¹ Emilala y'Aba Israeli yoshi yaja emwa Daudi e Heburoni, bamubwira mpu: Lolala, rhuba mavuha gawe n'omubiri gwawe. ² Na kandi, chiro n'amango Saulo aliri mwami, w'oyo we waliri chilongozi n'oku kugalula Israeli. Nahano, Nyamuzinda wawe, abaga aku bwirire: Nji walisa olubaga lwani lw'e Israeli, nji wanaba mukulu w'olugbaga lwani lw'e Israeli. ³ Na ntyo abagula b'aba Israeli baja emwa mwami e'Heburoni, na Daudi ajira echiragane haguma nabo e' Heburoni, embere za Nahano. Bashiga Daudi amavurha aba mwami w'aba Israeli, nk'oku Nahano aderhaga, omu bunu bwa Samweli. ⁴ Daudi alambagira haguma na Israeli yeshi omu Yerusalemu. emunda aba Yebusi baliri. Eyomunda Aba Yebusi baliri, banin'echihugo. ⁵ Abantu b'e Yebusi babwira daudi: Orhakaja munola. Aliko Daudi agwarh'echishagala ch'e Sayuni: chaba chishagala cha Daudi. ⁶ Daudi aderhaga: mpu ola wankarhangi yirha omu Yebusi ye wanaba chilongozi ch'engabo. Yowabu, mwene Yeruya, aba murhanzi, aba chilongozi. ⁷ Daudi ayumbaka mwecho chishagala chizibuzibu ; che charhumaga bachiyirika ezino ly'echishagala cha Daudi. ⁸ Enyuma zaho azungulusa echishagala choshi engurhu, arhonderera e Milo n'eburhambi; na Yoabu naye ayumbaka ahayorhaga h'echishagala. ⁹ Daudi aba n'obuhashe bunene, Nahano w'enfola miherho aliri haguma naye. ¹⁰ Lolag'enfola miherho z'entwali Daudi aligwerhe, babakazagi murhabala haguma n'Aba Israeli oku yumanza obwami bwage, baba bamuyimika okuba mwami, nk'okw'omwazi gwa Nahano gwa derhwagwa oku ba Israeli. ¹¹ Lolaga, kukulikiran'oluganjo lwabo, ezo ntwali ze zaliri omu mulimo gwa Daudi. Yashobeamu, mwene Hakimoni, muguma w'omu nfola miherho zikulu. Akazagi lika'echumu lyage oku chikunjo ch'abantu magana masharhu, n'oku bayirhira chaliguma. ¹² Enyuma zage, Eliyazari, mwene Dodo, w'omu mulala gwa Akokite, aliri muguma mu zilala ntwali esharhu. ¹³ Aliri na Daudi e Pasi-Damimu, emunda Abafilistini bashimananaga omu ntambala. Haliri eshwa liyunjwir'engano; n'olubaga lwakazaga zilonza embere z'Aba filistini. ¹⁴ Bachiheb'omu charagati k'eshwa, abalanga, banashurha Abafilistini. na Nahano abagwasa kubachungula. ¹⁵ Basharhu omu echikunjo cha makumi masharhu Baja emunda Daudi aliri ebwa bale omu lukunda lw'e Adulamu, amango akambi k'Abafilistini kaliri omu lubanda lw'e Refaimu. ¹⁶ Daudi aliri omu lwakiro lwage, naho haliri echirhala ch'Abafilistini e Betelehemu. ¹⁷ Daudi aliherh'enyifinjo, n'oku derha: Nde wakanderher'amenji gw'okunywa gw'omuriba liri omu lunvi lw'e Betelehemu? ¹⁸ Lero ezo ntwali esharhu za gera omu kambi k'Abafilistini, bajidom'amenji omu riba lyaliri omu lunvi lw'e Betelehemu. Bagaheka n'oku kumalerhera Daudi; aliko Daudi arhalonzaga oku ganywa, anagashesher'oku daho embere za Nahano. ¹⁹ Anaderha: Mani Nyamuzinda wani ntakwanene oku jira ntya! Ntakanywer'eshagama y'abantu bagendaga kuhez'akalamo kabo? Bulala okuhez'akalamo kabo kubagalerhaga. Arhanalonzag'oku ganywa. Lolaga gurh'ezo ntwali esharhu zajiraga. ²⁰ Abishagi, mwene wabo Yoabu, aliri mukulu wa basharhu. Alikul'echumu lyage oku balala magana masharhu, n'oku bayirha; aja erenge mubalala basharhu. ²¹ Aliri mukengwa bwenene kulusha balala basharhu omu mango ga kabiri, aba mukulu wabo; Aliko arhayumananaga na balala b'omu chikunjo cha basharhu. ²² Benaya, mwene Yehoyada, mwene mulume muguma w'e Kabuseli, yaliri ntwali nkulu anakengwa enyanya z'emisi yage. Ayirhaga bashosho babirhi b'e Moabu. Ayandagala omu charagati k'eriba, omo ayirha mu shosho muguma, lusiku luguma lw'olubula. ²³ Ayirha muntu muguma w'e Misiri waliherh'obule bwa ntambu erhano n'efune yage yaliherh'echumu nka musholo gwalyo gwali yumanene n'omurhi g'obushanja balukira kw'enyambalo; amulwisa n'agarhi, amunyeg'eryo chumu omu fune z'omu Misiri, amuyirha nalyo. ²⁴ Lolaga oku Benaya, mwene Yehoyada ajiraga; aj'erenge mw'echo chilundo cha basharhu. ²⁵ Akengwa mwabo makumi masharhu; aliko arhahikaga ku balala b'omu chilundo cha basharhu. Daudi amuha omulimo g'okurhegeka ab'oku muhanula bwibisho. ²⁶ Entwali zaliri omu nfola miherho: Asaheli, mwene wabo Yoabu. Elikanani, mwene Dodo, w'e Betelehemu. ²⁷ Shamoti, w'e Harodi, Heleti, w'e Peloni ²⁸ Ira, mwene Ikeshi, w'e Tekowa, Abiezeri, w'e Anatoti. ²⁹ Sibekayi, w'eHukatite. Ilayi w'e Akoaki. ³⁰ Maharayi, w'e Netofa, Helebi, mwene Baana, w'e Netofa. ³¹ Itayi, mwene Ribayi, w'e Gibeya y'emwa bene Benjamina, na Benaya w''e Piratoni, ³² Hirayi w'omu lubanda lw'e Nakale-Gaaski, Abieli, w'e Araba. ³³ Azmaveti, w'e Bakarumu. Eliabu w'e Shaaliboni. ³⁴ Bene -Hashemu, w'e Gizoni, Yonatan,i mwene Shage, w'e Harari. ³⁵ Akiyamu, mwene Sakari, w'e Harari. Elifali, mwene Uri. ³⁶ Heferi, mwene Mekera. Ahiya, w'e Peloni. ³⁷ Hesiro, w'e Karmeli. Naarayi, mwene Ezibayi. ³⁸ Yoweli, mwene wabo Natani, Mibakari, mwene Hagiri. ³⁹ Zeleki, w'e Amoni, Nakarayi w'e Beroti, ye wakazaga rhwaza Yoabu amachumu, mwene Seruya. ⁴⁰ Ira, w'e Yatiri, Garebi w'e Yatiri. ⁴¹ Uriya, w'o Muhiti, Zabadi, mwene Akalayi. ⁴² Adina, mwene Kiza, w'omu Rubeni, ye wali mukulu omu mulala gwa bene Rubeni, na nfola miherho makumi masharhu haguma naye. ⁴³ Hanani, mwene Maaka, Yosafati w'e Mitani, ⁴⁴ Oziya, w'e Akitaroti. Shama na Yeiyeli, bene Hotamu, w'e Aroeri. ⁴⁵ Yadiyaeli, mwene Shimuri. Yoka, mwene wabo, w'e Tizi. ⁴⁶ Eliyeli, w'e Makavimu, Yeribayi na Yokaviya, mwene Elinaamu. Yitima, w'e Moabu. ⁴⁷ Eliyeli, Obedi na Yaasiyeli-Mezobaya.