¹ Solomono ayumbaka enju y'obwami bwage ya yunjulira oku myaka ekumi n'esharhu. ² Arhanga kuyumbaka enju y'elubala y'e Libanoni, okulehuka kwaliri metere egana n'obugaligali bwaliri makumi masharhu. Ayumbakirwa oku nkere ene z'enkingi kwaliri amavurha kw'ezo nkingi. ³ Ashukira ebyumba byali yumanzizwe n'enkingi byaliri makumi mane n'erhano, ekumi n'erhano oku ngasi gorofi. ⁴ Haliri magorofi masharhu, ngasi nguma yaliherhe orhubonezo eyi, n'eyi munda. ⁵ Enyumvi zoshi n'enkingi zoshi zaliri zeshushano za nyunda ene, ngasi nguma yezogorofi esharhu yaliherhe emiryango olunda n'olwindi. ⁶ Bayumbaka embaraza y'enkingi metere makumi marhano omukulehuka na metere makumi masharhu omukugaliha eyindi mbaraza embere haguma n'ekingi n'echipimo che malangambere. ⁷ Bayumbaka embaraza ye chichumbi cho bwami ahokuhanulira, embaraza yokucha olubanja. Bahashwikira embaho zinyerere, kurhenga oku ndaho kuhika omuchanya. ⁸ Enju y'okulyamira yaliyumbakirwe kuguma, omu mbunga, enyuma w'embaraza bajira y'enju eri kuguma n'ayo ya mwali wa Farao arholaga nka mukage. ⁹ Ngasi bumbake boshi alemaga akolesa amabale makwirire, magoyire n'ebipimo, ne misumira yamwo, n'eyembunga, kurhengera oku biriba kuhika ebwa mbunga bu zibuzibu. ¹⁰ Ebiriba byaliri bya ma bale makwirire na bugaliho buzibuzibu, amabale oku metere ekumi oku metere munane y'amabale. ¹¹ Enyanya waho yaliri kandi amabale makwirire magoyire, n'ebipimo, n'empaho zinyerere. ¹² Omubunga zibuzibu yaliherhe nkere esharhu za mambale magoyire n'olukere lw'emirhi ye mizeituni, nka simo y'omu nju ya Nahano, n'embaraza y'enju. ¹³ Mwami Solomono ahamagala Hiramu w'e Tiro. ¹⁴ Nina alira mukana buko bwa Naftali, Hiramu ali mulenga alemaga ashahula ebyuma alibumbire obumenyi n'obwenge n'okujira ngasi yoshi y'ebyuma. Eri ahika ha mwa mwami Solomono ajira eyo mirimo yage. ¹⁵ Ajira nkingi ebiri z'ebyuma, Eya mbere yaliherhe metere ekumi na munane yo buzamuka, n'olukoba lwa metere ekumi n'ebiri muviringo lu lwali lwa kabiri. ¹⁶ Avunyanga byuma bibiri abiheba oku kasongero Nkingi, echambere chaliherhe metere erhano omukuzamuka, echakabiri metere erhano omukuzamuza. ¹⁷ Ajira orhuyunguro bayindamwire nka bugufu baheba oku kusongero k'enkingi, mushanvu oku yembere na mushamvu oku ya kabiri. ¹⁸ Ajira nkere ebiri ze byuma oku burhambi bwa higuma borhuyunguro omu kushukira echuma chiri oku kasongero k'enkingi; ajira okola kuguma oku lwa kabiri. ¹⁹ Ebyuma byaliri kasongero k'enkingi omu mbaraza, kwaliri akantu kaliri mauwa kaliri, oku metere ene. ²⁰ Ebyuma byali rhabikirwe oku nkingi ebiri zizungulukire na burhundu magana mabiri, enyanya hofi hanali enyanya wa kayunguro; Haliri kandi rhurhundu magana mabiri oku nkere za kabiri za chuma. ²¹ Mihamu agwika enkingi oku mulya ngo gw'eshengero. Ogwali olunda lw'okuboko kwa malyo, aguha ezino lya yakini kwo kuderha Namahanga ye yumbaka, n'ogwali okulembe aguha ezino lya Boazi kwo kuderha Namahanga ye Chirimisi. ²² Oku kasongero k'enkingi kwaliri akantu kalika mauwa. Nantyo Hiramu amalisa emirimo yahwa. ²³ Ajira echisima che chuma chaliherhe metere ekumi oku burhambi n'olundi lunda ntyo. Chaliri cha muviringo choshi, metere erhano buzamuka, omuzunguluko gwa liherhe metere makumi masharhu. ²⁴ Achihira oku nkere ekumi, omu kujira omuzunguluko eshishi we chisima, ajira nkere ebiri, na choshi chalijirirwe na chuma chiguma. ²⁵ Chaliyikalire oku nkavu ekumi n'ebiri, esharhu emalambo, esharhu ebuzukiro esharhu omu charagati ch'e zuba n'e sharhu ebushoshokero bw'ezuba. Echo chisima chali ndekere okubyo, hantu h'ebuzinda n'omucharagati. ²⁶ Emihiro yage haliri ya mirhi ya mavurha; okuburhambi bwage, buli nka ngumbu bahindamwire nka mauwa, chalihere malitiri bihumbi bibiri. ²⁷ Ajira ngorofani ekumi. Ngasi nguma yalihere metere ene y'okulehuka, metere ene y'obugali, na metere esharhu y'obuzamuka. ²⁸ Lolaga gurhe bajirire engorafani : Bayinja bayishwekere oku burhambi bw'ebipaho yizi yorha zilongamane bwinja. ²⁹ Omu charagati lyamaplaki na hantu halongomene haliri bashosho, enkavu n'emirhi enyerere. Na hola halogomere hali kwirire. Eshishi, n'enyanya waho bahakomya , bakwiza nka buya. ³⁰ Ngasi ngorofani yaliherhe ngarha ene ze byuma haguma n'ebyuma byokuberwa na rhugondomezo rhune rhw'ebyuma eshishi aharhwayikalira n'enyanya. ³¹ Oku ngorofani yayo, olunvi gugendere oku metere oku lunda lwenyanya, olw'olunvi lwali lwa chiviringo, nka mirimo yago, gwaliherhe metere guma n'echichira y'obugali; kwaliri n'emirhi ebejerwe bwinja. Ebipaho byaliri nka nyunda ene, n'erhali ya chiviringo. ³² Engarha ene zaliri eshishi wamaplake, n'ebyuma by'engarha byalishwekerwe oku ngorofani; Ngasi chiguma chalihere metere nguma n'echigabi cha kabiri y'obuzamuka. ³³ Engarha zalijirirwe nka mutugari, ebyuma byayo, amajanti gayo, na mayaye gayo, galiri nka byuma byokulenduka. ³⁴ OKurhugondo rhune rhwangasi ngorofa ni kwaliri chuma chiguma. ³⁵ Echigabi chinene che ngorofani chalihwere n'echiviringo che chali cha metere y'obuzamuka, kwaliri ebimazigo byage n'amaplake mage kuguma n'echuma. ³⁶ Okomeza ebisimikiro, n'oku maplake, oku mirhi enyerere, bashosho n'oku mirhi ya ya mavurha oku bululi bulambukire, n'eri nka migozi ezungulukire. ³⁷ Nantyo ajira ngorofani ekumi; n'echuma cho kulenduka obugali ebushano, byoshi byaliri kuguma. ³⁸ Ajira mabakuli ekumi. Ngasi bakuli lyaliherhe litri makumi mane, ngasi bakuli lyaliherhe metere ene, na ngasi bakuli lyaliri liguma oku ngorofani ekumi. ³⁹ Aheba mabakuli marhano ebwa lunda lw'okulyo kw'enju, n'erhano okulunda lw'ekulembe lw'enju; Ahira enyanja nene okulunda lw'okulyo lwe shengero, ekarhongo kw'ebuzikiro bw'ezuba. ⁴⁰ Hiramu ajira embehe, n'ebipaho, n'emipanga elehere. Nantyo Hiramu amalisa emirimo yoshi mwami Solomono amubwiraga mpu ayumbake enju ya Nyamuzinda. ⁴¹ Enkingi ebiri, haguma na byuma bibiri n'orhushosho rhwayo oku kasongero k'enkingi. Rhuyingiro rhubiri, nkere ebiri mpu rhokushukira rhushosho rhubiri rhw'ebyuma rhuli oku kasongero k'enkingi. ⁴² Rhufundo magane mane rhwamalehe oku rhuyunguro rhubiri, nkere ebiri mpu shukire rhushosho rhubiri rhw'ebyuma oku kasongero k'enkingi. ⁴³ Ngorofani, ekumi, na mabakuli bazibuzibu ekumi gaderezibwe oku ngorofani. ⁴⁴ N'echisima chizibuzibu chomuviringo, na nkavu ekumi n'ebiri z'omuchisima; ⁴⁵ Embehe, ebipaho, n'emipanga elehere. N'ebyokuyendera byoshi mwami Solomono abwiraga Hiramu mpu ayumbak'enju ya Nyamuzinda ebyuma bikwirire. ⁴⁶ Omwola shishi balemaga bashashulira ebyo byuma byoshi omu lubanda lw'e Yordani lwaliri omucharagati y'e Sukoti n'e Zaretani. ⁴⁷ Solomono aleka ebyola bikoleso byoshi. Buzira okulola obuzibuzibu, n'okulemerera kwabyo bulala byaliri binene bwenene. ⁴⁸ Solomono ashashula ebindi bikoleso by'ehoro bikwanene omu shengero. Ajirisa enterekero y'ehoro ly'okurhulira obuku, n'ameza ge horo g'okurhulera kwe migati rhulonzeze; ⁴⁹ Na bimanikiro by'ehoro kwirire, birhano ekulyo, birhano ekulembe n'amauwa, n'amatara n'ehintu y'okuzimya amatara oku chimanikiro ch'ehoro. ⁵⁰ Ama bakuli, n'orhwere, n'embehe z'okuyuha, N'amango, n'ebirhongezo by'ehoro ekomere, n'omukaherho k'olunvi l'omukuja ahantu hachesibwa bwenene, n'enyumvi z'embuga n'embaraza zibuzibu omu shengero. Ebyo bikoleso byoshi byali kolerwe. ⁵¹ Eri Solomono amala emirimo y'okuyumbaka enju ya Nyamuzinda, arhola ebikoleso byosho by'eshe Daudi abaga agashelere Nahano, efuranga, ehoro, n'ebindi bikoleso byoshi, abilunda omu chumba chokubikira omu shengero