¹ Buzinda nabona empingu mpyahya ne gulu lihyahya, bulala empingu zoburhanzi negulu lyoburhanzi byagerere, chiro ntagundi mwazi kandi. ² Nani nabona ekyola kihugo kichesibwa, Yerusalemu mpyahya, yayandagala kurhengera empingu emwa Nyamuzinda, ebikirwe ahola, nka kulala munyere muhya bamurhegula embere zomulume wamushaba. ³ Nayunviriza omulenge gunene kurhengerera kukilala kichumbi cho bwami gwa derha, lola, akanyamuzinda kali haguma nabene omuntu, nayewe akola ayumbaka haguma nabo, nabo baba bantu bage. Na Nyamuzinda yewe yenyine anaba haguma nabo. ⁴ Nayewe ashangula emiziga omu masu gabo, chiro nolufu lurha kachibaho kandi, chango emishibo, chango amalira, namalumwa garha kachibaho kandi, bulala bila byoshi byaburhanzi byagerere. ⁵ Nolala oyikere oku kichumbi cho bwami aderha, lola, nabijira byoshi kuba bihyahya. Ambwira, yandika oku eyi myazi yoshi kubinali bunali bushinganyanya. ⁶ Ambwira, byamalire kuba; nyono ndi alpha nandi omega, woburhanzi wona wobuzinda. Nyono njo naha olala ogwerhe enyorha, eshoko ya menji gobu guma guma, oku busha. ⁷ Nkasi yeshi wahima, njo arhegeka ebila, nani nanaba Nyamuzinda wage, naye anaba mwana wani. ⁸ Aliko abayubaha, nabala barha yemera, nabalala bagayisana, nabalala baniga, nabalala bahalika, nabalala bashake, nabalala baharamya eki shushanyo, naba behya boshi, ekigabi chabo eli nyongorhera yomuliro guchana nelimeti. Ebila lolufu lwakabiri. ⁹ Hayinja muguma wabala bamalayika mushanvu baligwerhe rhulala rhubehe mushanvu rhuyunjwire obuhane mushanvu bobuzinda, naye aderha nani, aderha, yinja eno munda, nani naku yereka ola muhya mukazi, omukazi womwana gwe ntama. ¹⁰ Ampeka omu kagarhi ka muka kugera oku musozi gunene, gulehere, anyereka ekyola kishagala kichesibwa, Yerusalemu, erhi ayandagala empingu emwa Nahano Nyamuzinda. ¹¹ Yerusalemu aherhe aba chesibwa ba Nyamuzinda nobumoleke bwage bwali lwiganyo bwe kintu kya kachiro kanene nka kintu kiyangere nka kirahuli lye Yaspi. ¹² Chali herhe olukumba, lulehere, chigwerhe emilyango ekumi nebiri, namweyola milyango ba malayika ekumi naba biri, namazino gayandikirwe mazino gabuko ekuminamabiri gabanya Israeli. ¹³ Elunda lwe bushoshokero milyango esharhu, nelunda lwebuzikiro, milyango esharhu, nekarhongo milyango esharhu, nemalambo milyango esharhu. ¹⁴ Nolugurho lwecho chishagala lwali lugwerhe biriba ekumi nabi biri, nechola chiriba mazino ekumi nama biri yazilala ntumwa ekumi nebiri zomwana wentama. ¹⁵ Nolala walemaga aderha nani aligwerhe omulonge gwe oro agale kuganja echola chihugo, nemilyango yage, nebi bambazi byage. ¹⁶ Nechola chishagala chilehere, nobule bwacho buli bungana ngana enyunda zoshi. Aganja echola kishagala kugula mulonge, zaliri nka ntambu chihumbi namagana marhano, obule bwacho n'obu rhambi rhambi bwacho, nokuja enyanya zacho byali biyingene. ¹⁷ Aganja ebi bambazi, abona ntambu egana namakumi mane nene, oku luganjo lwa bene omuntu, lolwana liri lwa malayika. ¹⁸ Na obumbake bwe chola kibambazi lwaliri nka Yaspa nechola chihugo chaliri che oro e chere, lwiganyo lwe kiyo kili kya baraganya. ¹⁹ Nogola musinji gwe chola chibambazi gwe chola chihugo gwali guyumbakirwe namabale gaka chiro ga nkasi lubero. Omusinji goburhanzi gwaliri Yaspa, ogwakabiri Safire, ogwa kasharhu Agata, nogwa kane Emeralde, ²⁰ ogwa karhano Onixi, ogwa ndarhu Karnelia, ogwa mushanvu Kirisofras, ogwa munane Berile, ogwa mwenda Topaz, ogwe kumi Kirizopraso, ogwe kumi namuguma Yasinte, n'ogwe kumi nakabiri Ametisto. ²¹ Neyola milyango ekumi nebiri eli lulu ekumi nebiri; buli mulyango lulu nguma. Nenjira yecho kishagala eli oro e chere nka kiyo chikomere. ²² Nani nabona akanyamuzinda omu kagarhi kacho, bulala Nahano Nyamuzinda Namahanga na mwene entama, kokanyamuzinda kage. ²³ Nechola kishagala, kirha kifijire ezuba chango omwezi goku bakolezeza, bulala obu moleke bwa Nyamuzinda buli bwa kolezeza bo, netara lyacho ali mwana ntama. ²⁴ Olubaga lwalambagira mobola bumoleke. Nabami bechihugo balerha obumoleke bwabo omola. ²⁵ Neyo milyango yacho erhaka chingwa ezuba, bulala omola nta budufu. ²⁶ Nabo njo balerha obukuze nobukenge bolubaga omola, ²⁷ nomola murhakaja ekintu kiyolokere, chiro nolala ojira obugayise nobu beshi, si balala bayandikirwe omu kitabu chobu guma guma cho mwana gwe ntama.