¹ Mwami Hiramu, w'e Tiro, arhumira Daudi entumwa, amurhumira emirhi y'echetere, n'abantu b'okushongola amabale n'ababeja emirhi mpu bamuyumbakire enju. ² Daudi abona oku Nyamuzinda amamuyimika mpu abe mwami w'aba Israeli, n'ok'obwami bwage bwakuzizwe enyanya z'aba Israeli. ³ Daudi ashubi rhola abandi bakazi omu Yerusalemu, ababurhako abandi bazana n'abanyere. ⁴ Lolaga amazino g'abana aburhaga e Yerusalemu: Shamuwa, Shobabu, Natani, Sulemani, ⁵ Bari, Elishuwa, Elipeleti, ⁶ Noga, Nefegi, Yafiya, ⁷ Elishama, Beliyada na Elifeleti. ⁸ Aba Filistini bamenya oku bayimikire Daudi mpu abe mwami omu Israeli moshi, bazamuka kumulonza. Daudi, abaga amenyesezwe, ayinj'embere zabo. ⁹ Aba Filistini bayinja, n'oku shandala omu lubanda lw'e Refaimu. ¹⁰ Daudi ahema Nyamuzida, aderha mpu : Ka njilwisa aba Filistini ? Wampimirabo ? Nahano amushuza, obalwise, na kuhimirabo. ¹¹ Bazamuka e Baali-Perazimu, Daudi abalimbula abahima. Lero aderha mpu : Nyamuzinda ampimire abashombanyi bani ku ufune yani, namabayandagaza nka menji g'omu kashalala. Che charhumaga bahamagala ezino lyaho Baali-Perazimu. ¹² Baleka ba nyamuzinda babo, bayoswa oku rhegeko lya Daudi. ¹³ Aba Filistini kandi bashubi shandala omu lubanda. ¹⁴ Daudi ashubi dosa Nyamuzinda. Nyamuzinda amushuza mpu : Orhabayubahaga, ohindamuke oji balwisiza enyanya ebwa Miforisadi. ¹⁵ Hano oyunva omushaganyo mweyo mirhi, wanabayandagalira, bulala nyono Nyamuzinda nyinjire kukuhimira aba Filisitini. ¹⁶ Daudi ajira nk'oku Nyamuzinda amubwiraga, Aba Israeli bahima aba Filisitini e Gabaoni kugera e Gezeri. ¹⁷ Daudi aj'erenge omu chihugo choshi, na Nahano amukengesa embere z'embaga zoshi za muyubaha.