¹ Okubuzinda nabona aho omwana we ntama abere abumbula nguma yebyo bimenyeso mushanvu nayunva muguma wabala balamire bane aderha, okumulenge goku huuma, njeno. ² Nabona, nalola, e farasi yomweru nowoli yiliko enyanya aligwerhe omungere ahabwa echishema, naye arhenga eya himene ashuba kuhimana. ³ Abere abumbula ekimenyeso kyakabiri, nayunva oyu olamire wakabiri aderha, njeno; ⁴ Yarhenga yindi farasi edukwire bwenene, nowoli yiliko enyanya ahabwa oku kula omurhala omu chihugo, mpu abantu bayirhane, naye ahabwa omupanga guzibu zibu. ⁵ Abere abumbula ekimenyeso chakasharhu, nayunva ola munya bulamu wakasharhu aderha, njeno, nabona, nalola, e farasi yomukara, nowoli yizamukire ko aligwerhe omunzani omu fune zage. ⁶ Nayunva oguli nka mulenge aha kagarhi kabola banya bulamu bane, gwa derha, omunzani go bulo oku chigabi cho rupiya, bibabi bisharhu byo bulo nabyo byagulwa echigabi cho rupiya. Aliko omenye waka gayaguza amavurha chango e divayi. ⁷ Abere abumbula ekimenyeso cha kane, nayunva omulenge gola munya bulamu wakane gwaderha, njeno. ⁸ Nabona, nalola, e farasi yeshusho yoluvu, naye owa liri enyanya wayo, ezino lyage ye lufu, nemalunga gakulikirana naye. Bahabwa obushobozi enyanya ya chigabi chakane chechihugo, bayirhe oku mupanga, oku nzara, oku chinjira noku binyalubala byoshi bye chihugo. ⁹ Abere abumbula eki menyeso chakarhano, nabona eshishi wakashasha, emyuka yaba yirhirwe enyanya yomwazi gwa Nyamuzinda nenyanya yobuhamiriza bali bagwerhe. ¹⁰ Balaka oku mulenge gunene, baderha, Nyamuzinda, mugishwa, munya bushinganyanya, kugera mangochi warhu chira olubanja, chiro okarhuha obushanganyinya bwe shagama yerhu kwabala bayikere omu chihugo? ¹¹ Nabo bahabwa nkasi muguma omwenda gulehere gomweru, babwira bo oku barhulere kasanzi kageke, kugera amango oluganjo lwabasimwa babo nabene babo, amango bayirhwa nabo kuguma nabo. ¹² Nani nabona, abumbula ekimenyeso kyakali ndarhu, haba omusisi gunene omu kihugo choshi, ezuba lyaba lyomukara kuguma nechiguniro che singa, omwezi goshi gwa hinduka shagama. ¹³ Enyenyezi zarhogera ahashi nka kula omurhi gurhoza amalehe gabolere, gushaganyizwe n'omuyaga gunene. ¹⁴ Empingu zakulwa nka karatasi bagonyangire, na nkasi musozi nekirwa byahamiswa kurhenga aha yaliri. ¹⁵ Nabami begulu, nabakulu, nabasirika bakulu, nabagale, nabanya misi, na nkasi muja, na nkasi mwene ekihugo, bachibisha omu ngurhiro eshishi wamabale omu misozi. ¹⁶ Babwira emisozi namabale, murhu rhogere, murhu bishe, emalanga mbere ga masu gage oyikere oku kirhi cho bwami, n'oburhe bwa mwene entama. ¹⁷ Bulala olusiku lukulu loburhe bwabo, lwayinjire, nantyo nde wagala kuyumanga?