¹ Eri Aba Israeli bajira myaka magana mane na makumi gali munane barhenga e Misiri. Solomono abaga aherhe myaka ene ayimire omu Israei. Omu mwezi gwa Zivu, gwa kabiri g'ogola mwaka arhondera oku yumbaka aka Nyamuzinda. ² Enju mwami Solomono ayumbakiraga Nyamuzinda, okulehuka kwaliri ntambu makumi gali ndarhu n'obugaligali bw'enju bwaliri ntambu makumyabiri, n'oburherama ntambu makumi masharhu. ³ Embere ly'embaraza ly'olunvi; aka Nyamuzinda kaliherhe okuleha kwa ntambu makumyabir kuguma n'obugali bw'enju ya Nyamuzinda, kagwerhe entoga ya ntambu ekumi y'aka Nyamuzinda. ⁴ Mwami ajira oku nju orhubonezo, orhubera rhukomere. ⁵ Ananiriza oku nju ez'amagorofu zengodo, zizungulukire n'enkuta z'enju, aka Nyamuzinda, hakuchichuziza; ajira ebindi byumba biyumangire aha burhambi bwayo. ⁶ Egorofu z'engekengeke yaliri ya ntambu erhano n'eya charagati yaliri ntambu ndarhu, n'eyakasharhu oku mushanvu omu kuleha; Bulala alemaga akwiza enju omu kuzungulukira embuga, oku buzinda ya kasongero k'enju yikarhaja omu bibambazi by'enju. ⁷ Amango bayumbakaga enju, balema bakolesa amabale ga kwizize, nta hama, ntabasha, ntachuma choshi choshi, cha kayunvikana mweyi nju amango balemaga bayumbaka. ⁸ Aha lunvi lw'ebyumba bye gorofu y'eshishi hohaliri okulunda lw'amalyo enju ya ka Nyamuzinda; omu charagati bayumbaka akashonezo k'okuzungulira, n'omu kagarhi k'omugorofu lya kasharhu. ⁹ Enyuma ly'okumalayumbaka enju, Solomono ayishukira embaho n'obuturu n'amavurha. ¹⁰ Ahana ntambu erhano ly'obuzamuka lya ngasi magorofu gazungulukire enju yoshi aziheba haguma n'enju y'emirhi y'echedere. ¹¹ Nyamuzinda abwira Solomono emyazi aderha: Nyumbakira eyi nju! ¹² Eri wakalambagira omu kukenga amarhegeko gani goshi, n'okulemawajira oku kurhegekere, nka wakalolereza n'okushibirira okurhumikira amahano gani nakujirira nk'oku nalaganyaga isho Daudi. ¹³ Njina yinja, na ndame omu charagati nk'abana be Israeli, nji ntanaleka olubaga lwe Israeli. ¹⁴ Enyuma ly'okumala yumbaka aka Nyamuzinda. ¹⁵ Solomono ashwikira ebibambazi n'embaho z'enjiga kurhenga okudaho kuhika omuchanya y'enju; ashukira obudaka bw'enju n'embaho ze Sindani. ¹⁶ Ashukira n'embaho ntambu makumyabiri y'obwandagala bw'enju, kurhenga okudaho kuhika omuchanya bw'ebibambazi, n'okuleka hokuchiyuziga, hantu hachesebwa. ¹⁷ Oku metere makumi mane embere bajira enju, baderha shengero. ¹⁸ Embaho zali rhindirwe omola nju zakazagi lerha ehumbulo linja n'obwaso buzibuzibu; byoshi byalinyerere, nta bale bali bwenemo. ¹⁹ Solomono ayumbaka ahachesibwa omucharagati che shegero kokuheba e Sanduku y'endagano ya Nyamuzinda. ²⁰ Ahachesibwa haliri ha metere makumyabiri, obugaligali bwaliri bwa metere makumyabiri na metere makumyabiri z'obuzamuka. Solomono ashukira n'ehoro ekwirire. Embere yachesibwa ajira h'enterekero m'embaho zikwirire n'okushukira n'ehoro. ²¹ Ashiga ehoro omushengero, ageza omukaba gw'ehoro embere hantu hachesibwa, Ahashukir'ehoro. ²² Ashiga eshengero yoshi ehoro, ashiga ah'enterekero hoshi ehoro haliri embere ya hachesibwa. ²³ Ajira omu hachesibwa mirhi ebiri ye mizeituni ye lubala yaliherhe metere ekumi yobuzamuka. ²⁴ Ebyubi bibiri ngasi chiguma chaliherhe metere erhano, byajira metere ekumi okuburhambi bwacho byo byubi byage n'oku burhambi bwo lundi lunda. ²⁵ Echiremwa cha kabiri nacho chaliherhe metere ekumi. Olugero n'eshusho ya liguma. ²⁶ Obuzamuka bwa ngasi chiguma bwebyo bibiri bwaliri metere e kumi. ²⁷ Solomono aheba omurhi omu charagati che shengero, bashegeza ebyubi byabo. Echubi chi rhanzi chahuma oku chiguma che chibambazi et chubi cha kabiri chahuma lundi lunda lwe chibambazi; ebindi byubi bya shiganana oku burhambi bwa aha charagati che shengero. ²⁸ Solomono ashiga ebiremwa biderhwa makerubi ehoro. ²⁹ Ajira eshushano oku bibambazi n'omu nju n'ebunga, oku mirhi ye makerubi na mauwa gazibuzibu. ³⁰ Ashiga ehoro okudaho omu nju n'embuga. ³¹ Bajira olunvi lw'okuchinga ahachesibwa : Bikiro ye Sanduku lwa nguliro ebiri n'embaho z'omurhi g'o muzeituni gwe lubala ayumbakira kw'enkingi oku chibambazi cha karhano. ³² Nyumvi ebiri zaliri zo murhi gwe mizeituni gwe lubala. Ajira emirhi eberwe, emirhi ya mavurha na mauwa gazibuzibu, bayishiga ehoro; Aliza kandi ehoro oku mirhi ye mizeituni n'eyamavurha. ³³ Ajira, olumvi lwe shengero, enkingi z'emirhi ye mizeituni ye lubala, kali kane kabuzibuzibu bwe chibambazi, na nyumvi ebiri z'emirhi ye Sindani. ³⁴ Ngasi lumvi lwalijirirwe n'ambaho ebiri zigondamire. ³⁵ Ajira emirhi ebejerwe, emirhi ya mavurha na mauwa gazibuzibu, abishiga ehoro, abigalihya oku bibejirwe. ³⁶ Ayumbaka mwo nkere esharhu z'amabale gagoyire n'olukere lw'enjiga. ³⁷ Bahumba echiriba che shengero, oku mwaka gwa kane, mwezi gwa zivu. ³⁸ Ery'amala myaka ekumi na muguma ayimire, omu mwezi gwa Buli, gw'omwezi gwa munane, eshengero lyoshi lya yunjula nk'okw'alilonzeze, mwami Solomano akayubakira oku myaka mushanvu.