¹ Enyuma waho, nabona bamalayika bane bayumangire aha garhi garhi kanyunda ene zekihugo, bali babuza miyaga ene ye kihugo, omuyaga gurha gendereraga oku kihugo, chiro enyanya ze nyanja, chiro enyanya womurhi goshi. ² Nabona owundi malayika, eya rhenga ebushoshokero bwe zuba, ogwerhe ekimenyeso kya Nyamuzinda ozene. Abanda endulu oku mulenge gunene bala bamalayika bane bahabwaga oku libuza egulu nenyanja. ³ Aderha, murha libuzaga echihugo chiro enyanja, chiro emirhi, rhurhaza kumala kuheba ebimenyeso oku bakozi ba Nyamuzinda werhu omu mpanga n'omu masu gabo. ⁴ Nayunva oluganjo lwaba heberwe kwe bimenyeso omu nkasi buko bwe Israeli, bantu bihumbi egana nama kumi mane na bine. ⁵ Abo mulala gwa Yuda bihumbi ekumi nabibiri bahebwa kwe bimenyeso. Omulala gwa Rubeni, bantu bihumbi ekumi nabibiri bahebwa kwe kimenyeso. ⁶ Abo mulala gwa Asheri bihumbi ekumi nabi biri. Abo mulala gwa Naftali bihumbi ekumi nabi biri, abo mulala gwa Manase bihumbi ekumi nabi biri. ⁷ Abo mulala gwa Simioni, bihumbi ekumi nabi biri. Abo mulala gwa Lawi, bihumbi ekumi nabi biri, abo mulala gwa Isakari, bihumbi ekumi na bi biri. ⁸ Abo mulala gwa Zabuloni, bihumbi ekumi nabi biri, omulala gwa Yusufu bihumbi ekumi nabi biri. Omu lala gwa Benjamin bihumbi ekumi nabi biri, bahirwa kwebimenyeso. ⁹ Enyuma zaho nabona, nalangira, omushimanano guzibu zibu bwenene, gulala omuntu arhakagala kuganja, abantu babuli chihugo nababuli mulala neshanja, nolu limi, bayimanga emalanga mbere ge kichumbi chobwami nembere zomwana wentama, bayambere emyambaro yomweru, baherhe amarhabi ge ngazi omu fune zabo. ¹⁰ Bali balaka oku mulenge gunene, baderha, obuchunguke ali Nyamuzinda werhu oyikere oku kichumbi cho bwami, na mwana we ntama. ¹¹ Naba malayika boshi bali bayumangire enyunda zoshi zakila kichumbi cho bwami, nenyunda zabala bashamuka, nenyunda zabala bagwerhe obulamu bane, nabo barhoga oku liguma embere zakila kichumbi cho bwami, bafukamira Nyamuzinda. ¹² Baderha, Amen; emigisho n'obumoleke, n'obwenge, n'obukuze, n'obu kenge, n'obushobozi, n'emisi bili emwa Nyamuzinda werhu kurhenga amango n'amango bibentyo. ¹³ Ashubiza muguma wabala bashamuka ambwira, kurhe; aba bantu bayambisizwe emyambaro yomweru bobande? nabo barhenga ngahe? ¹⁴ Namu bwira, Nahamwerhu, woyo omenyere, ambwira, abola bobali barhenga mugala malibuko gali gazibu zibu, nabo bameshere emyambaro yabo n'oku yijira myeru omu shagama yomwana gwe ntama. ¹⁵ Okuntyo, bali mbere we kichumbi cho bwami bwa Nyamuzinda, nabo bali bamukolera ezuba n'obudufu omu kanyamuzinda n'olala oyikere oku kichumbi cho bwami ashukulira bo ehema elugulu zabo. ¹⁶ Barha kabona enzara kandi, barhakayunva enyorha kandi, chiro nezuba lirhakachi bashurha chiro oborhere boshi boshi. ¹⁷ Bulala oyo mwana we ntama oli aha garhi garhi kekichumbi chobwami, alanga bo, naye ahabula bo emunda eshoko zamenji gaherhe obulamu, na Nyamuzinda njo ashangula bo emiziga yoshi omu masu gabo.