¹ Enyuma zaho, Nahashi, mwami w'aba Amoni, afa, n'omugala ayima ahali hage. ² Daudi aderha : Bimpemere nkazi jirira Hanuni, mwene Nahashi amenja, bulala eshe akazagi manjirira Nani. Na Daudi amurhumira entumwa mpu baji musiririza omu mishibo y'eshe. Amango barhambo ba Daudi babere bahika omu chihugo ch'aba Amoni embere za Hanuni, omu kumurhuliriza, ³ Abarhambo b'Amoni babwira Hanuni: Kw'omenyere mpu Daudi kukenga y'isho kurhumire akurhumir'aba bantu mpu bakurhulirize? Nanga bayinjire kulola echishagala n'oku chibihya, n'oku rhola echihugo cherhu, mpw'abambali bage bayinje emunda oli? ⁴ Na ntyo Hanuni agwarha abambali ba Daudi, abagemba, n'oku baberera n'emishangi yabo kuger'oku marhungu kuhik'omu mbwana. na ntyo, abaleka bagenda. ⁵ Daudi, abwirwa byoshi ebyagerere abantu bage, arhumaga, Bulala baliri omu buhwinja bunene; na mwami ababwira: Mubere e'Yeriko kuhika amango amanwa genyu gamera, n'enyuma nji mwanabona yinja. ⁶ Bene Amoni babona oku bajirire Daudi kubi, na Hanuni n'Aba Amoni barhumaga talanta chihumbi ch'efuranga mpu bajigula emitugari y'entambala n'enfola miherho zi lwis'endogomi b'e Suriya omu Mesopotamiya, n'Aba S uriya b'e Maaka omu Zoba babike muhako. ⁷ Bagula mituga bihumbi makumi masharhu n'ebibiri na mwami w'e Maaka n'engabo yage, bahira ebirhala byabo eshiriza y'e Madeba. Abamoni boshi bashimanana omu bishagala byabo, n'okugenda omu ntambala. ⁸ Kugerer'eyo ngani, Daudi abarhumira Yoabu n'enfola miherho, n'entwali zage. ⁹ Abamoni bachirheganya okulwa, Bachikereka oku lunv lw'okuj'omu chishagala; abami bayinjaga kubagwasa nabo Bachikereka habohabo omu bulambo. ¹⁰ Yoabu abona okw'abashombanyi bamwihera embere n'enyuma. Ago mango alondola entwali Zaliri omu ba Israeli, azikereka emunda abantu b'e Suriya bali; ¹¹ Abayorhaga abahereza mwene wabo Abishayi abajir'embere, naye abakereka kulinga ab'Amoni. ¹² Aderha: Akaba aba Suriya bagwerh'emisi kundusha, nji wanayinja kuntabala; n'akaba Aba Amoni bagwerh'emisi kukulusha, njina yinja kukurhabala. ¹³ Ochihangane, rhulwe nka balume enyanya z'abantu berhu n'ebishagala bya Nyamuzinda werhu, na Nahano ajir'okwalonzeze. ¹⁴ Yoabu, haguma n'engabo yage, bakoza aba Suriya, abalimbula balibirha embere zage. ¹⁵ Amango aba Amoni babere babona aba Suriya balibirha, nabo bagundumukira embere z'Abishayi, mwene wabo Yoabu, baj'omu chishagala. Yoabu agaluka e Yerusalemu. ¹⁶ Aba Suriya, babere babona oku aba Israeli bamabahima, barhuma mpu bajilerh'aba Suriya baliri eshiriza y'olwinji lunene; haguma na Sofati, ye waliri mukulu w'enfola miherho, za Hadarezeri. ¹⁷ Daudi abwirwa oku ntyo kubyabere, ashimanyanya aba Israeli haguma, b'ashabuka e' Yorodani, bajilwisa ab'Asuria. Daudi n'aba Israeli bachikereka okulwisa Abasuriya. Abasuriya bakoza Aliko bahimwa bagundumuka. ¹⁸ Aliko aba Suriya, enyuma z'okuhimwa, balibirha embere z'aba Israeli. Daudi ayirha bihumbi mushanvu b'okugenda n'emituga na bihumbi makumi mane b'okugenda n'amagulu, ayirha na Sofati, mukulu w'enfola miherho. ¹⁹ Abakozi ba Hadarezeri, babere babona aba Israeli bamabahima, balonz'omurhula haguma na Daudi bamushiga. nta lusiku Aba Suriya bachihalizize okurhabala Abamoni oku ntambala.