¹ Amango Daudi aliyiker'omu mwage, abwira omulebi Natani: Lolaga, ndamire omunju eyumbakirwe n'emirhi y'echitere, n'esanduku y'echiragane cha Nahano eri omu hema. ² Natani abwira Daudi: Ojire ok'omurhima gwawe gukubwirire, bulala Nyamuzinda ali haguma nawe. ³ Obudufu bwalikulikireho, omwazi gwa Nyamuzinda gw'abwira Natani : ⁴ Ogende obwire omwambali wani Daudi: Na ntya ku Nahano aderhere: Arhali w'oyo we nji wanyumbakira enju naberamo ⁵ Bulala ntalamag'omu nju kurheng'amango n'azamulag'aba Israeli kuhika z'ene; aliko omuhema nayinjaga nageragera n'okugenda ntali aha n'aha. ⁶ Na ngasi hoshi nageraga n'aba Israeli, nta derhaga mwazi chiro n'omuntu muguma omu bazuzi b'e Israeli mw'abe murhambuzi w'abantu bani, charhumaga nta derha: Bulala yi barhanyumbakiraga enju y'emirhi y'echetere? ⁷ Nantyo nji wabwir'omwambali wani Daudi: Na ntya ku Nahano w'enfola miherho aderhere: Na kukulag'omu bulambo, wayinjaga wayabula ebibuzi, mpu nkujire murhambo mukulu w'olubaga lwani Israeli; ⁸ Naliri haguma nawe ngasi hoshi wagerere, nayirh'abashombanyi bawe boshi embere zawe, Nakuherez'erenge nka kulala abarhambo bakulu bajalyo. ⁹ Naherez'abantu bani b'aba Israeli ahababera n'obuholo, na nabaheba ahababera n'abuzira buba, mpu y'abantu b'emirhima ebihire barhachiba yirhaga nka kulala kwa burhanzi ¹⁰ na nka gala mango nahebag'abazuzi omu lubaga lw'e Israeli. Nabahimira Abashombanyi babo boshi. Na nku bwirire oku Nahano oku yumbakir'enju. ¹¹ Amango esiku zawe za yenera nji wanaj'emunda bayisho bali, nji naluz'eburha lyawe, mugala wawe muguma, nj'aja ahali hawe. ¹² Yewe yi nji nyumbakira aka Nyamuzinda, n'obwami bwage nji nabuyimanza esiku n'amango. ¹³ Nji n'ab'eshe, naye nj'aba mugala wani; ntamango nji namukula kw'olukogo lwani, nkokuna lekaga olala waliri embere zawe. ¹⁴ Nji namuyumanz'omu nju yani n'omu bwami bwani esiku n'amango, n'entebe yage y'obwami nji yayumanga esiku n'amango. ¹⁵ Natani aji dondobolera Daudi emyazi yoshi n'ey'ebilorho byoshi. ¹⁶ Na mwami Daudi aj'emalanga ga Nahano, n'oku derha: Nyono nyende, Nahano Nyamuzinda, n'enju yani eri ehe, nta shinganene ebi wanjire mpw'ongeze hanola ndi? ¹⁷ Biri bintu bigeke embere za mesho gawe, w'oyo Nyamuzinda! Yi waderha enyanya y'enju y'omukozi wawe oku kachanji kayinjire. N'okureganya enyanya zani oku borhere bw'abantu, w'oyo weyinamula, Nahano Nyamuzinda! ¹⁸ Bindi bichi nankachiyushula Daudi enyanya z'olukengo loshi waherez'omukozi wawe? Oyinji omukozi wawe. ¹⁹ Mani Nahano! enyanya w'omukozi wawe, na kukulikira n'omurhima gwawe, kuwajirag'ebintu byoshi binene, mpw'omuyek'ebyo. ²⁰ Mani Nahano! Ntay'oba kuguma nawe na nta windi Nyamuzinda oli nka w'oyo, kukulikin'ebirhwayunvirhe n'amarhwiri gerhu. ²¹ Kw'oku gulu kuba lubaga luguma luli nka lubaga lwawe Israeli, lu Nyamuzinda ayinja kushubi gula mpw'alujire lubaga lwage, mpu ya guh'ezino n'oku jir'ebisomerene n'ebirhangaza, omu kuhiga amashanja galiri embere z'olubaga lwawe washubaga gul'e Misiri? ²² Wajirag'olubaga lwawe lw'e Israeli, mpu lube lubaga lwawe esiku n'amango; nawe, Nahano, waba Nyamuzinda wabo. ²³ Na ntyo, mani Nahano! omwazi waderhaga enyanya w'omukozi wawe n'enyanya w'enju yage bihikirize esiku n'amango, onahikirize kukulikira n'omwazi gwawe! ²⁴ Mbe naj'erenge loshi, mpu ly'ezino lyawe likuzibw'esiku n'amango n'abantu boshi baderhe: Nahano w'enfola miherho, Nyamuzinda w'e Israeli, aba Nyamuzinda waba Israeli! N'enju ya Daudi, mukozi wawe, eb'eshinganene embere zawe! ²⁵ Bulala w'oyo wenine, mani Nyamuzinda wani, walaganyaga omukozui wawe oku nji wamuyumbakir'enju. Chechirhumire omukozi wawe ayinja kuhuna embere zawe. ²⁶ Na ntyo, mani Nahano! Oli Nyamuzinda, n'oku derha olula lukogo emw'omukozi wawe. ²⁷ Jaga wagisha enju y'omukozi wawe, mpw'aj'erenge esiku zoshi embere zawe! Bulala ebi wagishire, mani Nahano! byagishirwe.