¹ Buzinda nabona okuboko kwage kwe kulyo koyola woliyikere oku chichumbi cho bwami kugwerhe ekitabu, kiyandikirwe omu kagarhi nenyuma eheberwe ku bimenyeso mushanvu. ² Nabona malayika ogwerhe emisi aherhe ayigiriza oku mulenge gunene, nde oshinganene oku bumbula ekyola kitabu noku kula ebyola bimenyeso byage? ³ Chiro nta muntu woliri empingu, chango omu gulu, chango eshishi wegulu, wakagala kuchi bumbula, chango oku chilola ko. ⁴ Nani nalaka bwenene oku bona ntamuntu n'omuguma waka gala kubumbula echola chitabu chango oku chilola ko. ⁵ Muguma mu balala bashamuka ambwira, omenye waka leka, lola, entale yomu mulala gwa Yuda, kisina sina kya Daudi, yewe ahimire yagala kubumbula ekyola kitabu, nebyola bimenyeso mushanvu. ⁶ Nabona aha kagarhi kechola kichumbi cho bwami, haguma nabalala bagwerhe obulamu bane, omu kagarhi kabalala bashamuka, omwana gwe ntama guyumangire, gwali guli nkogu bagirwe gugwerhe mahembi mushanvu namasu mushanvu, yomyuka mushanvu ya Nyamuzinda arhumaga omugulu lyoshi. ⁷ Ayinja, arhola ekyola kitabu omu kuboko kwage kwe kulyo, yewe eya yikere kwe chola chichumbi cho bwami. ⁸ Abere arhola echola chitabu, abola bagwerhe obulamu bane nabalala bashamuka makumi abiri nabane, bafukama embere zoyo mwana we ntama, nkasi muguma mubowe yagwerhe ekidari, e oro na namavurha gagwerhe empumulo nyinja lolwiganyo lwa mahuno gaba chesibwa. ⁹ Bali bagwerhe bayimpa olwimpo luhyahya bana derha, oshinganene woyo okurhola echola echitabu, n'oku chibu mbula nebi menyeso byage, bulala woli bagirwe, wagulira Nyamuzinda oku shagama yawe abantu bangasi buko nankasi lulimi, nemilala yolubaga loshi. ¹⁰ Wamujira kuba mwami namu gingi wa Nyamuzinda werhu, nabo barhegekere e gulu. ¹¹ Nabona nanayunva omulenge gwaba malayika kurhengerera e nyunda zoshi zechola chichumbi chobwami, nabalala bagwerhe obulamu, nabalala bashamuka, n'oluganjo lwabo, baliri bihumbi ekumi kukubamo kali bihumbi ekumi na kihumbi kali kihumbi. ¹² Baderha oku mulenge gunene, oshinganene, mwana we ntama, wabagagwa, oku yankirira obushobozi n'obugale, n'obumenyi, n'emisi, n'obukenge, n'obulangashane, n'emigisho. ¹³ Nkasi kilemwa kili empingu n'omugulu, neshishi wegulu, nenyanya ze nyanja, nebintu byoshi bili omu kagarhi kage, nabi cheseze, byaderha, omu gisho n'obukenge, n'obu langashane, n'obushobozi, bugwerhwe naye oyikere enyanya zekichumbi chobwami, nolala mwana wentama, kugera emyaka n'emyaka. ¹⁴ Nabalala balamu bane baderha, bibentyo. Nabalala bashamuka bafukama, bamu haramya.