¹ Abana be Israeli kukulikira n'oluganjo lwabo, abakulu b'emilala, abakulu ba chihumbi n'engana, enfola miherho zikulu oku mulimo gwa mwami oku byoshi byali lolere okugaba, okuhika n'okugenda, mwezi oku mwezi, omu ngasi myezi yoshi y'omwaka, ngansi chigabi chaliri ch'abantu bihumbi makumyabiri na bine. ² Abakulu b'echigabi chirhanzi, oku mwezi gurhanzi, aliri: Yasobeamu, mugala wa Zabudieli; aligwerhe echigabi ch'abantu bihumbi makumyabiri na bine. ³ Aliri w'omu bana ba Peresi, murhegesi w'abakulu b'engabo ba mwezi gwa burhanzi. ⁴ Oku burhwegesi bw'echigabi ch'omwezi gwa kabiri aliri Dodayi, Mwahohi; Mikloti aliri muguma w'abakulu b'echigabi; aligwerhe burhegesi bw'abantu bihumbi makumyabiri na bine. ⁵ Omurhegesi wa gasharhu w'olubaga lwa kasharhu, omu mwezi gwa kasharhu, aliri Benaya, Mugala w'omudahwa Yehoyada, mukulu; analigwerh'echigabi ch'abantu bihumbi makumyabiri na bine. ⁶ Oyu Benaya yaliri ntwali mubalala makumi masharhu, na Amizadabu, omugala, alirir muguma w'abakulu b'echigabi. ⁷ Owa kane, omu mwezi gwa kane, aliri Asaeli, mwene wabo Yoabu, n'enyuma zage, Zebadiya, omugala; analigwerhe omu chigabi chage b'abantu bihumbi makumyabiri na bine. ⁸ Omurhegesi wa karhano, omu mwezi gwa karhano, aliri mukulu Shamehuti, omu Yizrashi; anali gwerh'echigabi ch'aliri mw'abantu bihumbi makumyabiri na bine. ⁹ Omurhegesi wa ndarhu, omu mwezi gwa ndarhu, aliri Ira, na mugala wa Ikesi, Mutekoti; n'omu burhegesi bwage mwaliri bihumbi makumyabiri na bine. ¹⁰ Omurhegesi wa mushanvu, omu mwezi gwa mushanvu, aliri Helesi, Mupeloni, w'omu bana ba Efuraimu; Omuburhegesi bwage mwali bantu bihumbi makumyabiri na bine. ¹¹ Omurhegesi wa munane, omu mwezi gwa munane, aliri Sibekayi, Muhusa, w'omu Wazera; Omu burhegesi bwage Mwaliri bantu bihumbi makumyabiri na bine. ¹² Omurhe gesi wa mwenda, omu mwezi gwa Mwenda, aliri Abiezeri, Mwanatoti, w'omubuko bwa Benyamina; omu Burhegesi bwage mwaliri bantu bihumbi makumyabiri na bine. ¹³ Omurhegesi w'ekumi, omu mwezi gw'ekumi, aliri Maharayi, Munetofa, w'omulala gwa Zera; omu burhegesi bwage, mwaliri bantu bihumbi makumyabiri na bine. ¹⁴ Omurhegesi w'ekumi na muguma, na mwezi gw'ekumi na muguma, aliri Benaya, Mupiratoni, n'abana ba Efurahimu; n'omu kulanga kwage haliri bantu bihumbi makumyabiri n'a bine. ¹⁵ Omurhegesi w'ekumi na kabiri, na mwezi gw'ekumi na kabiri, aliri Heledi, Munetofa, w'omulala gwa Otinieli; n'omu burhegesi bwage, mwaliri bantu bihumbi makumyabiri na bine. ¹⁶ Lolala abakulu bw'obuko bw'e Israeli. Mukulu wa ba Rubeni: Eliezeri, mwene Zikiri; aba Simeoni: Shefatiya, mugala wa Maaka; ¹⁷ Omulala gwa Lawi: Hashabiya, mugala wa Kemweli; Omulala gwa Harunui: Sadoki; ¹⁸ Omulala gwa Yuda: Elihu, bene wabo Daudi; omulala gwa Isakari: Omri, Mugala wa Mikaeli; ¹⁹ Omulala gwa Zabuloni: Yishimaya, mugala wa Obadiya, omulala gwa Naftali: omushamuka Yerimoti, Mugala wa Azirieli; ²⁰ Omulala gwa Efurahimu: Hoseya, mugala wa Azaziya; Ebuzikiro bw'ezuba bw'emwa Manase: Yoweli, mugala wa Pedaya; ²¹ Ebushoshokero bw'ezuba bw'emwa Manase omu Galadi: Yido, mugala wa Zakariya; omulala gwa Benjame: Yaasieli, mugala wa Abneri; ²² Omulala gwa Dani: Azareeli, Mugala wa Yeroamu. Abala boshi babakulu bw'obuko bwa ba Israeli. ²³ Daudi arhaganjag'Abaisraeli baliherhe Myaka makumyabiri kuj'eshishi, bulala Nahano alaganyag'Abaisraeli okw'abaluza nka nkununu z'oku nkuba. ²⁴ Yoabu, mugala wa Zeruya, abag'arhondere okuganjabo, aliko arhamalaga, Nahano ey'amakaliha enyanya za Israeli enyanya z'elyo lisasima, che charhumag'oluganjo lurha yandikwa omu chitabu ch'ebyakazagiba cha mwami Daudi. ²⁵ Owakazagi chung'obuhirhi bwa Mwami aliri Azimaveti, mugala wa Adieli; N'obuhirhi bw'amashwa, Omu bizungu, omu bishagala n'omu bwami, aliri Yonatani mugala wa uziya; ²⁶ Abakazagijira emirimo y'amashwa aliri Ezeri, mugala wa Kalebu; ²⁷ N'amashwa g'emizabibu aliri Shimeyi, w'omu Ramati, n'obuhirhi bw'amashande g'emizabibu aliri Zabudi w'omu shefami. ²⁸ Enyanya z'emirhi y'emizetuni N'eye mikuyu yaliri omu chihugo ch'eshishi aliri Bali-Hanani w'omu Gederi. Obuhirhi bw'amavurha bwalilolerwe na Yoasi, ²⁹ Owalilolere oburhunzi bwali omu Saroni, aliri Sitirayi w'omu Saroni; Oburhunzi Bwaliri omu lubanda bwalilolerwe na Safati, mugala wa Adelayi. ³⁰ Owalilolere engamiya: Obili, w'omu Ismaeli n'owe Punda aliri Yedaya, w'omu Meronoti; ³¹ N'ow'ebirhungano aliri Yasisi, w'omu Hagiri. Babala boshi babalilolere obuhirhi bwa Daudi. ³² Yonatana, nalume wa Daudi, aliri Muhanuzi, muntu w'obumanyi na Muandisi: Yehieli, mugala wa Hakemoni, Aliri hagumo n'abana ba mwami; ³³ Ahitofeli aliri muhanuzi wa mwami; Na Husayi, Arkieni, aliri mwira wa mwami; ³⁴ Enyuma ya Ahitofeli, yaliri Yehoyada, mugala wa Benaya baliri bahanuzi, Yoabu aliri mukulu w'enfola miherho ya mwami.