¹ Omwaka gwa kulikiragaho, amango abami boshi bagenda kulwa, Yoabu, aliyimangire enfola miherho zikomeree, bagenda kushurh'echihugo ch'Abamoni n'okugorha Rama. Aliko Daudi ayorh'e Yerusalemu. Yoabu agwarha e Raba n'oku habihya. ² Daudi arhola eshungwe ly'obwami lyaliri okwirhwe lya mwami wabo, lya lizidohere nka talanta z'ehoro; lyalishigirwe kw'ebara ly'amabale g'akachiro. Balihira okwirhwe lya Daudi, Bahagula bikulo binene mw'echo chishagala. ³ Akula mw'abantu, n'oku bajira nka chintu aberaga n'emusumeni, n'esururu n'embasha; ntyo ku Daudi ajiraga ebishagala byoshi by'Abamoni. Daudi agaluka haguma n'abantu bage e Yerusalemu. ⁴ Enyuma zahola, entambala ya zuka e Gezeri n'aba Filisitini. Na ntyo Sibekayi, we Husha, ayirha Sipayi, w'omu buko bwa Rafa. Aba Filisitini boshi bagera m'omusisi. ⁵ Bashubilwis'aba Filisitini. Elikana, mwene Yairi, ayirha mwene wabo Goliati, Lami, w'o Mugatii, olala waliherhe echumu ly'omurhi g'omuzo. ⁶ Entambala ya shubizuka e Gati. Babugana eyo munda yaliri ntwali nguma y'entambala bwenene, aliherhe eshamamba oku maboko n'oku magulu, yoshi yaliri makumyabiri n'ene, aliri w'omulala gwa Rafa. ⁷ Ajachira aba Israeli, na Yonatani, mwene Shimeyi, mwene wabo Daudi, amuyirha. ⁸ Aba bantu baliri bana ba Rafa w'e Gati. Bahirigirhir'omu fune ya Daudi n'omu fune z'abambali bage.