ntyo,onyunve,ngasi mango yibakushenga. ⁵³ Bulala wenine warhulondolaga omu zindi mbaga zoshi,na bikoleso byawe kulala wa derhaga omu mwambali wawe Musa,wakulaga bashokuluza e Misiri. ⁵⁴ Eri Solomono amali huna n'okushigirira Nyamuzinda ntyo,afukama embere z'enterekero,aho ali afukamire,alambulira amaboko omuchanya,eri amala kuhuna ayumuka. ⁵⁵ Amango ali ayumangire,ahuna Nyamuzinda n'omulenge gunene mpu agishe abantu boshi balinganene aho,aderha ntya : ⁵⁶ Nyamuzinda ayagirwe,ahere olubaga lwage lw'aba Israeli omurhula,nka kulala yenine alaganyaga. Ahikiriza ngasi kwoshi alaganyaga omu chiragane chikulu arhulaga omu njira y'omwambali Musa. ⁵⁷ Nkuhunire Nyamuzinda Namahanga werhu obere haguma nerhu,nka kulala onali haguma na bashokuluza berhu,arharhulekaga,arhanarhushandazaga. ⁵⁸ Chasinga arhuhindamule rhube n'oborhere bukwirire embere zage rhukenge amahuno,oburhegesi n'amarhegeko gage goshi ali arhegekere bashokuluza berhu. ⁵⁹ Mani Nyamuzinda Namahanga werhu orhuyibuke obudufu n'ezuba okula rhwashengere,n'oku kushigirira,muyigirize olola lusiku akazirhubula.Akazibabalira abantu bage baba Israeli na nani nye mwami wabo. ⁶⁰ Ly'abantu boshi b'egulu bamenye oku Nyamuzinda yenine ye Namahanga nta windi oli akage. ⁶¹ Mukulikire Nyamuzinda Namahanga werhu yenine nk'oku binali zene,mukazijira amahano n'amarhegeko gage nk'oku aderhere. ⁶² Mwami Solomono,n'aba Israeli boshi bali aho,bahereza Nyamuzinda enterekero. ⁶³ Solomono abaga bihumbi makumyabiri na bibiri by'enkavu na bibuzi n'empene bihumbi egana na makumyabiri abihereza Nyamuzinda nterekero y'okugashaniza,amango mwami Solomono n'aba Israeli boshi bajiraga echimogomogo che shengero. ⁶⁴ Olo lusiku agosholera Nyamuzinda entulo yali embere lye shengero bulala enterekero ya Nyamuzinda ejirirwe n'echuma,lyali omu lunvi lw'eshengero lyali ligekegeke bwenene,lirhayenezeko ezo nterekero,entulo z'amashushi,entulo z'okusima. ⁶⁵ Mwechola chihe chonine,Solomono ajira echimogomogo lw'olusiku lukulu embere za Nyamuzinda haguma n'aba Israeli boshi siku mushanvu. Bantu banene bwenene barhenga olunda lw'e Hamati,kuhika eyi n'eyi ye Misiri,bachigusha embere za Nyamuzinda Namahanga werhu,na zindi siku mushanvu rhwakaderha siku ekumi nene. ⁶⁶ Oku lusiku lwa munane baja ewe mwage,wemwage eri basimire,bashagalukire,bulala Nyamuzida achiyerekene okw'ali ajirira omwambali Daudi ebi kwirire, n'abantu bage b'aba Israeli.