¹ Mwami Daudi ajira ehano ly'ebilongozi byabihumbi n'egana, haguma n'abaluzi boshi. ² Na Daudi abwira endeko y'aba Israeli yoshi: Mukabona kuli kwinja, n'akaba birhengerer'emwa Nahano, Nyamuzinda werhu, arheganyizeko, rhurhume entumwa eyi n'eyi emunda bene berhu bala bayorhaga omu Israeli; bwenene abadahwa n'Aba Lawi omu bishagala biri eburhambi babamenyise, bayinje baje omu ndeko yerhu. ³ Rhwalerha n'e sanduku y'echiragane cha Nyamuzinda werhu, bulala rhurhachiri omu burhegesi bwa mwami Saulo. ⁴ Boshi bayemera okujira ntyo, bulala babona oku biri binja embere z'olubaga. ⁵ Daudi ashimanyanya aba Israeli boshi omu ndeko, kurhengerera e'Shihori y'e Misiri kuhika omukuj'omu Hamati, omu kulonza babalerhe omu Kiriyati-Yarimu e'Sanduku ya Nyamuzinda. ⁶ Na Daudi, haguma na Israeli yeshi, azamukira e' Baali, e' Kiriyati-Yarimu, eri e' Yuda, Bajilerha e Sanduku ya Nyamuzinda, embere yayo bakazagi kukuza ezino lya Nahano olamire omu charagati k'amakerubi. ⁷ Eyo sanduku y'okulaganana ya Nyamuzinda bayihira oku mutugari guhyahya bayilerha bayikula omu nju y'Abinadabu: Uza na Ahiyo babaliherhe ogo mutugari. ⁸ Daudi n'aba Israeli boshi baligwerhe bazina embere za Nyamuzinda n'e Misi yabo yoshi, bayinja bayimpa, n'okuziha enanga, n'orhusayo, n'okugomba engoma, n'okuziha enzenze, n'emijeregerezo, n'okubuha amaholere. ⁹ Babere bagera omu mbuga y'okuhulira emburho e'Kodoni, enkavu yaligwerhe e sanduku ya sirhala ya bwira yarhoga, Uza alik'efune mpu ahengamule e' Sanduku. ¹⁰ Nahano ayunva oburhe enyanya za Uza, Nahano amushurha bulala ahumire oku Sanduku. Uza afiraho embere za Nyamuzinda. ¹¹ Daudi agaya okubona Nahano amayirha Uza ntyo. Ahola bahayirika ezino lya Peresi-Uza, kuhanachiderhwa kugera zene. ¹² Daudi ayubaha Nyamuzinda olo lusiku; aderha mpu : Gurhe naheka e Sanduku ya Nyamuzinda y'okubuganana emwani ? ¹³ DAudi arhachihekag'e Sanduku omu mwage omu chishagala cha Daudi, ayiheka omu mwa Obedi-Edomu muburhwa w'e Gati. ¹⁴ E Sanduku ya Nyamuzinda yaberamo myezi esherhu omu nju ya Obedi-Edomu, omu mwage. Na Nahano agisha enju ya Obedi-Edomu na byoshi byalirimo.