¹ Malayika wakarhano abanda omu mpanda, nabona enyenyezi yarhenga empingu yarhogera omugulu, naye ahabwa olwiguzo lwe shinda lwe malunga. ² Achingula eshinda yekuzimu, omusi gwa rhenga mweyola shinda guli nka musi gomuliro gunene, ezuba n'omu chanya hahinduka mwizimya enyanya yogola musi gomu shinda. ³ Amahanzi gazamuka kurhenga omu musi, bazamuka omu chihugo bahabwa obushobozi nkabushobozi bw'empiri. ⁴ Babwirwa oku bamenye bakalya ebyasi byekihugo, chiro ebintu byoshi bibishi, chiro omurhi goshi, si bala bantu boshi barhali kwekimenyeso kya Nyamuzinda omu malanga gabo. ⁵ Bahabwa erhegeko oku bamenye baka yirhabo, sahubwe balibuzwe myezi erhano. N'oku libuzwa kwabo, kwali kugwerhe amalumwa nka kulumwa kwe mpiri, yalumire mwene omuntu. ⁶ Nezo siku bene omuntu njo balonza olufu, aliko njo barha lubona, njo bachifija okufa, n'olufu lwana libirhabo. ⁷ Noku lemwa kwezo nzige, kwali nka farasi zirheganyizwe okujira e ntambala, nenyanya za marhwe gabo bili nka bishema, lwiganyo lwe oro, namasu gabo galiri nka masu ga mwene omuntu. ⁸ Nabo bali bagwerhe e nviri nkeza bakazi, namenyo gabo galiri nkag'entale. ⁹ Nabo bali bagwerhe empenzi omu kifuba zili nka mpenzi ze chuma, n'omu lenge gwe byubi byabo, gwali nka mulenge gomutugari, nka farasi zinene zili zaja omu ntambala. ¹⁰ Nazo zigwerhe emichira nkaya mpiri, n'emishaki, emisi yazo eli yokulibuza bene omuntu myezi erhano, yaliri omu michira yabo. ¹¹ Nenyanya zabo bagwerhe omwami, naye ali malayika wekuzimu, ezino lyage omu ki Hebrania ye Abadoni, nomu kiyunani ye Apolioni. ¹² Obuhanya burhanzi bwa yusizwe kugera, olole, hachili mpanya ebiri zayinja buzinda. ¹³ Malayika wa ndarhu ashurha omu mpanda, nayunva omulenge muguma muguma gwa rhenga mugala mahembi gakashasha gakashasha gali emalanga mbere ga Nyamuzinda. ¹⁴ Yabwira ola malayika wa ndarhu waligwerhe e mpanda, oshwekule bala bamalayika bane bali bashwekerwe omu lwinji lunene Eufrate. ¹⁵ Abo bamalayika bane bashwekulwa, bala bali barheganyizwe kwako kasanzi molo lusiku n'omwezi, n'omwaka, mpu bayirhe chiguma cha kasharhu cha bene omuntu. ¹⁶ Noluganjo lwabasirika bali bali kweyo farasi lwaliri kihumbi makumi abiri kali bihumbi ekumi. Nayunva oluganjo lwabo. ¹⁷ Ntyo kuna bonaga ezola farasi omu bibonekezi byani, nabali bayikere enyanya zazo baherhe e mpenzi omu kifuba, zili nkaza muliro, nomusi, nechilimi namarhwe ge farasi gali nkage ntale, nomu bunu bwabo mwarhenga omuliro n'omusi nekilimi. ¹⁸ Chiguma cha kasharhu cha bene omuntu, bayirhwa oku mahane masharhu, kogo muliro n'ogo musi, necho kilimi, bya rhengaga omu monu gabo. ¹⁹ Bulala emisi yezola farasi eli omu monu gayo, nomu michira yayo, bulala emichira yayo luli lwiganyo lwe njoka, egwerhe erhwe nabo yiba libuzana. ²⁰ Nabene omuntu basigalaga, barha yirhwagwa kwezo mpanya, barha hungamaga ebijiro byamaboko gabo chiro barha haramyaga lyangombe, nebishushanyo bye oro nebye furanga, nebya mabale, nebye mirhi, zirhaka bona chiro n'okuyunva chango oku genda. ²¹ Barhana hungamaga obunizi bwabo, chiro n'obushake bwabo, n'obumaguza bwabo, n'obushambo bwabo.