¹ Enyuma waho, Daudi alwisa aba Filistini abahima, abakul'omu fune z'aba filisitini Gati n'omu bishagala byabo. ² Ahima n'Abomoabu, n'aba Moabu bashiga Daudi n'oku kazi furhira emwage. ³ Daudi ashurha Hadadezeri, mwami w'e Soba, kuhik'e Hamati, amango ajaga lurhegeka eburhambi bw'olwinji lw'Efurati. ⁴ Daudi amunyega mituga chihumbi y'entambala, n'enfola miherho bihumbi mushanvu b'okugenda oku farasi, na bihumbi makumiyabiri by'enfola miherho y'okulwir'okudaho; Ezola furasi zoshi azich'emisi y'entege, ashereza n'eyo mituga, ayorhana furasi egana zonine z'okukulula emituga. ⁵ Aba Suriya b'e Damaski bayinjaga kurhabala Hadarezeri, mwami w'e Soba, na Daudi ayirha bantu bihumbi makumyabiri na bibiri baba Suriya. ⁶ Daudi agaba abarhambo barhegeka omu chihugo ch'e Suriya omu Damaski. Abantu b'e Suriya bashiga Daudi, bakazi furhir'emwage. Nahano alanga Daudi ngasi hoshi ajaga. ⁷ Na Daudi anyega empezi z'ehoro z'abambali ba mwami Hadadezeri, n'okuzihek'e Yerusalemu. ⁸ Daudi ashubi rhola ebindi bintu binene by'ebyuma e' Tibati n'e Kuni, bishagala by'e Hadadezeri. Sulemani achulaga mw'eriba ly'echuma, n'enkingi n'ebindi bintu binene by'ebyuma. ⁹ Tohu, mwami w'e Hamati, amenya oku Daudi ahimire engabo ya mwami Hadadezeri, w'e Soba, ¹⁰ arhuma Hadoramu, omugala, emwa Daudi, mpw'ajimulamusa, amubwire koko okubona alwisize Hadadezeri n'oku muhima. Bulala Tohu aliri omu ntambala haguma na Hadadezeri. Arhumira Daudi orhubindi rhwa ngasi lubero rhw'ehoro, n'efuranga n'ebyuma. ¹¹ Mwami Daudi byoshi abirhulira Nahano, haguma n'efuranga n'ehoro anyegaga ezindi mbaga, Aba Edomu, Aba Moabu, aba Amoni, aba Filistini n'Abamaleki. ¹² Abishayi, mwene Zeruya, ayirh'abantu b'Edomu bihumbi ekumi na munane omu lubanda l'omunyu. ¹³ Agaba abarhanbo omu chihugo ch'Edomu, abantu b'amo bana bambali ba Daudi. Nahano alanga Daudi ngasi hoshi ajaga! ¹⁴ Daudi arhambula e chihugo choshi ch'e Israeli, ajirira abantu bamo ebishiganene. ¹⁵ Yoabu, mwene Zeruya, arhegek'enfola miherho; Yosafati, mugala wa Ahiludi, amuha omulimo gw'okubika ebitabu; ¹⁶ Sadoki, mugala wa Ahitubu, na Abimileki, mugala wa Abiatari, baliri badahwa; Seraya aliri mwandisi; ¹⁷ Benaya, mugala wa Yehoyada, aliri mukulu w'Abaketi n'aba Pelesi; na bene Daudi baliri barhanzi eburhambi bwa mwami..