¹ Buzinda nabona malayika ayandagala kurhenga empingu eya gwerhe enyiguzo ze shinda, eyagwerhe n'omugozi gunene omu maboko gage. ² Afarha elala njoka, ela njoka ya mira, muzimu lyangombe, amushweka myaka myaka kihumbi,. ³ Amukabula omu shinda, amushweka, ahiba ekimenyeso enyanya zage, yarha shobola kurhebeka olubaga, kuhika ahemyaka kihumbi ya yenerera, na enyuma zaho byana huna ashube ashwekulwe bisanzi bigeke. ⁴ Buzinda nabona ebichumbi byo bwami, babi yikere ko, nabo bachibirwa olubanja, nani nabona emyuka yabalala bachibwaga amarhwe enyanya zobu hamiriza bwa Yesu ne nyanya yo mwazi gwa Nyamuzinda, nabalala barhali baharamize kilala kinyalubala, chango ekishushanyo chage, barhana yankiriraga e kimenyeso chage omu malanga gabo, chango oku maboko gabo, nabo baba balamu, barhegeka haguma na Kiristu myaka kihumbi. ⁵ Nabalala bafire bayorhaga, barhabaga balamu, kugera amango myaka kihumbi yayenera. ⁶ Ebila bobufuke boburhanzi. Ragi, nomuchesibwa, yewe yegwerhe echigabi omu bufufuke boburhanzi enyanya za lulala lufu lwakabiri lurha gwerhe emisi: aliko njo baba bagingi ba Nyamuzinda na Kiristu, nabo njo barhegeka haguma naye eyola myaka kihumbi. ⁷ Neyola myaka kihumbi hano ehwa, lyangombe njo ashwekulwa, arhenge omu mugozi gwage. ⁸ Yewe njo arhengerera noku rhebeka lubaga lunene luli mu nyunda ene zegulu, Gog na Magugu enjo yaba gusha omu ntambala, oluganjo lwabo luli nka mushenyi gomu nyanja. ⁹ Bazamuka enyanya zechihugo choshi, noku farha amekalo gaba chesibwa nechola kishagala cha heberwe ho, omuliro gwayandagala kurhenga empingu, gwaba mala boshi. ¹⁰ Nolala lyangombe, orhebekana, njo akabulwa omu nyongorhera yomuliro gwe limeti, bana bugana mukilala kinyalubala nolala mulebi wobu behi. Boshi bana libuzwa ezuba n'obu dufu emyaka nemyaka. ¹¹ Businda nabona ekichumbi cho bwami kinene, kyomweru, nolala ochiyikere ko, olala ekihugo n'empingu zirhaka mubona oku masu gabo, nahabanali eyi harha kabonekana. ¹² Nabona abafire, abakulu oku badorho, bayumangire emalanga mbere zakilala kichumbi, nebitabu bya bumbulwa, nekindi kitabu kya bumbulwa, chowe chili cha kalamu. Nabola bafire bachibirwa olubanja oku bijiro byabo nkoku biyandikirwe mwe byola bitabu, kukulikirana nebijiro byabo. ¹³ Enyanja ya shala aba yayirhaga, olufu neshinda zashala abazayirhaga. Bachibirwa olubanja nkasi muntu kukulikirana nebijiro byage. ¹⁴ Olufu neshinda byakabulwa mwe yola nyongorhera yomuliro. Olula lolufu lwakabiri, koku derha, eyola nyongorhera lyo muliro. ¹⁵ Nakaba hali omuntu yeshi yeshi orha bonekene oku ayandikirwe mwekila kitabu chobu guma guma, bamu kabula mweyola nyongorhera yomuliro.