¹ Lolaga oluganjo lw'abalanzi b'enyunvi: Abanya Kora: Mishelemiya, mwene Kora, w'okuburha lya Asafu. ² Bagala ba Mishelemiya: Zakariya,Yadiyaeli, olubere, Yediaeli owakabiri, Zebadiya owa kasharhu, Yatanieli owa kane, ³ Elamu owa karhano, Yehohanani owa ndarhu, Eliyohenani owa mushanvu. ⁴ Bagala ba Obedi-Edomu: Shemaeya, olubere, Yozabadi owa kabiri, Yoashi owa kasharhu, Sakari owa kane, Nataneeli owa karhano, ⁵ Amiyeli owa ndarhu, Isakari owa mushanvu, Pelatayi owa munane; Bulala Nyamuzinda abaga amugishire. ⁶ Kurhengera ku Shemaya, omugala, aburhag'abana barhambula enju y'eshe, bulala baliri ntwali z'abalume; ⁷ Bene Shemaeya: Oteni, Rafaeli, Obedi, Elizabadi na bene babo, ntwali z'abalume, Elihu na Semaeya. ⁸ Abala boshi baliri Eshanja lya Obedi-Edomu; bowe, bagala babo na bene babo, baliri bantu bayunjwire obushirhu n'emisi enyanya w'omulimo, makumi gali ndarhu na babiri bw'omu mwa Obedi-Edomu. ⁹ Bagala na bene Mishelemiya, ntwali z'abantu, baliri luganjo lw' ekumi na munane. ¹⁰ Bene Merari: Hosa, waburhaga bana: Shimuri, omurhambo, amujira mukulu, nabo arhali ye waliri fula, ¹¹ Na Hilkiya owa kabiri, Tebaliya yewa kasharhu, Zakariya yewa kane. Bagala bage na bene babo Hosa baliri luganjo lw'ekumi na basharhu. ¹² Bagaba abo bashamuka n'abandi b'okulanga enyunvi z'aka Nyamuzinda, babaherez'emirimo ¹³ Bayesh'esimbi okumenya okw'enyunvi za langwa, abadorho n'abakulu, nk'okw'abantu banali omu mwabo. ¹⁴ Esimbi zagwarha Shelemiya akazi lang'olunvi lwaliri olunda lw'obushoshokero bw'ezuba, bayeshera omugala Zakariya naye, aliri mwenge omuguhan'ehano, zamugwarha mpu akazi lang'olunvi lw'ekulembe. ¹⁵ Ewa lunda lw'okulyo baluhereza Obedi-Edomu, n'abagala bakazi langa enguli y'okubikira ebikulo. ¹⁶ Shupimu na Hosa, babaherez'olunda l'obuzikiro bw'ezuba, n'olunvi lw'e Shaleketi luchingulirwa ebwanjira ezamukire: Abandi balanzi baliri ezindi nyunda zoshi. ¹⁷ Ebushoshokero bw'ezuba yaliri Balawi ndarhu, ewa lunda lw'emalambo bane ngasi lusiku, n'olunda lw'ekarhongo bane ngasi lusiku, n'abandi bane oku nyunda ebiri z'enguli; ¹⁸ Olunda l'obuzikiroro bw'ezuba, bane oku lunda lw'enjira, babiri ewa burhambi. ¹⁹ Ntyo kubaliyigabire abalanzi b'enyunvi, omu milala y'Abakohati n'eya Merari. ²⁰ Muguma w'Abalawi, Ashiya, aliherhe omulimo gw'oku bik''efuranga za ka Nyamuzinda n'ebikulo byoshi bichere byamo. ²¹ Omu bene Laedani, bagala ba Gersoni baburhwaga emwa Laedani, bakulu omu mwabo Laedani w'aba Guersoni, baliri ba Yehieli, ²² Yehieli aliherhe bagala babiri : Zettamu na Yoweli, babakazagi bik'efuranga z'omu ka Nyamuzinda. ²³ Omu mulala gw'Amuramu, aba Yishari, aba Hebroni, n'aba Uzieli, ²⁴ baliri Shebueli, mugala wa Gersomu, mugala wa Musa, waliri w'okubika ebintu by'omu ka Nyamuzinda. ²⁵ Omu bene babo mwaburhwa Eliezeri, aliri mugala wa Rekabiya, mugala wa Isaya, mugala wa Yoramu, mugala Zikri, mugala wa Shelometi, ²⁶ Baliri ba Shelomu na benebabo babakazaga lang'ebintu bichesizwe mwami Daudi, abakulu b'enju za b'eshe, abakulu babihumbi n'amagana, n'abakulu b'enfola miherho: ²⁷ Ebintu bakazagi rhol'oku ntambala bibakazarhulako oku kwiz'aka Nyamuzinda. ²⁸ Ebintu byoshi omulebi Samweli agosholeraga Nyamuzinda, na mwami Saulo, mugala wa kishi, n'Abneri, mugala wa Neri, na Yoabu, mugala Zeruya, ebi byoshi byakazagi bikwa na Shelomiti na benebabo. ²⁹ Omu ba Yisehari, Kenaniya na bene babo baliri bakazaga kola emirimo y'embuga, nka bazuzi bakulu n'abazuzi omu Israeli. ³⁰ Omu ba Hebroni, Hashabiya na bene babo, ntwali z'abalume, omu luganjo lwa chihumbi na magana mushanvu, baligwerhe balanga Israeli, n'ewa lunda lw'e Yorodani, ebushoshokero bw'ezuba, oku ngasi mirimo ya nahano n'oku mulimo gwa mwami. ³¹ Oku byali lolere aba Hebroni, bwenene Yeriya waliri mukulu, balonza, mwaka gwa makumi mane gomwimo gwa Daudi, balonzereza gurhe ngasi muguma aburhwaga n'ebihanda byabo, n'oku bugana omubo entwali z'abalume e Yaezeri omu Galadi. ³² Bene babo Yeriya, ntwali z'abalume, baliri bihumbi bibiri na magana mushanvu bakulu b'enju za b'eshe. Mwami Daudi abajira bakulu ba bene Rubeni, bene Gadi, n'echichira ch'omulala gwa bene Manase mpu Bakazi kolera Nyamuzinda na mwami.