¹ Mulebi muguma walihamagerwe oku zino lya Eliya,muburhwa w'omu chishagala che Tisibe omu Galadi,abwira mwami Ahaba ntya : " Nk'oku Nyamuzinda alamire,Nahano wa Ba Israeli eyi nkolera,envula ya hera mw'eno myaka kuhika hano nshubi hema egali rhoga. ² Ago mango Nyamuzinda abwira Eliya ntya : ³ Orhenge hanola,oje oku lunda lw'ebushoshokero bw'ezuba,ochibishe hofu n'echijaga che Kiriti,chilolenene e Yorodani. ⁴ Walema wanywa amenji nalema narhuma n'ebihungwe bikugeze kw'ebi walema walira aho. ⁵ Eliya ajira nk'oku Nyamuzinda ana mubwiraga,ajibera oku mubunda gw'e Kiriti. ⁶ Ngasi esezi na ngasi golo ebihungwe byalema byamulerhera omugati n'enyama,alema anywa n'amenji gw'omola mubunda. ⁷ S'aliko buzinda bwa siku zigeke,ogwo mubunda gwa yuma,bulala envula erhachilemaga ya rhoga omu chihugo. ⁸ Ntyo ku Nyamuzinda abwirire Eliya : ⁹ " Oyumuke,oje omu chishagala ch'e Zarepati che Sidoni,obere yo.Narhegekere yo mukazi muguma w'omukana mpu aleme akuha ebi walya." ¹⁰ Eliya ayumuka,anahuma oku njira aja e Zerepati.Oku anahika oku lunvi lw'echishagala,tundu ku mukazi muguma w'omukana,aho eri ali ashenya. Amuhamagala,amubwira ntya : " Nkuyingingire,oji nderher'amenji mageke omu ngumbu w'ekalama. " ¹¹ Agenda ajimulerhera mo.Ashubi muhamagala,amubwira ntya : Nkuyingingire onderhere n'echichira ch'omugati omu fune yawe . ¹² Oyo mukazi ashuza ntya: Nk'oku Nyamuzinda Nyamubaho Namahanga wawe alamire ! Nta kalyo kahire mperhe,ngwerhe akashano k'engano kankaja okuchigasha chiguma omu naga,na mavurha mageke omu Supa. Lolaga okundi nashenya eshali najidugamo,hano mpisa,rhulye na mugala wani buzinda bwaho rhufe n'eshali. ¹³ Eliya amushuza ntya : Orhayubahaga,ogende ojire okola waderhere.Echiguma chonine, orhange onyendere burhanziriza mugati mugeke ogunderhere;Enyuma zaho oje wachiyenderha ogwawe mwembi mugala wawe. ¹⁴ Bulala Nahano, Namahanga w'aba israeli aderhere ntya : Eyo shano eri oku mbale erhakahwa,n'amo mavurha mali omu Supa marhahwa,kuhika amango na rhoza envula. ¹⁵ Oyo mukazi ajira okola koshi omulebi Eliya amu bwiraga,nta mango babulire echi bankalya yewe n'omugala n'omulebi eliya. ¹⁶ Eyo shano erhahwaga n'ago mavurha marhahwaga nka kulala Nahano abwiraga omulebi Eliya mpu aderhe. ¹⁷ Enyuma w'aho,mugala w'oyo mukazi w'omukana walihandisize Eliya omu mwage alwala,akomererwa neyo ndwala,afa. ¹⁸ Oyo mukazi aba adosa Eliya ntya : " Chichi chino wamankolera,mwambali wa Nyamuzinda ? Ka wainjaga hano mwani mpu oyibuse Nyamuzinda amabi gani,mpu na ly'omwana wani afa ? " ¹⁹ eliya ashuza oyo mukazi ntya : Mpa oyo mwana. " Ntyo ku Eliya arholere oyo mwana amubagalira, amuheka omu chumba alihandire mo enyanya, amulyamiza oku nchingo yage. ²⁰ Oku handi ahema Nyamuzinda n'omulenge gunene ntya : Nahano, Namahanga wani,orhalibuzaga oyu mukazi ompandisize aha mwage mpu omuyirhire omwana. ²¹ Achilambika kw'oyo mwana kasharhu anahema Nyamuzinda ntya : Mani Nyamuzinda Namahanga wani nkuhemere,ofule oyu mwana ! ²² Nyamuzinda ashuza amahuno ma Eliya, afula olala mwana ashubi wanza yisa. ²³ Eliya arhola oyo mwana amukula mw'echo chumba,amuyandagalana eshishi amuha nyina,aderha ntya : Mugala wawe oyu okala ozene. ²⁴ Oyola mukazi abwira Eliya ntya : Kurhenga zene, namabona okw'onaba muntu wa Nahamanga, n'eby'oderha eri Namahanga wakubwiraga mpu obiderhe ahali hage.